Reinos de la Mancomunidá de Naciones

Dellos países de la Mancomunidá de Naciones, llamaos reinos de la Mancomunidá (Commonwealth realms, n'inglés), son monarquíes constitucionales col monarca del Reinu Xuníu como'l so propiu xefe d'Estáu simbólicu. Pero esto nun significa que los gobiernos d'estes naciones tean xuníos. Anque'l xefe d'Estáu ye compartíu, los países y los sos gobiernos tán totalmente separaos y son "independientes". En cada nación (a esceición del Reinu Xuníu), el monarca ye representáu por un gobernador xeneral. Un ciudadanu que tien un historial distinguíu de serviciu públicu a la nación ye nomáu al puestu pol primer ministru del país y el nomamientu formal ye fechu pol monarca.

El poder políticu verdaderu en cada país ye lleváu a cabu dafechu pol primer ministru, pero'l gobernador xeneral y el monarca realicen munches actividaes simbóliques, formales, culturales, y ceremoniales y promueven la cultura y l'identidá de cada país. El gobernador xeneral firma toles lleis nacionales tamién, pero fai esto solamente col conseyu de los miembros del Gobiernu escoyíu.

L'actual monarca del Reinu Xuníu y de estes otres naciones ye Carlos III. En dellos reinos de la Mancomunidá, el monarca tien un estandarte real oficial que s'usa cuando ta nel país. Amás, en dellos reinos usen imáxenes de la monarquía con frecuencia en monedes, sellos postales, y la pallabra real (royal) utilícense nos títulos de delles instituciones del gobiernu. En Fixi, el monarca británicu siguió siendo'l primeru ente los xefes tradicionales del Gran Conseyu de Xefes hasta la disolución d'este en 2012.

Otros estaos miembros de la Commonwealth yeren reinos de la Mancomunidá nel pasáu pero agora son repúbliques. Dellos exemplos son: Sudáfrica, India o Malta. El casu más recién ye Barbados, que foi reinu de la Mancomunidá del 30 de payares de 1966 hasta'l 30 de payares de 2021. En dellos países, como Australia o Xamaica hai movimientos republicanos significativos. Pero n'otros, como Canadá, Nueva Zelanda o Les Bahames, la mayoría de la población sofita o tien indiferencia pasiva en favor de la monarquía.

Reinos de la Mancomunidá de Naciones[editar | editar la fonte]

Son cualquiera de los quince estaos soberanos de la Mancomunidá de Naciones o Commonwealth que por separáu reconocen al rei Carlos III como'l so monarca. En cada reinu él ye'l monarca y xefe del Estáu y ye tituláu en consecuencia. Por casu, en Belize ye conocida como "Carlos III, pola gracia de Dios, rei de Belice...", o, a cencielles, el rei de Belize. Poro, los reinos de Mancomunidá de Naciones son una xunión personal l'unu col otru, soberanu y Estáu. El so representante en cada país, sacante'l Reinu Xuníu, ye'l gobernador xeneral.

Los quince países que son reinos de la Mancomunidá son:

América

Europa

Reinu Xuníu

Oceanía

Ver tamién[editar | editar la fonte]

Referencies[editar | editar la fonte]

V. Bogdanor, The Monarchy and the Constitution (Oxford, 1995)
P. McIntyre, "The Strange Death of Dominion Status", Journal of Imperial and Commonwealth History 27:2 (1999) 193-212