Saltar al conteníu

Muyeres n'África

De Wikipedia
Una muyer congolesa defende y promueve los derechos de les muyeres al traviés d'un mensaxe impresu nes sos teles.

La cultura, la evolución y la historia de les muyeres que nacieron, viven y son del continente africanu reflexen la evolución y l'historia del propiu continente africanu.

Realizáronse numberosos estudios curtios sobro la historia de les muyeres nes naciones africanes. Munchos céntrense nos papeles históricos y la situación de les muyeres en países y rexones específicos, como Exiptu, Etiopía, Marruecos, Nixeria, Leshotu, o l'África subsaḥariana. Apocayá, los académicos empezaron a centrase na evolución del estatus de la muyer a lo llargo de la historia d'África utilizando fontes menos comunes, como cantares de Malaui, técniques de texíu en Sokoto y llingüística histórica.[1][2][3][4][5]

La situación de les muyeres n'África varia de nación a nación y de rexón a rexón. Por casu, Ruanda ye l'únicu país del mundu onde les muyeres ocupen más de la metá de los escaños del parllamentu (51,9% en xunetu de 2019), ente que Marruecos solo tien una ministra nel so gabinete. Fixéronse esfuerzos significativos escontra la igualdá de xéneru al traviés de la creación de la Carta Africana de Derechos Humanos y de los Pueblos, qu'afala a los Estaos miembros a poner fin a la discriminación y a la violencia contra les muyeres. Sacante Marruecos y Burundi, tolos Estaos africanos adoptaron esta carta. Sicasí, a pesar d'estes meyores escontra la igualdá, les muyeres inda s'enfrenten a diversos problemes rellacionaos cola desigualdá de xéneru, como niveles desproporcionaos de probeza y educación, mala salú y desnutrición, falta de poder políticu, participación llindada na fuerza llaboral, violencia de xéneru, mutilación xenital femenina, y matrimoniu infantil.[6][7][8][9]

Muyeres notables

[editar | editar la fonte]

Ellen Johnson-Sirleaf de Liberia foi la primer muyer presidenta d'una nación africana. Dende la elección de Sirleaf, Joyce Banda en Malaui, Ameenah Gurib-Fakim en Mauriciu y Sahle-Work Zewde n'Etiopía tamién aportaron a les presidencies de los sos respectivos países. Delles otres líderes polítiques (ensin nengún orde en particular) son Sylvie Kinigi de Burundi, Luisa Diogo de Mozambique, Agathe Uwilingiyimana de Ruanda, Maria das Neves de Santu Tomé y Príncipe, Aminata Toure de Senegal y Saara Kuugongelwa de Namibia. Caúna d'elles ocupó'l cargu de primera ministra del so país.

Amás de líderes políticos, les naciones africanes cunten con munches artistes, escritores y activistes. Por casu: la lletrista del himnu nacional y reconocida escritora de Santu Tomé y Príncipe, Alda do Espirito Santo; la cantante sudafricana y activista del apartheid, Miriam Makeba; la novelista y oradora nixeriana Chimamanda Ngozi Adichie; la empresaria etíope de SoleRebels, Bethlehem Alemu; l'arquiteuta nixerina Mariam Kamara; l'activista medioambiental Wanjira Mathai; la filántropa nixeriana aniciada n'Estaos Xuníos, Efe Ukala; Tosin Oshinowo, arquitecta nixerianu, entamadora creativa, oradora pública y escritora. En Kenia, Wamuyu Gakuru xugó un papel na rebelión Mau Mau como lluchadora pola independencia de Kenia.[10][11]

Referencies

[editar | editar la fonte]
  1. ↑ Hunt, Nancy Rose (October 1989). Placing African women's history and locating gender.
  2. ↑ Hetherington, Penelope (1993). Women in South Africa: The Historiography in English.
  3. ↑ Hay, Margaret Jean (2014-03-10). Queens, Prostitutes and Peasants: Historical Perspectives on African Women, 1971–1986.
  4. ↑ Eldredge, Elizabeth A. (1991). Women in Production: The Economic Role of Women in Nineteenth-Century Lesotho. https://archive.org/details/sim_signs_summer-1991_16_4/page/707.
  5. ↑ Encyclopedia of Historians and Historical Writing, vol 2. Taylor & Francis. ISBN 9781884964336.
  6. ↑ Mizrahi, Simon (Mayo). African Development Bank. (ed.): «Empowering African Women: an agenda for action».
  7. ↑ Musau, Zipporah (2019-04-08). African Women in politics: Miles to go before parity is achieved. https://www.un.org/africarenewal/magazine/april-2019-july-2019/african-women-politics-miles-go-parity-achieved. Consultáu'l 2019-10-23.
  8. ↑ «African Charter on Human and Peoples' Rights». African Commission on Human and People's Rights. African Commission on Human and Peoples' Rights. Archiváu dende l'orixinal, el 9 de mayo de 2022. Consultáu'l 31 de julio de 2024.
  9. ↑ Mlambo-Ngcuka (2017-01-29). «Speech: "We have opportunities as much as we have challenges"». UN Women: Africa. UN Women. Consultáu'l 2019-10-23.
  10. ↑ «UNESCO Women in Africa History | Women». en.unesco.org. Consultáu'l 2019-10-31.
  11. ↑ «Our List of Top Influential African Women in 2018» (inglés). ALU (2019-03-12). Archiváu dende l'orixinal, el 2021-06-22. Consultáu'l 2019-11-19.

Enllaces esternos

[editar | editar la fonte]
Sacáu de «https://ast.wikipedia.org/w/index.php?title=Muyeres_n%27África&oldid=4432875»