Atolón de Mili

Coordenaes: 6°07′34″N 171°58′48″E / 6.126217°N 171.979981°E / 6.126217; 171.979981
De Wikipedia
(Redirixío dende Mili)
Atolón de Mili
Alministración
Protectoráu Nueva Guinea Alemana
PaísBandera de les Islles Márxal Islles Márxal
Tipu d'entidá atolón
Nome llocal Mili (en)
Xeografía
Coordenaes 6°07′34″N 171°58′48″E / 6.126217°N 171.979981°E / 6.126217; 171.979981
Atolón de Mili alcuéntrase n'Islles Márxal
Atolón de Mili
Atolón de Mili
Atolón de Mili (Islles Márxal)
Superficie 14.9 km²
Altitú 3 m
Más información
Estaya horaria UTC+12:00
Cambiar los datos en Wikidata

Mili (en marxalés Mile [mʲilʲee̯])[1] ye un atolón coralín nel Océanu Pacíficu. Forma parte del distritu llexislativu de la cadena Ratak nes Islles Márxal. Tien un total de 14,9 km² de tierra y enzarra una llaguna de 760 km². La segunda más grande d'Islles Márxal tres la del atolón de Kwajalein. L'atolón más averáu a Mili ye'l de Nadikdik, del que lu xebra'l pasaxe de Klee. A 78 km asítiase Arno.

La población de Mili avérase a los 1000 habitantes. La mayor concentración dase na villa homónima de Mili, tando tamién per Nallu, Enejet (o Enajet), Lukonor, Tokewa (o Takowa)y Wau. El nome d'otres islles, dende'l norte y nel sentíu les manes del reló, son Bwokwanalejwa, Bwokwadebto, Narappu, Enkor, Enalik, Ennanlik, Ajwaan, Bworokulik y Arbar. Hai pista d'aterrizaxe en Mili y n'Enejet.

Historia[editar | editar la fonte]

Posiblemente, foi'l buque británicu Rolla'l primeru n'avistar l'atolón de Mili. Treslladaba convictos dende Gran Bretaña a Nueva Gales del Sur. Demientres el sieglu XIX la islla de Tokowa usóla'l negreru Bulbul Hayes como base pa les sos operaciones. L'atolón de Mili foi reclamáu en 1884 pol Imperiu d'Alemaña xunto col restu de les Islles Márxal. Tres la Primer Guerra Mundial, la islla quedó baxo'l Mandatu del Pacíficu Sur del Imperiu de Xapón. Nél allugaron una direición de radio y l'atolón foi fuertemente fortificáu pol exércitu xaponés con unos 2.045 homes de l'Armada Imperial Xaponesa y 2.237 del Exércitu[2]. Establecieron un aeródromu con tres pistes ya instalaron armes antiaérees. Tres cayer en manes de los norteamericanos los atolones de Mayuru y Kwajalein, ente mediaos de 1943 y agostu de 1945 Mili, foi bombardeáu pola Armada de los Estaos Xuníos y por buques de guerra con virulencia. El 22 d'agostu de 1945, el comandante de la guarnición xaponesas entregó les sos fuercies a bordu del USS Levy[3]. Col final de la Segunda Guerra Mundial, quedó baxo'l contro d'Estaos Xuníos como parte del Territoriu en fideicomisu de les islles del Pacíficu hasta la independencia de les Islles Márxal en 1896. Per dayures del atolón hai escatafinos de la guerra, talos como sistemes de combustible, sistemes ferroviarios, pieces d'artillería, restos d'aviones, etc. La llei prohíbe espresamente eliminalos de la islla.

Educación[editar | editar la fonte]

El sistema d'Educación Primaria funciona n'Enejet, Lukonwod, Mili, Nallo y Tokewa[4].

Los Estudios de Secundaria tienen que siguilos en Mayuru.

Referencies[editar | editar la fonte]

  1. http://www.trussel2.com/MOD/LocM.htm#Mile
  2. Takizawa, Akira and Allan Alsleben. "Japanese garrisons on the by-passed Pacific Islands 1944-1945." Forgotten Campaign: The Dutch East Indies Campaign 1941-1942, 1999–2000. Retrieved: September 12, 2017.
  3. "Levy." Naval History & Heritage Command, 2004 (archived). |Retrieved: September 12, 2017
  4. http://pss.edu.mh/en/public-schools

Enllaces esternos[editar | editar la fonte]