Muséu Nobel

De Wikipedia
Saltar a navegación Saltar a la gueta
Museo Nobel
Nobelmuseet 2009.jpg
Vista del muséu
Llocalización
Provinciesprovincia d'Estocolmu
Conceyuconceyu d'Estocolmu
Llugar físicu Stadsholmen Traducir
Direición Stortorget Traducir , 2
Historia y usu
Apertura1 abril 2001
Dueñu Fundación Nobel
Orixe del nome Alfred Nobel
Web oficial
Cambiar los datos en Wikidata

El museo Nobel (en suecu: nobelmuseet) ye un muséu asitiáu na ciudá vieya d'Estocolmo en Suecia, na plaza Stortorget nel mesmu edificiu (Börshuset) que l'Academia Sueca y la Biblioteca Nobel. Abrió les sos puertes en 2001, conmemorando los 100 años de Premiu Nobel. Presenta los galardonaos del Premiu Nobel, dende 1901, según los sos trabayos, y la vida d'Alfred Nobel (1833-1896), describiendo asina la evolución de la ciencia mientres más d'un sieglu. El muséu tamién dispon d'una galería onde s'esiben oxetos donaos polos galardonaos del premiu.[1]

Historia[editar | editar la fonte]

El muséu Nobel abrió les sos puertes na primavera de 2001 coincidiendo colos 100 años de celebración del Premiu Nobel. De magar, hubo una gran demanda d'escolares que queríen visitar el muséu nun espaciu bien amenorgáu. Orixinalmente intentóse treslladar el muséu a un edificiu más ampliu en Skeppsholmen (más específicamente na ilesia de Skeppsholmskyrkan), una isleta al este del centru d'Estocolmo, que yá cuntaba con otros museos ya instituciones.[2] Anguaño tase construyendo un nuevu edificiu nel barriu de Blasieholmen, xuntu al Muséu Nacional d'Estocolmo, que'l so arquitectu ye David Chipperfield.[3]

Según el manifiestu del muséu, los sos oxetivos son "reflexar y homenaxar la memoria de los galardonaos del Premiu Nobel y los sos llogros, según el premiu en sí y la figura de Alfred Nobel". P'algamar esti cometíu, el muséu ufierta una exhibición, películes, obres teatrales y alderiques en redol a la ciencia; amás de tienda de llibros y souvenirs y una cafetería. Na exhibición destaquen les figures de Marie Curie, Nelson Mandela y Winston Churchill, ente otros.[4]

El muséu suel amosar esposiciones creatives como "Bocetos de la ciencia", una esposición de fotografíes de 42 galardonaos del premiu col so propiu bocetu del so descubrimientu o llogru. Esta esposición tamién s'amosó n'otres partes del mundu, como Dubái y Singapur.

Pa los visitantes que quieran llevase un pedacito del muséu a casa, pueden atopar na tienda de souvenirs oxetos sobre Alfred Nobel y el muséu.[5]

Ver tamién[editar | editar la fonte]

Referencies[editar | editar la fonte]

Enllaces esternos[editar | editar la fonte]



Museo Nobel