Megafilu

De Wikipedia
Megafilos en Pteris.

En botánica, un megafilu, o fronde ye una fueya esplanada, grande y vascularizada. Los megafilos de les pteridofites denómense frondes. Son fueyes de gran tamañu, frecuentemente compuestes, con venación bien desenvuelta. La crecedera de los megafilos débese a l'actividá d'un meristema apical persistente, que la so actividá —contrariamente a lo qu'asocede nes espermatófites— enllárgase mientres munchu tiempu dempués que la fueya s'esplegó. Les frondes cencielles presenten una llámina allargada, entera —como por casu n'Ophioglossum— anque pue ser pinnatífida o pinnatisecta.

Nes frondes estremaes la llámina pue ser pinnada con raquis simple —como en Polypodium vulgare— o bi- o tripinnada con raquis primariu y ráquises secundarios o terciarios, como en Polystichum filix-mas. La venación más frecuente de les frondes ye la venación dicotómica abierta, anque pue ser reticulada, asemeyada a la de les espermatófites, como ye'l casu d'Ophioglossum.[1]

Ver tamién[editar | editar la fonte]

Referencies[editar | editar la fonte]

  1. González, A.M. & Arbo, M.M.. «Organización del cuerpo de la planta. Tema 2: Hoja, 2.7. Hojas de Pteridofitas» (castellanu). Morfología de Plantas Vasculares. Arxentina: Universidad Nacional del Nordeste. Archiváu dende l'orixinal, el 31 de octubre de 2009. Consultáu'l 10 de septiembre de 2010.

Enllaces esternos[editar | editar la fonte]