Metlika
 Metlika | |
|---|---|
.jpg) | |
| Alministración | |
| País |  Eslovenia |
| Conceyu | Conceyu de Metlika |
| Tipu d'entidá | ciudá |
| Códigu postal |
8330 |
| Xeografía | |
| Coordenaes | 45°38′50″N 15°18′51″E / 45.64722°N 15.31417°E |
  Metlika Metlika (Eslovenia) | |
| Superficie | 108.87 km² |
| Altitú | 190 m y 163 m |
| Demografía | |
| Población |
3229 hab. (1r xineru 2020) - 1610 homes (1r xineru 2020) - 1619 muyeres (1r xineru 2020) |
| Porcentaxe | 100% de Conceyu de Metlika |
| Densidá | 29,66 hab/km² |
| Más información | |
| Estaya horaria |
UTC+01:00 (horariu estándar) UTC+02:00 (horariu de branu) |
 | |
Metlika (alemán: Möttling) ye una llocalidá y conceyu de Carniola Blanca (eslovenu: Bela krajina) n'Eslovenia.
Historia
[editar | editar la fonte]El territoriu de l'actual Metlika yá taba habitáu en tiempos prehistóricos y antigüedá clásica, como lo demuestren los afayos arqueolóxicos. Hasta l'añu 1200, la zona perteneció a Croacia.
El cascu antiguu recibió el estatus de ciudá en 1335, que foi reconfirmado en 1365. Darréu, los gobernantes de los Habsburgu nun confirmaron estos derechos a los habitantes de Metlika hasta el sieglu XIX.
En 1408, l'asentamientu foi atacáu per primer vegada polos otomanos procedentes de Bosnia, y les sos incursiones repitieronse con frecuencia a partir d'entós. Pa facilitar la defensa, los habitantes treslladaronse a la zona del actual centru de la ciudá, onde construyeron un castiellu, mentáu per primer vegada en fontes escrites en 1456. Hasta la fundación de Karlovac (1579), Metlika foi una de les principales fortaleces defensives de Carniola y la Frontera Militar contra los otomanos, pero dempués perdió toa importancia.
Nel sieglu XVI, cola llegada del protestantismu, abrióse la primer escuela na ciudá. A finales del sieglu XVII, Metlika foi azotada por un fuerte terremotu, y en 1705 la ciudá quedó completamente destruyida pol fueu. En 1869, fundóse en Metlika el primer cuerpu eslovenu de bomberos.
Tres la Primer Guerra Mundial, Metlika progresó económica y culturalmente. Reparáronse los sistemes d'electricidá y agua, y construyóse un nueva ponte de fierro sobro el ríu Kolpa.
Mientres la Segunda Guerra Mundial, Metlika tuvo so ocupación italiana. El 8 de setiembre de 1943, el Reinu d'Italia capituló y Metlika convirtióse nel centru d'un territoriu bastante estensu lliberáu polos partisanos yugoslavos, que los alemanes intentaron ocupar en delles ocasiones.
Xeografía
[editar | editar la fonte]L'asentamientu urbanu desarrollóse na confluencia de la enllanada a lo llargo del ríu Kolpa coles llombes que s'alcen gradualmente escontra el norte, en dirección a los montes croates Žumberak, nel encruz de caminos que conducen a Novo Mesto, Črnomelj y Karlovac (Croacia). Tien una superficie de 108,87 km², alcuéntrase a unos 190 metros sobre'l nivel del mar. Na ciudá vivien 3229 habitantes (1 xineru 2020)[1][2]. Metlika pertenez a la rexón estadística d'Eslovenia Sudoriental.
Cultura
[editar | editar la fonte]El castiellu de Metlika alluga el Muséu de Carniola Blanca (eslovenu: Belokranjski muzej), que presenta la historia de la rexón.
La ilesia católica n'honor a San Nicolás foi construyida en 1334. Tres la so destrucción pola invasión otomana en 1578, construyóse un nuevu edificiu, pero esti tamién s'amburó en 1705, xuntu con tola ciudá, la casa parroquial y los arquivos. Sobro les ruines construyóse una nueva ilesia d'estilu barrocu, que foi consagrada en 1759. Los frescos de la ilesia fueron pintaos pol maestru italianu Domenico Fabris.
Tamién hai una ilesia católica griega, una de los dos úniques ilesies d'esti ritu n'Eslovenia. Foi construyíu en 1903 y ta dedicáu a los Santos Cirilu y San Metodiu.
Un eventu famosu na ciudá ye el festival del vinu Vinska vigred (Primavera de vinu).
Cada llunes de Pascua, celébrase una presentación de dances de Carniola Blanca nel eventu Vuzem (Pascua n'eslovenu antiguu), na plaza asitiada debaxo del castiellu.
Ciudaes hermaniaes
[editar | editar la fonte]
Referencies
[editar | editar la fonte]- ↑ «Prebivalstvo - izbrani kazalniki, naselja, Slovenija, letno». Statistical Office of the Republic of Slovenia. Archiváu dende l'orixinal, el 24 ochobre 2020. Consultáu'l 28 abril 2021.
- ↑ censu de población
Bibliografía
[editar | editar la fonte]- Dular, Jože (1961). Metlika skozi stoletja. Metlika: Belokrajinsko muzejsko društvo.
- Krušič, Marjan (2009). Slovenija : turistični vodnik. Llubliana: Mladinska knjiga. ISBN 978-961-01-0690-6.
Enllaces esternos
[editar | editar la fonte]
Wikimedia Commons acueye conteníu multimedia sobre Metlika.
- «Metlika» (eslovenu). Bela krajina kliče na potep. Consultáu'l 19.4.2026.
- «Metlika» (eslovenu). Odkrijte Belo krajino. Consultáu'l 19.4.2026.
