Morgan Conway

De Wikipedia
Saltar a: navegación, buscar
Morgan Conway
Morgan Conway
Morgan Conway in Dick Tracy (1945).jpg
Parte d'un fotograma de la película de 1945
Dick Tracy, dirixida por William Berke.
Nacencia 16 de marzu de 1903
Bandera de Estaos Xuníos d'América Newark, de Nueva Jersey (Estaos Xuníos)
Muerte 16 de payares de 1981 (78 años)
Bandera de Estaos Xuníos d'América Livingston, de Nueva Jersey (Estaos Xuníos)
Ficha en IMDb

Morgan Conway (Sydney Conway: Newark, de Nueva Jersey, 16 de marzu de 1903Livingston, de Nueva Jersey, 16 de payares de 1981) foi un actor estaunidense conocíu principalmente pola so encarnación del detective Dick Tracy.

Biografía[editar | editar la fonte]

Estudió na Universidá de Columbia, na ciudá de Nueva York.

Conway foi unu de los miembros fundadores del Sindicatu d'Actores estaunidense. La so primer actuación pal cine tuvo llugar nel filme de 1934 Looking for Trouble, de William A. Wellman.

Mientres munchos años foi un actor independiente, trabayando pa estudios diversos interpretando pequeños papeles o a personaxes de repartu. La so actuación más conocida nesi periodu tuvo llugar probablemente na producción Charlie Chan in Renu (1939).

Merdiada la década de 1940 tenía contratu con RKO Pictures, y foi escoyíu pa interpretar al detective del cómic de Chester Gould Dick Tracy nun par de filmes: Dick Tracy y Dick Tracy vs. Cueball. Diversos medios, incluyendo al escritor de Dick Tracy Max Allan Collins, consideren que Conway foi'l meyor intérprete del detective.

Les películes de Conway tuvieron ésitu nos cines, pero los exhibidores acostumárense a la figura del primera Dick Tracy, l'actor Ralph Byrd. Byrd interpretara'l papel en cuatros seriales d'ésitu, y físicamente paecíase más al personaxe del cómic. Por ello dalgunos exhibidores solicitaron a RKO faer más filmes de Tracy, pero interpretaos por Byrd. RKO sustituyólu, reasignando a Conway pa interpretar dos filmes de serie B. L'estudiu dexó prácticamente de rodar esti tipu de filmes en 1947, polo que'l contratu de Conway nun s'anovó.

Morgan Conway abandonó'l cine y volvió a Nueva Jersey, finando a los 78 años d'edá na población de Livingston.

Notes[editar | editar la fonte]

Enllaces esternos[editar | editar la fonte]