Miguel Rubín de Celis

Miguel Rubín de Celis
Vida
Nacimientu	sieglu de XVIII
Nacionalidá	España
Muerte	1799
Estudios
Llingües falaes	castellanu
Oficiu	militar

Miguel Rubín de Celis (Llanes, 17??-1799), militar asturianu, de familia de la fidalguía llanisca, y espedicionariu n'América del Sur. Teniente de Fragata de la Real Armada y Caballeru de Santiago, hermanu de Joaquín Rubín de Celis, tuvo venceyáu temporalmente a la Real Academia d'Historia d'España y la Real Academia de Marina de Francia. En 1783, nuna espedición científica na rexón suramericana de Chaco dirixida por él, acompañáu pol inxenieru Pedro Antonio Cerviño y el militar Francisco Gabino Arias, afayó un gran meteoritu al que llamó Mesón de Fierro na rexón conocida como Campu del Cielu. Tamién trabayó na construcción de la catedral de La Paz, Bolivia.

A partir de 1789 la so orientación ideolóxica averará-y a la Revolución francesa, dedicándose al espardimientu de testos lliberales, siendo por ello escorríu n'España. Xunto a José Marchena publicó la Gaceta de la llibertá y de la igualdá n'agostu de 1792.

Morrió en Francia en 1799.

Obres

• Discursu sobre una constitución llibre, Bayonne, 1792.

Enllaces esternos

• Curtiu artículu sobre una novela dedicada a Miguel Rubín de Celis

• Datos: Q6015085