NGC 604

De Wikipedia
Saltar a: navegación, buscar
NGC 604
Imaxe en falsu color de NGC 604 tomada pol Telescopiu Espacial Hubble. Pa ver una imaxe en color real, dir equí

NGC 604 ye una rexón de formación estelar asitiada en la galaxa del Triángulu (M33), a una distancia de 850 quilupársecs de nuesa galaxa. Afayóse por William Herschel el 11 de setiembre de 1784.

NGC 604 comparte con NGC 2070, na Gran Nube de Magallanes ser la mayor rexón de formación estelar del Grupu Local y una de les mayores conocíes, con un diámetru de 1500 años lluz. Ye 40 vegaes mayor y 6300 vegaes más lluminosa que la Gran Nebulosa de Orión y a la distancia y posición d'ésta, NGC 604 rellumaría más que'l planeta Venus, y ocuparía nel cielu un espaciu de 60°x37°, apoderando'l cielu ivernizu -ocupando tola constelación d'Orión y l'espaciu delimitado por Wezen, Procyon, S Aurigae, y casi hasta Menkar-.[1]

Ésta rexón de formación estelar foi estudiada en detalle con ayuda del Telescopiu Espacial Hubble, y determinóse que contién nel so centru un cúmulu de 200 estrelles d'ente 15 y 60 mases solares nel qu'abonden les estrelles de tipu espectral O y Wolf-Rayet, con una masa envalorada de 105 mases solares y una edá de 3,5 millones d'años;[2] sicasí, a diferencia de 30 Doradus dichu cúmulu ye muncho menos compactu[3] y muncho más paecíu a una gran asociación estelar qu'a un super cúmulu estelar, constituyendo'l prototipu de les Asociaciones OB de Gran Escala (SOBA n'inglés).[4]

Referencies[editar | editar la fonte]

Enllaces esternos[editar | editar la fonte]

NGC 604 na base de datos NED

NGC 604 @ seds.org