Maurice Costello
Maurice Costello | |
|---|---|
 | |
| Vida | |
| Nacimientu | Pittsburgh, 22 de febreru de 1877[1] |
| Nacionalidá |
 Estaos Xuníos |
| Muerte | Hollywood, 29 d'ochobre de 1950[2] (73 años) |
| Sepultura |
Cementerio del Calvario (es)  |
| Familia | |
| Casáu con | Mae Costello (1902 – 1927) |
| Fíos/es | |
| Oficiu | direutor de cine, guionista, actor de teatru, actor de cine |
| Premios | |
| IMDb | nm0007221 |
 | |
Maurice George Costello (22 de febreru de 1877, Pittsburgh – 29 d'ochobre de 1950, Hollywood), más conocíu como Maurice Costello, foi un direutor de cine, guionista, actor de teatru y actor de cine d'Estaos Xuníos.
Biografía[editar | editar la fonte]
Los sos padres yeren los inmigrantes irlandeses Thomas Costello y Ellen Fitzgerald. Costello actuó nel so primer filme en 1905, Adventures of Sherlock Holmes. Darréu pasó a ser miembru de la compañía Vitagraph Studios, xunto a Florence Turner. Ente delles de les sos películes más destacaes figuren "A Tale of Two Cities," "The Man Who Couldn't Beat God" y "For the Honor of the Family." Tres una ausencia de dellos años, volvió a la pantalla. Casóse cola actriz Mae Costello. Les sos fíes fueron les tamién actrices Dolores Costello y Helene Costello. Asina mesmu, foi güelu de John Drew Barrymore y bisagüelu de Drew Barrymore. Foi unu de los primeros actores protagonistes del cine d'Estaos Xuníos pero, tristemente, como otres munches estrelles del cine mudu, nun consiguió superar con ésitu la transición al cine sonoru. Sicasí, Costello yera bien trabayador y siguió actuando nel cine, anque en pequeños papeles, hasta'l momentu de la so muerte en 1950.
Costello finó a los 73 años d'edá, en 1950, en Los Angeles, California, por causa de una enfermedá cardiaca, y foi soterráu nel Campusantu Calvary de Los Angeles.
Filmografía escoyida[editar | editar la fonte]
- 1908: Anthony and Cleopatra, adautación de la obra homónima de Shakespeare.
- 1909: A Midsummer Night's Dream, adautación de la obra homónima de Shakespeare.
- 1911: A Tale of Two Cities, adautación de la obra homónima de Dickens.
- 1916: The Crimson Stain Mystery
- 1924: Virtuous Liars
- 1927: Johnny Get Your Hair Cut
- 1928: Eagle of the Night
- 1941: Lady from Louisiana
Notes[editar | editar la fonte]
Traducíu direutamente de la Wikipedia n'inglés
Referencies[editar | editar la fonte]
- ↑ Afirmao en: Internet Broadway Database. Identificador de persona d'Internet Broadway Database: 36417. Apaez como: Maurice Costello. Data de consulta: 9 ochobre 2017. Llingua de la obra o nome: inglés.
- ↑ Afirmao en: Find a Grave. Identificador Find a Grave: 5244. Apaez como: Maurice Costello. Data de consulta: 9 ochobre 2017. Llingua de la obra o nome: inglés.
Enllaces esternos[editar | editar la fonte]
Wikimedia Commons acueye conteníu multimedia sobre Maurice Costello 
.
- Maurice Costello na Internet Movie Database (n'inglés)
- Maurice Costello na Internet Broadway Database (n'inglés)
Datos: Q1749423- Multimedia: Maurice Costello