Mazagán

Ciudá portuguesa de Mazagán
(El Yadida)
Patrimoniu de la Humanidá — UNESCO
	Fortaleza de Mazagán. Error de Lua en Módulu:Mapa_de_llocalización na llinia 393: Minutes were provided for longitude without degrees also being provided.
Llugar	Marruecos
Criterios	Cultural: ii, iv
Referencia	1058rev
Inscripción	2004 (XXVIII Sesión)
Área	Estaos árabes

Mazagán o Mazagón (en portugués Mazagão) foi una posesión portuguesa en Marruecos, n'África del Norte, y correspuende a l'actual ciudá d'El-Yadida (n'árabe, الجديدة), a 90 km al suroeste de Casablanca.

Cisterna manuelina de la fortaleza de Mazagón.

Fundada en 1513 como puestu comercial, aguantó a los envites de los moros a cuenta de grandes esfuercios ya inversiones de la Corona portuguesa, pa sirvir a los navegantes que faíen la Ruta del Cabu. La reedificación de la fortaleza foi encargada a los meyores arquiteutos italianos y españoles, nuna dómina de transición de la guerra neurobalística escontra la pirobalística, esto ye, de les armes de percusión (les catapultes, por casu) escontra les armes de fueu. Asina se xustifica l'enclín de les muralles, que d'esta miente repelen l'impautu de los proyeutiles d'artillería, según enanche de les almenes, pal allugamientu de les culebrines, cañones y otros dispositivos.

Nel añu 1541 fueron baltaes les estructures defensives esistentes, que taben en decadencia y desfasaes, siendo sustituyíes por otres de forma renacentista, según conforme al planu de Benedetto de Ravena y construyíu pol arquiteutu-inxenieru de sonadía Juan de Castillo, únicu arquiteutu con obres en cinco monumentos declaraos Patrimoniu de la Humanidá pola Unesco. La prueba de la so inexpugnabilidad foi la resistencia al fuerte cercu de los moros en 1562.

En 1769, el Marqués de Pombal, estratega del reináu de D. José, decidió que tola ciudá sería tresferida pa l'Amazonia, en Brasil, otra rexón portuguesa que precisaba garantizar la soberanía. Asina, la fortificación foi abandonada y destruyida, los sos habitantes partieron pa Brasil, onde fundaron la villa de Nova Mazagão (Nueva Mazagón), anguaño namái Mazagão, en Amapá.

Les fortificaciones portugueses de Mazagón fueron inscrites na llista de Patrimoniu de la Humanidá pola Unesco en 2004. Del conxuntu, destácase la so antigua Ilesia de l'Asunción n'estilu manuelino. En cuanto, la fortaleza amuesa l'encruz ente les cultures europea y marroquina, tantu na arquiteutura, como na teunoloxía y nel urbanismu.