Saltar al conteníu

Molly Picon

De Wikipedia
Molly Picon
Vida
Nacimientu Nueva York[1]28 de febreru de 1898[2]
Nacionalidá Bandera de Estaos Xuníos d'América Estaos Xuníos
Muerte Lancaster5 d'abril de 1992[3] (94 años)
Sepultura Mount Hebron Cemetery (en) Traducir
Causa de la muerte Alzheimer
Familia
Casada con Jacob Kalich (es) Traducir [4]
Estudios
Llingües falaes yiddish
Oficiu actriz de teatru, actriz de cineactriz de televisión
Nominaciones
IMDb nm0682000
Cambiar los datos en Wikidata

Molly Picon (28 de febreru de 1898Nueva York – 5 d'abril de 1992Lancaster)[5] foi una actriz teatral, cinematográfica y televisiva d'Estaos Xuníos, según lletrista y monologuista.[6]Foi la primera y principal estrella del cine y el teatru yiddish, anque tamién trabayó en producciones en llingua inglesa.

Entamos[editar | editar la fonte]

El so verdaderu nome yera Małka Opiekun, y nació na ciudá de Nueva York nel senu d'una familia d'emigrantes xudíos polacos: Clara Ostrow y Louis Opiekun.[7] L'apellíu Opiekun foi más palantre camudáu pol so nome artísticu, Picon. La so carrera empezó a los seis años d'edá actuando en teatru Yiddish, y en 1912 debutó nel Teatru Arch Street de Nueva York, actuando n'obres representaes nel Distritu del Teatru Yiddish a lo llargo de siete años.[8][9]

Carrera[editar | editar la fonte]

Picon foi tan popular nos años 1920 que munchos shows adoptaron el so nome, Molly, nel so títulu, y en 1931 inauguró'l Teatru New Century. Tamién actuó nel cine, primeramente nel mudu. La so primer película foi Ost und West (1923), na cual trabayaba Jacob Kalich, el so home na vida real.

Picon como Mrs. Bronson, 1962.

El so filme más famosu, Yidl Mitn Fidl (1936), foi rodáu en Polonia, y mientres bona parte de la cinta ella vistía ropa masculino. Otra de les sos películes, Mamele (1938), foi tamién rodada en Polonia.

Col tornar del teatru yiddish, Picon fixo'l so debú teatral en llingua inglesa en 1940. Nel circuitu de Broadway actuó nel musical de Jerry Herman Milk and Honey en 1961, y en 1966 abandonó la desastrosa Chu Chem mientres los ensayos en Filadelfia, cerrándose l'espectáculu enantes de la so llegada a Broadway.

En 1948 fixo un pequeñu papel nel filme The Naked City, pero la so interpretación más importante en llingua inglesa foi la que llevó a cabu en Gallardo y calavera (1963), con Frank Sinatra. Amás, foi Yente na adautación al cine del ésitu de Broadway El violinista nel teyáu (1971).

Nos años 1970 foi escoyida pa encarnar a Mrs. Cherry en For Pete's Sake, filme protagonizáu por Barbra Streisand. Tamién fixo'l papel de Molly Gordon nun episodiu de la serie de la CBS Gomer Pyle, USMC, y tuvo el papel recurrente de Mrs. Bronson nel show de la NBC Car 54, Where Are You?. Más palantre tamién actuó nes producciones televisives Somerset y The Facts of Life, siendo los sos últimos papeles caméos nes películes The Cannonball Run y Cannonball Run II.

Molly Picon en xira con United Service Organizations na Segunda Guerra Mundial

Llibros[editar | editar la fonte]

Picon escribió en 1962 una biografía sobre la so familia titulada So Laugh a Little. Más palantre, en 1980, publicó una autobiografía, Molly.

Muerte[editar | editar la fonte]

Molly Picon finó en 1992, a los 94 años d'edá, por causa d'una enfermedá d'Alzheimer, en Lancaster, Pennsylvania. Jacob Kalich, el so home dende 1919, finó en 1975 por causa de un cáncer. Nun tuvieron fíos. El matrimoniu foi soterráu na seición de teatru yiddish del Campusantu Monte Hebrón de Nueva York.[10] Pola so dedicación al teatru, ingresó nel American Theatre Hall of Fame en 1981.[11]

Referencies[editar | editar la fonte]

  1. Afirmao en: Gemeinsame Normdatei. Data de consulta: 15 avientu 2014. Llingua de la obra o nome: alemán. Autor: Biblioteca Nacional d'Alemaña.
  2. «Jewish Women's Archive». Consultáu'l 25 abril 2017.
  3. Afirmao en: Gemeinsame Normdatei. Data de consulta: 29 abril 2014. Llingua de la obra o nome: alemán. Autor: Biblioteca Nacional d'Alemaña.
  4. «The New York Times» (inglés). The New York Times Company. Consultáu'l 18 payares 2023.
  5. Jewish Theatre.com
  6. Tucson Daily Citizen (Tucson, Arizona), 29 d'agostu de 1952, p. 16
  7. Biografía de Picon en Film Reference
  8. North American Book Dist LLC: Pennsylvania Biographical Dictionary. Consultáu'l 10 de marzu de 2013.
  9. Milton Plesur (1982). Nelson-Hall: Jewish life in twentieth-century America: challenge and accommodation. Consultáu'l 10 de marzu de 2013.
  10. [1]
  11. "26 Elected to the Theater Hall of Fame." The New York Times, 3 de marzu de 1981.

Enllaces esternos[editar | editar la fonte]