Muammar al-Gaddafi

De Wikipedia
(Redirixío dende Muammar al-Gadafi)
Saltar a: navegación, buscar
Muammar al-Gaddafi
Muammar al-Gaddafi at the AU summit-LR.jpg
Líder y Guía de la Revolución

1 setiembre 1969 - 23 agostu 2011
← ensin valor - Mustafa Abdul Jalil
Primer ministro de Libia

16 xineru 1970 - 16 xunetu 1972
Mahmud Sulayman al-Maghribi - Abdessalam Jalloud
Presidente de la Unión Africana

2 febreru 2009 - 31 xineru 2010
Jakaya Mrisho Kikwete - Bingu wa Mutharika
Vida
Nome completu معمر محمد أبو منيار القذافي
Nacimientu Qasr Abu Hadi19 de xunu de 1942
Nacionalidá Bandera de Libia Libia
Fallecimientu

Sirte20 d'ochobre de 2011

(69 años)
Sepultura Desierto Líbico
Causa de la muerte herida de arma de fuego
linchamiento
Asesín Consejo Nacional de Transición
Familia
Casáu/ada con Fethiye Nuri al-Khaled  (1969 -  1970)
Safia Farkash  (10 setiembre 1970 -  2011)
Fíos/es
Estudios
Estudios Benghazi Military University Academy
Universidad de Libia
Llingües árabe
Oficiu
Oficiu políticu, escritor y oficial del exércitu
Altura 185 centímetru
Premios
Serviciu militar
Cuerpu militar Yamahiriya
Graduación Coronel
Lluchó en Guerra de Libia de 2011
Guerra libio-egipcia
Guerra Uganda-Tanzania
Conflicto entre Chad y Libia
Creencies
Relixón Sunismu
Partíu políticu Unión Árabe Socialista
Libyan Arab Socialist Union
IMDb nm0300490
Muammar al-Gaddafi Signature.svg
Cambiar los datos en Wikidata

Muammar al-Gaddafi (Sirte, Tripolitania, 7 de xunu de 1942 - Sirte, 20 d'ochobre de 2011) foi un militar y políticu libiu, cabezaleru del so país dende'l 1 de setiembre de 1969. Oficialmente nun ocupaba nengún cargu públicu magar que se-y atribuyía'l títulu honoríficu de "Cabezaleru de la Revolución"

Dientru'l so programa socialista de gobiernu, Gaddafi nacionalizó na década de los 70 toles empreses privaes, incluyendo la tierra, la industria petrolera y los bancos namai que permitiendo pequeños negocios de calter familiar. Nestes décades de poder en Libia afaló lo qu'elli consideraba l'estáu socialista ideal pal Tercer Mundu, La Tercera Teoría Universal y la Jamahiriya respeutivamente.

Foi acusáu de sofitar el terrorismu y les insurxencies armaes en dellos paises financiando a organizaciones terroristes d'aldu anticapitalista revolucionaria como son les FARC en Colombia, l'IRA n'Irlanda y ETA n'España asina como'l sofitar a organizaciones terroristes palestines escontra Israel; ye acusáu de facer atentaos como la Masacre de Munich en 1972, la bomba na discoteca berlinesa "La Belle" en 1986, el valtamientu del Vuelu 103 de Pan Am en 1988 y del Vuelu 772 d'UTA en 1989 siempre col envís de desestibilizar les naciones y de derrocar gobiernos d'Occidente.

Militar rebelde, simpatizante de les polítiques izquierdistes anticoloniales y antioccidentales y defensor de la distribución de la bayura del país, recibió l'alcuñu del Che Guevara árabe. Intentó ser el socesor del presidente exipcianu Gamal Abdel Nasser, como tiesta visible del panarabismu y del socialismu árabe.

Nestos años de gobiernu, Gaddafi tuvo varies metamorfosis ideolóxiques. Nos entamos del réxime averóse a Francia pero al poco d'ello camudó les sos posiciones axuntándose ideolóxicamente cola Xunión de Repúbliques Socialistes Soviétiques. Sofitó'l panarabismu, l'anticomunismu, el pro-sovietismu, el panislamismu, l'intervencionismu bélicu y el panafricanismu pacifista, esti últimu convirtiólu nel pá de la Xunión Africana.

