Meruidae

Meruidae;
Clasificación científica
Reinu:	Animal
Filu:	Arthropoda
Clas:	Insecta
Orde:	Coleoptera
Suborde:	Adephaga
Familia:	Meruidae; Spangler & Steiner, 2005
Especies
	Meru phylissae;
Consultes
	[editar datos en Wikidata]

Los merúidos (Meruidae) son una familia de coleópteros adéfagos que tien una única especie, Meru phylissae, que foi atopada en grandes cantidaes a principios de los 80, pero depués perdióse l'interés n'investigalos.

El términu Meru vien de la llingua indíxena de los Pemon, y significa cascada. Esti escarabayu foi namái atopáu na aguada d'El Tobogán (Les Amazones, Venezuela). Esta remota llocalidá ye celosamente protexida polos Pemon. Sicasí, por cuenta de la singularidá del sitiu los turistes anubrieron el llugar, causando la degradación del hábitat de los Meruidae, tol rangu conocíu del hábitat foi afeutáu por esto. Esta ye una de les causes de la gran desapaición de la población de Meruidae dende los 80. Sicasí, pue que sía'l fechu que nun se sabe abondu como p'atopalos la causa de que nun s'atopen grandes poblaciones.

Carauterístiques[editar | editar la fonte]

Meru ye unu de los escarabayos más pequeños del mundu, midiendo 0,8 mm. Foi atopáu en particulares condiciones acuátiques, arreyaes con cascaes. Por cuenta de lo pequeños que son, la so rareza, y lo difícil que ye atopar los, la información alrodiu de la so bioloxía ye nula, fora de la so morfoloxía. Entá nun se sabe nada alrodiu de los sos güevos, los sos bárabos o pupes, nun se vieron nunca. Nin siquier sábese que comen, entá cuando los sos descubridores abarrunten una dieta fitófaga, o les sos dómines de reproducción o d'adultos. La llocalidá en que fueron atopaos tamién tien toles families del suborde Myxophaga, unos raros escarabayos. Esta rexón, créese tamién tien casi la mayoría de los sos escarabayos acuáticos entá ensin afayar, y estos atópense yá en peligru d'estinción ensin siquier ser conocida la so esistencia.

Basándose nos estudios filoxenéticos, venceyóse-y a Dytiscidae, pero tamién s'amosaron factores que suxuren una rellación cercana a Noteridae o Haliplidae; sicasí dicen que ye abondo distintu como pa tener una familia propia.

Esti escarabayu n'especial, tien una estrañes uñes arrondaes, que especúlase sirven pa nadar y esguilar raigaños. Por cuenta de que nun ye axilosu nin rápidu nadador, los sos pieces bucales nun tán preparaes pa prindar preses más pequeñes; los científicos Spangler y Steiner^[1] creen que M. phyllisae sobrevive comiendo fungos, algues y fueyes somorguiaes.

Referencies[editar | editar la fonte]

↑ Spangler, P. J. & Steiner, W. Y. 2005. A new aquatic beetle family, Meruidae, from Venezuela (Coleoptera: Adephaga). Systematic Entomology, 30(3): 339-357

Enllaces esternos[editar | editar la fonte]

[1] Spangler, P. J. & Steiner, W. Y. 2005. A new aquatic beetle family, Meruidae, from Venezuela (Coleoptera: Adephaga). Systematic Entomology, 30(3): 339-357

[1]