Mili Porta

De Wikipedia
Saltar a navegación Saltar a la gueta
Mili Porta
MiliPorta.jpg
Vida
Nacimientu 1918
Nacionalidá Bandera d'España España
Fallecimientu

1971

(52/53 años)
Oficiu
Oficiu pianista
Instrumentu musical Pianu
Cambiar los datos en Wikidata

Milagros Porta Siso, conocida como Mili Porta (La Coruña, 1918 - Madrid, 1971) foi una pianista, compositora y direutora d'orquesta y coros gallega.

Biografía[editar | editar la fonte]

Empezó bien nueva a tocar el pianu, aprobando la carrera d'esti preséu nel Conservatoriu de Madrid a los 14 años. Estudia harmonía y composición colos maestros García de la Parra y Conrado del Campu. A la edá de dieciséis años dirixó la orquesta de profesores de La Coruña pa representar nel Teatru Rosalía de Castro d'esa ciudá la zarzuela La fama del tartanero cola Agrupación Ofelia Nieto, a la que siguió acompañando como pianista y direutora mientres los siguientes años. Conforme avanzó na so xera, coló a Madrid, onde estrena la opereta infantil compuesta por ella y lletra de Fernando Navarrete Monteserin y Xunetu Ponte: "Malibú, los gochinos y tu" nel Teatru Español y onde ye nomada Auxiliar Interina de Solféu del Real Conservatoriu Cimeru de Música de Madrid y darréu llogra la plaza de Profesora Especial de Música y Declamación nel mesmu centru, plaza que compaxina cola direición de la coral Alalá de Veiga y la composición de lieder como Padrón, o pieces corales como Palaciu de Veiga, ente otres.

Les sos brilloses composiciones ya interpretaciones y los sos méritos didácticos, llabor investigador y contribución al modernu desenvolvimientu de la música gallega dieron pie a la concesión de la Cruz de la Orde d'Alfonsu X el Sabiu a los 34 años d'edá.

Tres múltiples actuaciones per España como pianista y como direutora de la coral Anaquiños da Terra del Centru Gallego de Madrid, del Grupu d'Opera de Madrid y del coru de voces blanques Iria Flavia, creáu por ella, col que da a conocer les Cantigues de Martin Codax y les de Alfonsu X el Sabiu, y la grabación de dellos discos como "Airiños. Vieyos Cantares de Galicia" (ORPHEO) cola agrupación Anaquiños da Terra, del que s'imprime un LP y trés Singles y participar viviegamente nes emisiones p'América de Radio Nacional d'España, continua en paralelu cola so xera docente, llogrando, por oposición, la plaza de Catedrática de Solféu del Real Conservatoriu Cimeru de Música de Madrid en 1962. Arcea pola Fundación March, viaxa per Alemaña, Bélxica y Francia pa faer estudios de Acústica y Rítmica lo que la dexa ameyorar el nivel didácticu y técnicu de les sos enseñances.

Recibe al so fallecimientu en 1971 diverses reconocencies de la so tierra gallega y de los sos numberosos alumnos, y dexa delles obres por estrenar, ente elles la zarzuela gallega "A Represa y o Rio" con lletra de Antón de Santiago (Nito) que finalmente vio la lluz nel Teatru Colón d'A Coruña (17 de xineru de 1983) y na Plaza de la Quintana en Santiago (díes dempués).






Mili Porta