Miko Hughes

De Wikipedia
Miko Hughes
Vida
Nacimientu Apple Valley (es) Traducir22 de febreru de 1986[1] (38 años)
Nacionalidá Bandera de Estaos Xuníos d'América Estaos Xuníos
Llingua materna inglés
Estudios
Llingües falaes inglés[2]
Oficiu actor de televisión, actor de cine, actor, apicultor, actor de vozdireutor de cine
IMDb nm0400816
Cambiar los datos en Wikidata

Miko John Hughes (22 de febreru de 1986Apple Valley (es) Traducir) ye un actor d'Estaos Xuníos conocíu polos sos papeles en películes como Gage Creed en Pet Sematary (1989), como un neñu autista en Mercury Rising con Bruce Willis en 1998, y como Dylan, el fíu de Heather Langenkamp en Wes Craven's New Nightmare en 1994.

Carrera[editar | editar la fonte]

Hughes empezó la so carrera d'actuación nun anunciu publicitariu cuando tenía 22 meses, y depués nuna película cinco meses dempués. Dende los sos años como neñu actor, Hughes foi siempres unu de los actores más nuevos ocupaos en Hollywood.

Hughes interpretó a Aaron Bailey en Full House dende 1990 hasta 1995. Una de les sos primeres películes foi Jack the Bear, xunto a Danny DeVito; amás, protagonizó na película Spawn en 1997, Zeus and Roxanne en 1997, Apollo 13 en 1997, Kindergarten Cop en 1990, Mercury Rising en 1998, xunto a Bruce Willis y Pet Sematary en 1989. Hughes tamién apaeció en varia películes de televisión. Foi regular o estrella convidada en delles series como Baywatch en 1989, 90210 en 1991, Full House en 1992, Melrose Place en 1992, Touched by an Angel en 1994 y The Nanny en 1994.

Hughes recibió un certificáu de Premiu Emmy pola so participación como voz de "Tommy" na serie animada Life With Louie en 1995. Los sos otros creitos como voz son "Sly" y "Witt", ñácaros ximielgos na película Baby Geniuses en 1999. El so últimu proyeutu ye la película Surf School. Hughes apaeció apocayá nun anunciu pal videoxuegu Jacks. Dempués d'un descansu na so carrera, volvió como un adolescente nel ésitu de ciencia ficción Roswell. Hughes interpretó a un villanu adorable que yera parte d'un grupu renegáu de aliens.

Como músicu, llanzó dos álbumes en 1995, cuando tenía 9 años. Unu ye homónimu y l'otru llámase Halloween Haunts. Miko escribió cantares pa dambos álbumes y canta. Fueron grabaos y llanzaos pola so propia compañía llamada Little Chief, Inc.

Vida personal[editar | editar la fonte]

Hughes nació n'Apple Valley, California, fíu de Mary (de soltera Phelps) y John Hughes,[3] un téunicu d'efectos especiales. Tien tres hermanos, Mike, Mitch y Molly.[4] Tien ascendencia indíxena Chickasaw estauxunidense.[5] El so primer nome significa Xefe en Chickasaw y Choctaw.

Filmografía[editar | editar la fonte]

Referencies[editar | editar la fonte]

  1. Afirmao en: SNAC. Identificador SNAC Ark: w6qj8csr. Apaez como: Miko Hughes. Data de consulta: 9 ochobre 2017. Llingua de la obra o nome: inglés.
  2. URL de la referencia: https://plus.si.cobiss.net/opac7/conor/45166435.
  3. Miko Hughes Biography (1986-)
  4. Miko Hughes Biography - Yahoo! Movies
  5. Rector, Lisa (15 d'abril de 2001). Awards prove Indian stars still dazzle Hollywood: First Americans in the Arts. News From Indian Country. http://www.highbeam.com/doc/1P1-79516089.html. Consultáu'l 10 d'avientu de 2007.