Muséu d'Arte Modernu de San Francisco

Muséu d'Arte Modernu de San Francisco
San Francisco Museum of Modern Art (en)
museo de arte moderno (es) y editorial
Llocalización
País	Estaos Xuníos
Estaos	California
Condáu	condáu de San Francisco
Ciudá-condáu consolidada	San Francisco
Coordenaes	37°47′09″N 122°24′04″W
Muséu d'Arte Modernu de San Francisco Muséu d'Arte Modernu de San Francisco (los EE.XX.)
Historia y usu
Apertura	1935
Direición	Grace Morley John R. Lane David A. Ross Neal Benezra
Arquiteutura
Arquiteutu/a	Mario Botta Snøhetta
Visitantes añales	650 000
Web oficial

El muséu, vistu dende los xardinos de Yerba Buena. Per detrás del edificiu diseñáu por Mario Botta en 1995 asoma'l nuevu edificiu del muséu, diseñáu pol estudiu d'arquitectura Snøhetta ya inauguráu en 2016, que permitió doblar l'espaciu espositivu del muséu.

El Muséu d'Arte Modernu de San Francisco (San Francisco Museum of Modern Art, SFMOMA) ye un muséu d'arte modernu ya contemporáneu asitiáu na ciudá californiana de San Francisco, nos Estaos Xuníos. Ye una organización ensin ánimu de lucru que guarda una importante coleición d'arte modernu ya contemporáneu, y foi'l primer muséu de la Costa Oeste del país dedicáu namái al arte del sieglu XX. La so coleición actual inclúi más de 33.000 obxetos: cuadros, escultures, semeyes, maquetes d'edificios, diseños, arte audiovisual... La coleición preséntase al públicu nún edificiu que tien 16.000 m² d'espaciu espositivu; el so tamañu conviértelu nún de los mayores, neto a nivel nacional como mundial, dedicaos al arte contemporáneu.

Fundáu en 1935, la so primer sede fue l'edificiu War Memorial. Anguaño les sos coleiciones espónense nún edificiu asitiáu nel distritu SoMa de San Francisco, diseñáu por Mario Botta ya inauguráu en 1995. La so cabera espansión, que forció a zarrar les puertes al públicu, desarrollose de magar 2013; l'espaciu resultante, reinauguráu el 14 de mayu de 2016, dobla l'espaciu dedicáu a esposiciones y tien seis vegaes más espaciu públicu que l'edificiu precedente, lo que permitió al muséu amosar una coleición agrandada cola incorporación a los sos fondos de la coleición d'arte contemporáneu de Doris y Donald Fisher.

La so coleición

Tale of Creation II, de Franz Marc (1914).

El muséu inclúi, na so colección, importantes obres de, ente más otros, Henri Matisse, Jean Metzinger, Paul Klee, Marcel Duchamp, Andy Warhol, Jackson Pollock, Richard Diebenkorn, Clyfford Still, Dorothea Lange and Ansel Adams. Amás, organiza añalmente más de 20 exhibiciones y 300 programes educativos. Foi'l primer muséu nel qu'espunxeron les sos obres Jackson Pollock, Clyfford Still y Arshile Gorky, y demientres les obres de la so cabera espansión (branu 2013-entamu 2016) presentó la so coleición en diferentes llocalizaciones del Área de la Badea dientro'l programa SFMOMA On the Go.

En 2009 incorporáronse al muséu, en préstamu por cien años, les obres de la coleición d'arte contemporáneu de Doris y Donald Fisher, cofundadores de la cadena de tiendes de ropa Gap. La so coleición inclúi 1.100 obres d'artistes como Alexander Calder, Chuck Close, Willem de Kooning, Richard Diebenkorn, Anselm Kiefer, Ellsworth Kelly, Roy Lichtenstein, Brice Marden, Agnes Martin, Gerhard Richter, Richard Serra, Cy Twombly y Andy Warhol, ente más otros. En febreru de 2011 el muséu llanzó la so campaña Collections Campaign, de resultes de la cuála dellos coleicionistes del Área de la Badea donaron 195 obres d'arte, d'autores tan importantes como Jackson Pollock, Willem de Kooning, Jasper Johns, Robert Rauschenberg y Francis Bacon, p'aumentar los fondos de la institución. Dientro de la mesma campaña, anunciose, en 2012, el regalu d'otres 473 fotografíes, incluyendo 26 de Diane Arbus y un garapiellu d'importantes semeyes de fotógrafos xaponeses. Les obres consiguíes al travíes d'esta campaña, xunto coles de la Coleición Fisher, espónense nel nuevu edificiu del muséu.

La Biblioteca d'Investigación del muséu (SFMOMA's Research Library) establecióse en 1935, y inclúi bayura de recursos rellacionaos col arte modernu ya contemporáneu: más de 80.000 llibros (monográficos, catálogos d'esposiciones), más de 2.100 publicaciones periódiques (anuarios, boletines de museos) y delles coleiciones (Kurenboh, Sydney Tillim) que recopilen oxetos sobre temátiques o époques concretes....

• More than 80,000 books – including monographs, catalogues raisonnés, exhibition catalogs, artists’ books, and special collections
• The Sydney Tillim Collection – 1,100 volumes from the late 1830s to the 1970s relating to photomechanical reproduction processes
• The Kurenboh Collection – 1000+ volumes on Japanese p), mhotography, spanning the 1930s to the present
• More than 2,100 periodical titles with 75,000+ issues – including magazines, annuals, museum bulletins, and annual reports
• 50,000 artist and arts organization files – including exhibition announcements, CVs, bibliographies, press releases, news clippings, and other ephemera
• The Skowhegan Lecture Archive – 650+ lectures from an ongoing lecture series featuring visual artists, architects, curators, art historians, and others, begun in 1952

Obres más destacaes de la so coleición

• Ocean Park #54, de Richard Diebenkorn
• The Nest ,de Louise Bourgeois
• The Flower Carrier, de Diego Rivera
• Frieda and Diego Rivera, de Frida Kahlo
• Collection (formerly Untitled), de Robert Rauschenberg
• 1947-S, de Clyfford Still
• A Set of Six Self-Portraits, d'Andy Warhol
• My Mother Posing for Me, from the series Pictures from Home, de Larry Sultan
• Untitled, Memphis, de William Eggleston
• Where There's Smoke Zig Zag chair (Rietveld), de Maarten Baas
• Three Screen Ray, de Bruce Conner
• Video Quartet, de Christian Marclay
• Intermission, d'Edward Hopper
• Honey-pop, de Tokujin Yoshioka

• 
  Gebirge (Mountains), de Franz Marc (1911-12).
• 
  Woman with Folded Headdress, Ellis Island, NY, de Lewis Wickes Hine (1905).
• 
  Mt. Broderick, Nevada Fall, 700 ft., Yosemite, de Carleton E. Watkins (1861).
• 
  A Spirit Serves a Small Breakfast, Angel Brings the Desired, de Paul Klee (1920).

Enllaces esternos

• Wikimedia Commons acueye conteníu multimedia sobre Muséu d'Arte Modernu de San Francisco .
• The San Francisco Museum of Modern Art (web oficial).

• Datos: Q913672
• Multimedia: San Francisco Museum of Modern Art