Muria de los Federaos

De Wikipedia
Saltar a navegación Saltar a la gueta
Muria de los Federaos
Commune2011.jpg
Llocalización
MétropoleMetrópolis del Gran París
CiudáFlag of Paris with coat of arms.svg París
Distritu municipalXX Distritu de París
Coordenaes 48°51′35″N 2°23′59″E / 48.8597°N 2.3997°E / 48.8597; 2.3997Coordenaes: 48°51′35″N 2°23′59″E / 48.8597°N 2.3997°E / 48.8597; 2.3997
Muria de los Federaos is located in Francia
Muria de los Federaos
Muria de los Federaos
Muria de los Federaos (Francia)
Patrimoniu
Cambiar los datos en Wikidata

La Muria de los Federaos del Cementeriu del Père-Lachaise de París simboliza la llucha pola llibertá y por ideales anarquistes, comunistes y/o autoxestionarios. Nesi llugar, el 28 de mayu de 1871, 147 federaos, combatientes de la Comuña de París fueron fusilaos y echaos a una fosa abierta al pie de la muria.

Historia[editar | editar la fonte]

El cementeriu del Père-Lachaise foi establecíu, en mayu de 1804, nun dominiu que perteneciera llargu tiempu a los Xesuites y nel que'l padre Lachaise, confesor de Lluis XIV, residió al final de la so vida. La ciudá de París tresformólu en cementeriu, y tresfirió los restos de personaxes qu'algamaron sonadía en dómines anteriores y el llugar convirtióse, nel sieglu XIX, nel cementeriu de l'aristocracia.

Nel cursu de la Comuña de París, na primavera de 1871, los últimos combatientes comuñeros parapetáronse. Los versalleres, dirixíos pol presidente de la dómina, Adolphe Thiers, duños del llugar na tarde del 28 de mayu, fusilaron ellí a tolos prisioneros contr una muria llamada, dende aquella, « muria de los Federaos ».

Sigún Carlos Marx, la Commune foi l'únicu periodu de la historia francias na que foi, brevemente, realizada una dictatura del proletariáu. N'efectu, esti episodiu revolucionariu consituyóse sobre un sofitu fuerte de la clase obrera y, más concretamente, d'una parte consecuente de la población parisina, que dexó ellí la so sangre. Esta llucha y la terrible represión que la siguió darréu (que dio llugar a ente 25.000 y 30.000 muertos) dexaron una acordanza viva. Esto cristalizaría alredor de la muria de los Federaos, emblema d'una dómina tanto más imperceptible como breve, que dexó pocos monumentos.


Un símbolu de la émancipación obrera[editar | editar la fonte]

Numberosos acontecimientos amuesen que la muria de los Federaos foi un llugar de conmemoración importante, un símbolu d'emancipación y de llibertá na memoria militante:

  • El 23 de mayu de 1880, dos meses anantes de l'amnistía de los comuñeros, tien llugar el llamamientu de Jules Guesde, el primer desfile delante de la muria: unes 25.000 persones, con una rosa colorada na solapa, desafíen a les fuercies de la policía. Dende entós, esta « subida a la muria » marca la historia obrera, puesto que cada añu, dende 1880, les organizaciones d'izquierda organicen una manifestación, nesi llugar simbólicu, la última selmana de mayu.
  • Paul Lafargue, conocíu comuñeru, xenru de Carlos Marx, representante de Francia na Primera Internacional, y teóricu socialista, ta enterráu enfrente de la Muria de los Federaos en 1911, cola so muyer, depués del so suicidiu.
  • Una manifestación record tuvo llugar el 24 de mayu de 1936: Unes 600.000 persones, con Léon Blum y Maurice Thorez a la cabeza, en plenu corazón del movimientu güelguísticu, manifestándose delles selmanes depués de la victoria del Front populaire.

Tolos años, el 1 de mayu, día de los trabayadores, el Grand Orient de France acompañáu de numberoses obediencies masoniques, representantes del llibre-pensamientu, asina como'l Partíu Comunista Francés y de les organizaciones sindicales, rinden homenaxe a les víctimes de la Comuña y a les del nazismu aconceyándose delantre la muria de los Federaos.

Jules Jouy cantó a la muria y a los fusilaos en 1887 baxo los títulos Le Tombeau des fusillés y Le Mur.

Xunto con otros elementos del cementeriu, la muria foi clasificada como Monumentu Históricu de Francia por Decretu de 14 de payares de 1983.