NGC 6791

De Wikipedia
Saltar a: navegación, buscar
NGC 6791
NGC 6791
Imaxe de NGC 6791 tomada pol Telescopiu Hubble
Datos d'observación
(Dómina J2000)
Tipu Cúmulu abiertu, de tipu II3r.[1]
Ascensión recta 19h 20m 53,2s[2]
Declinación +37° 46′ 19″[2]
Alloña 13.300 al (4.100 pc)[3]
Magnitú aparente (V) +9,5[4]
Tamañu aparente (V) 10'[1]
Galaxa Vía Lláctea
Constelación Lyra
Característiques físiques
Antigüedá 8.000 millones d'años.[3]
Númberu d'estrelles 10.000 aprox.[3]
Velocidá radial 8.859 km/s[4]
Desplazamientu al bermeyu +0,030[4]
Metalicidad (Fe/H) +0,15[5]
Descubrimientu
Descubridor August Winnecke
Fecha del descubrimientu Avientu de 1853
Otres designaciones
NGC 6791 • OCL 142 • Berkeley 46 • Lund 886 • GC 4492

NGC 6791 ye un cúmulu estelar abiertu que s'atopa na constelación de Lyra. Foi afayáu pol alemán Friedrich August Theodor Winnecke en 1853.

Trátase d'unu de los cúmulos abiertos más grandes y antiguos, con una edá averada de 8 mil millones d'años. A pesar de ser unu de los más antiguos, el cúmulu tien una gran cantidá de metales, daqué contradictoriu, pos en teoría les estrelles más vieyes suelen ser probes en metales yá que éstos van atropando amodo de xeneración a xeneración d'estrelles. En concretu, les sos estrelles alluguen el doble de fierro qu'el Sol, convirtiéndo-y n'unu de los cúmulos con mayor metalicidá de la Vía Lláctea.

Otra peculiaridá ye que los cúmulos abiertos, polo xeneral, acovecen a un númberu bien pequeñu d'estrelles, unos pocos cientos d'elles. Sicasí, el númberu d'estrelles del cúmulu NGC 6791 devasa los diez mil. Por tou ello, NGC 6791 ye unu de los cúmulos más estudiaos, siendo un posible modelu d'evolución de les estrelles asitiaes nos centros galácticos.

Sicasí, les estravagancies de NGC 6791 nun acaben equí. El telescopiu espacial Hubble reparó les estrelles con menor lluminosidá del cúmulu, que se traten de delles nanes blanques (estrelles qu'escosaron el so combustible). Al analizar la lluminosidá d'estes estrelles envaloraron les sos edaes, que resultaron ser de 6 mil millones d'años pa un grupu d'estes estrelles y 4 mil millones d'años pa otru. Estes edaes atópense fora de sincronía colos 8 mil millones d'años del restu de les estrelles del cúmulu, calteniendo la incógnita de la so formación.[3]

Referencies[editar | editar la fonte]

  1. 1,0 1,1 Students for the Exploration and Development of Space. «Revised NGC Data for NGC 6791». Consultáu'l 19 de xunetu de 2008.
  2. 2,0 2,1 NASA/IPAC Extragalactic Database. «Searching NED for object "NGC 6791"» (inglés). Consultáu'l 19 de xunetu de 2008.
  3. 3,0 3,1 3,2 3,3 «What's My Age? Mystery Star Cluster Has 3 Different Birthdays» (inglés). HubbleSite (10 de xunetu de 2008). Consultáu'l 19 de xunetu de 2008.
  4. 4,0 4,1 4,2 SIMBAD database. «NGC 6791» (inglés). Consultáu'l 19 de xunetu de 2008.
  5. Jean-Claude Mermilliod, Ernst Paunzen. «WEBDA page for open cluster NGC 6791» (inglés). Consultáu'l 19 de xunetu de 2008.

Enllaces esternos[editar | editar la fonte]