Miguel Urbán

De Wikipedia
Saltar a navegación Saltar a la gueta
Miguel UrbánPicto infobox character.png
Miguel Urbán (48951548232) (cropped).jpg
European Parliament logo.svg
eurodiputáu

5 marzu 2015 - 1 xunetu 2019
Teresa Rodríguez
Distritu: España
European Parliament logo.svg
eurodiputáu

2 xunetu 2019 -
Distritu: España
Eleiciones: eleiciones al Parllamentu Européu de 2019 n'España
Vida
Nacimientu

Madrid26  de marzu de 1980

(39 años)
Nacionalidá Bandera d'España España
Estudios
Estudios Universidá Complutense de Madrid
Llingües castellanu
Oficiu
Oficiu Xestor cultural
Miembru de Consejo Ciudadano Estatal de Podemos Traducir
Creencies
Partíu políticu Podemos
Izquierda Anticapitalista Traducir
www.miguelurban.net/
Cambiar los datos en Wikidata

Miguel Urbán Crespo (Madrid, 26 de marzu de 1980) ye un activista y políticu español, cofundador de Podemos y, dende'l 5 de marzu de 2015, eurodiputáu por esta formación, en sustitución de Teresa Rodríguez.[1] Dende'l 18 de febreru de 2017 ye responsable de la Secretaría d'Europa de la executiva nacional de Podemos.[2]

Biografía[editar | editar la fonte]

Miguel Urbán Crespo nació en Madrid en 1980 y estudió Hestoria na Universidá Complutense de Madrid, anque nun se llegó a llicenciar.[3]

Trabayó en delles ONG, na redaición de la revista Vientu Sur, y como xestor cultural de la llibrería cooperativa La Marabunda. L'establecimientu, nel barriu madrilanu de Lavapiés, sirvió como llugar de xunta de dalgunos de los actuales miembros de Podemos y cerró apocayá.[4][5]

Como activista políticu, militó nel movimientu estudiantil, sobre'l qu'escribió numberosos artículos y llibros –como coautor–, y participó nel movimientu alterglobalizador, contra la guerra d'Iraq y nel movimientu 15-M.

Nes eleiciones xenerales de 2011 foi cabeza de llista d'Izquierda Anticapitalista pola circunscripción de Madrid.[6]

Yá con Podemos, foi na séptima posición de la so llista pa les eleiciones europees de 2014. Anque la formación llogró cinco escaño, tres l'arrenunciu de Carlos Jiménez Villarejo, en xunetu de 2014, y la marcha de Teresa Rodríguez, candidata a presidir la Xunta d'Andalucía, aportó finalmente al Parllamentu. Tomó posesión de la so acta como eurodiputáu el 5 de marzu de 2015.

En febreru de 2017 el líder del sector Anticapitalista, na Asamblea Ciudadana Estatal de Vistalegre II cuestionó l'enfrentamientu nel cume ente Pablo Iglesias ya Iñigo Errejón y la so intervención foi una de les más aplaudíes.[7] Foi escoyíu miembru de Conseyu Ciudadanu Estatal al que se presentó cola candidatura "Podemos en Movimientu" quedando nel puestu númberu 23 con 3.229.976 puntos, el 26,02% de los puntos.[8]

El 18 de febreru de 2017 foi escoyíu secretariu d'Aición nel Parllamentu Européu na executiva nacional de Podemos.[2]

Referencies[editar | editar la fonte]

Enllaces esternos[editar | editar la fonte]




Miguel Urbán