Molang

Molang
Información
[editar datos en Wikidata]

Molang ye un personaxe ficticiu creáu pola ilustradora surcoreana Hye-ji Yoon. El primer diseñu oficial del personaxe data de 2010 y posteriormente convirtióse, xunto a Piu Piu, nel protagonista d'una franquicia internacional desarrollada pol estudiu francés Millimages.

Molang ye una criatura blanca y arredondada, asemeyada a un coneyu. Según la descripción oficial de la franquicia, nun tien xéneru, nacionalidá nin edá determinaos y carauterízase pola amabilidá, la empatía, l'entusiasmu y la curiosidá.

En 2015, Millimages empezó a producir la serie d'animación Molang, na que'l personaxe comparte protagonismu con Piu Piu. Los responsables de la serie rediseñaron los personaxes, desenvolvieron el so universu y crearon una llingua ficticia denominada «Molanguese», utilizada polos protagonistes en cuenta de diálogos convencionales.

La franquicia consiguió una amplia difusión internacional mediante televisión, redes sociales y productos derivaos. La serie recibió en 2016 una candidatura a los International Emmy Kids Awards y en 2018 consiguió'l premiu de TV France International a la meyor esportación d'animación.

Enllaces esternos

• Sitiu web oficial

• Datos: Q25093816