Mekbuda

De Wikipedia
Saltar a: navegación, buscar
Mekbuda
Mekbuda
Constelación Xéminis
Ascensión reuta α 07h 04min 06,53s
Declinación δ +20º 34’ 13,1’’
Distancia 1168 años lluz
Magnitú visual +3,7 a +4,2
Magnitú absoluta -3,76
Lluminosidá 3000 soles
Temperatura 5840 K
Masa 5,0 soles
Radiu 65 soles
Tipu espectral G0Ib
Velocidá radial +6,7 km/s
Otros nomes HD 52973 / HR 2650
HIP 34088 / SAO 79031

Mekbuda (Zeta Geminorum / ζ Gem / 43 Geminorum)[1] ye una estrella de la constelación de Xéminis que s'atopa a unos 1200 años lluz del Sistema Solar. El so nome provién del árabe Al-Maqbudah, «la garra del lleón», rellacionáu con una figura árabe qu'ocupaba esta rexón del cielu.[2]

Carauterístiques[editar | editar la fonte]

Mekbuda ye una superxigante mariella de tipu espectral G0Ib con una temperatura efectivo averada de 5840 K.[3] Casi 3000 vegaes más lluminosa qu'el Sol,[2] el so diámetru ye 65 vegaes más grande'l diámetru solar.[3] Tien una masa cinco veces mayor que la del Sol[3] y una edá d'aprosimao 40 millones d'años.[4]

El principal interés de Mekbuda anicia en que ye una variable cefeida, una de les poques visibles a simple vista. L'astrónomu Johann Friedrich Julius Schmidt foi'l primeru qu'alvirtió la so variabilidá en 1847.[5] El so rellumu varia ente magnitú aparente +3,7 y +4,2 nun periodu de 10,139 díes. Igualmente varien el so tipu espectral y temperatura, ente 5300 y 5840 K. Esti tipu de variable pulsante ye especialmente interesante una y bones el so periodu ta directamente rellacionáu cola so lluminosidá intrínseca. Un periodu más llargu implica una mayor lluminosidá. Midiendo'l periodu puede conocese la so magnitú absoluta, y a partir d'ésta la distancia a la que s'atopa la estrella. Ye por ello que les cefeides empléguense como candeles estándar pa midir la distancia d'oxetos alloñaos como galaxes.[2]

Mekbuda amuesa un conteníu metálico igual a la solar ([Fe/H) = 0,00). Ente los diversos elementos evaluaos, ye'l carbon u'l que presenta una bayura relativa menor ([C/H) = -0,22) —per debaxo del d'otres conocíes cefeides como η Aquilae o l Carinae—, ente que, otra manera, itriu y sodiu son sobreabundantes en rellación al Sol.[6]

Una estrella que se repara a pocu más de 1 minutu d'arcu de Mekbuda nun ye una compañera real, sinón que namái ta na mesma llinia de visión. Sicasí, sí esiste una compañera tenue que nun puede ser resuelta visualmente con telescopiu.[2]

Ver tamién[editar | editar la fonte]

Referencies[editar | editar la fonte]