Na década de los 80 sufrió dellos ataques en reduñes del so derrocamientu por parte del gobiernu de los Estaos Xuníos; asina, nun bombardéu norteamericanu sobro Trípoli, fechu en 1986, y so l'alministración de Ronald Reagan, morría la so fía Jana.

Sofitó al militar ugandés Idi Amin con 3.000 soldaos nos tiempos de la guerra ente Uganda y Tanzania nos años finales de los 70. Ordenó la invasión de la Canga d'Aouzou por mor de les sos potenciales reserves d'uraniu y intentó derrocar al presidente Hisséne Habré na Guerra de los Toyota.

Nos entamos del sieglu XXI abandonó'l sofitu del terrorismu en terceros paises y el desendolcu d'armes de destrucción masiva.

Vida familiar[editar | editar la fonte]

Gadafi nació na ciudá de Sirte'l 7 de xunu de 1942. Pertenez a una familia de beduinos. A los 21 años graduóse en drechu. Ingresó llueu nun colexu militar y organizó la Xunión de Militares Llibres. Tuvo ocho fíos, d'ellos destaquen:

1) Saif al Islam Gaddafi: Designáu como l'únicu socesor lexímitu. Tien un grupu de medios d'información qu'inclui televisiones por satélite y periódicos.
2) Muhamad el Gaddafi: Carez de cualquier porgüeyu pola política.
3) Al Saadi el Gaddafi: Coronel y cabezaleru de les fuerces armaes libies. Futbolista retiráu de la Serie A italiana.
4) Aisha el Gaddafi: Ye la única fía del Coronel Gadafi.
5) Hanibal el Gaddafi: Conocíu por causar un conflictu diplomáticu por mor de la so detención en Suiza tres maltratar a dellos empleaos domésticos.

Revolución Verde Socialista[editar | editar la fonte]

El 1 de setiembre de 1969 participó na revolución que derrocó'l réxime monárquicu del rei Idris I. Con 29 años d'edá púnxose al mandu de la Xunta Militar, el Conseyu del Mandu de la Revolución y dio anuncia de los pegollos fundamentales del so gobiernu.

1) Neutralidá esterior.
2) Xunidá nacional.
3) Prohibición de los partíos políticos.
4) Evacuación de les bases britániques y americanes del so país.
5) Esplotación de la bayura petrolera en beneficiu'l pueblu.

Creación d'un socialismu personal[editar | editar la fonte]

En 1970 nacionalizó delles empreses petroleres, entamó los planes agrícoles na costa'l país, prohibió'l consumu d'alcohol deintru Libia y ameyoró les condiciones d'igualdá de les muyeres na sociedá desafiando al Islám tradicional, con ello la población civil del país entamó a algamar un bon nivel de vida convirtiéndose Libia na nación africana con mayor PIB.

En 1975 espublizó "El llibru verde" en tres volúmenes y onde reflexa la so visión d'un estáu.

1) La solución del problema de la democracia: el poder del pueblu.
2) La solución del problema económicu: el socialismu.
3) El fundamentu social de la Tercera Teoría Universal.

Nos años 70 fracasó nos intentos d'amestar Libia con Exiptu y Siria.

Rebelión de 2011[editar | editar la fonte]

Depués del derrocamientu de los rexímenes autoritarios de Túnez y Exiptu entamaron a producise dellos disturbios na capital del país Trípoli, que llueu s'espardieron por munches ciudaes de Libia. Los manifestantes exixíen que Gaddafi abandonase'l poder y que s'entamara con un procesu de reformes no que cinca a los drechos humanos y al drechu a la llibre espresión dientru'l país. Pola contra Gaddafi retrucó que nun diba dexar el país y que si yera necesariu diba morrer como mártir del so pueblu.

La Interpol tenía a Gaddafi nuna alerta naranxa tres planear ataques y bombardeos en zones populares. Les Naciones Xuníes cancelaron-y cualquier viax al estranxeru y tenía conxelaes toles cuentes d'aforros nos países au agospiaba'l dineru.