Matthew Fox

De Wikipedia
24-05-2020 08:53
Matthew Fox
Vida
Nacimientu Conceyu d'Abington14 de xunetu de 1966 (57 años)
Nacionalidá Bandera de Estaos Xuníos d'América Estaos Xuníos
Llingua materna inglés
Estudios
Estudios Universidá de Columbia
Academia Deerfield
Llingües falaes inglés
Oficiu actor, actor de televisión, modeluactor de cine
Trabayos destacaos Lost
Speed Racer
Premios
IMDb nm0289142
Cambiar los datos en Wikidata

Matthew Chandler Fox (14 de xunetu de 1966Conceyu d'Abington) ye un actor y exmodelu estauxunidense. El so primer papel protagonista foi'l de Charlie Salinger en Party of Five nos años 1990, xunto a Scott Wolf y Nieve Campbell; pero saltó a la fama por interpretar al doctor Jack Shephard na serie d'ABC Lost[1].

Biografía[editar | editar la fonte]

Primeros años[editar | editar la fonte]

Empezó los sos estudios na Deerfield Academy en Massachusetts acompañáu del so meyor amigu Jair Almar, dende onde pasó a la universidá de Columbia, na que destacó como xugador de fútbol americanu mientres estudiaba Económiques nun intentu de terminar trabayando en Wall Street. Graduóse na Universidá de Columbia como llicenciáu en Ciencies Económiques en 1989. El destín quixo que la madre de la so novia, que rexentaba una axencia de modelos, lu convenciera pa trabayar como modelu, empezando asina a facer anuncios pa televisión nos que llueu empezó a demostrar les sos capacidaes dramátiques. Estudió actuación mientres dos años na Escuela de Cine y Televisión en Nueva York.

Fox, escoyíu pola revista People como una de les persones más formoses del mundu, diose a conocer n'Estaos Xuníos pol so papel na serie d'ésitu Cinco en familia (Party of Five)[2], ganadora del Globu d'Oru en 1996 a la meyor serie dramática. Otros trabayos de so destacaos son el so papel protagonista na serie Haunted y el telefilme Behind the Mask. Tamién participó en películes como Vantage Point (Nel puntu de mira ) y Speed Racer, en 2008.

N'agostu de 2010 Fox viaxó a la India como voluntariu nun proyeutu solidariu llamáu Operación Smile (Operación sorrisa), misión médica que s'encarga d'ayudar a cientos de neños que nacen con llabiu leporín y cielu la boca fendíu, onde sostuvo bebes y xugó colos neños mientres se preparaben pa la ciruxía, tamién reparó y ayudó nes ciruxíes. N'agostu de 2011 empezó la grabación de dos películes World War Z[3], dirixida por Marc Foster y I, Alex Cross empobinada por Rob Cohen, basada na novela de James Patterson Cross.

En xineru de 2012 empezó la filmación del so primer rol protagonista en Emperor, cola direición del Británicu Peter Webber con estrenu axustáu pa fin d'añu. El filme ta basáu nuna historia real desenvuelta nos díes posteriores a la Segunda Guerra Mundial. Con estrenu previstu pa 2014, anguaño participa nel rodaxe de la película Extinction,[4] con direición al cargu de Miguel Ángel Vives, nuna adautación de la novela Y magar tou («Y pese a todo») obra del escritor español Juan de Dios Garduño.


Filmografía[editar | editar la fonte]

2002 Haunted Frank Taylor Serie de televisión - 2002
1995 Party of Five Charlie Salinger Serie de televisión - 1994 - 2000
2004 Lost[1] Jack Shephard Serie de televisión - 2004 - 2010
2007 We Are Marshall Red Dawson
2007 Smokin' Aces Super Security Bill Caméu
2008 Vantage Point Kent Taylor
Speed Racer Racer X
2012 Alex Cross
2013 Emperor Gral Fellers
2013 World War Z Paracaidista
2014 In from Outside James
2015 Extinction Patrick

Reconocencies[editar | editar la fonte]

Añu Premiu Categoría Resultáu
2005 Satellite Awards Satellite Award por Meyor Actor nuna Serie Dramática de Televisión (Lost) Ganador
2005 Academy of Science Fiction, Fantasy & Horror Films Meyor d'Actor de Televisión (Lost) Nomáu
2005 Peoples Choice Awards Estrella Favorita de Televisión - Hombre (Lost) Nomáu
2005 Teen Choice Awards Actor de TV - Aición/Aventura (Lost) Nomáu
2005 Teen Choice Awards Química en TV (xunto a Evangeline Lilly (Lost) Nomáu
2005 Television Critics Association Awards Llogru Individual nuna Serie Dramática (Lost) Nomáu
2006 Academy of Science Fiction, Fantasy & Horror Films Meyor Actor de Televisión (Lost) Ganador
2006 National Television Awards Actor Más Popular (Lost) Nomáu
2006 Saturn Awards Meyor Actor Protagonista nuna Serie de Televisión (Lost) Ganador
2006 Golden Globe Awards Meyor Protagonista d'una Serie Dramática (Lost) Nomáu
2006 Screen Actors Guild Awards Screen Actors Guild Award por Destacada Actuación d'una Repartu en Serie Dramática (Lost) Ganador
2006 Teen Choice Awards Actor de TV - Aición/Aventura (Lost) Nomáu
2006 Teen Choice Awards Química en TV (xunto con Evangeline Lilly (Lost) Nomáu
2007 Saturn Awards Meyor Actor Protagonista nuna Serie de Televisión (Lost) Nomáu
2007 Teen Choice Awards Actor de TV - Aición/Aventura (Lost) Nomáu
2008 Saturn Awards Saturn Award por Meyor Actor en Televisión (Lost) Ganador
2008 Academy of Science Fiction, Fantasy & Horror Films Meyor Actor en Televisión (Lost) Ganador
2008 Prism Awards Actuación nuna Serie Dramática (Lost) Nomáu
2008 Teen Choice Awards Actor de TV - Aición/Aventura (Lost) Nomáu
2009 Saturn Awards Meyor Actor Protagonista nuna Serie de Televisión (Lost) Nomáu
2009 Teen Choice Awards Actor de TV - Aición/Aventura (Lost) Nomáu
2009 People's Choice Awards Actor Favoritu de TV - Drama (Lost) Nomáu
2010 Saturn Awards Meyor Actor Protagonista nuna Serie de Televisión (Lost) Nomáu
2010 Emmy Awards Meyor Actor d'una Serie Dramática (Lost) Nomáu

Referencies[editar | editar la fonte]

  1. 1,0 1,1 https://www.esquire.com/es/actualidad/tv/a22744931/matthew-fox-jack-shephard-medico-perdidos-lost-transformacion/
  2. Party of five
  3. How World War Z Originally Ended, And What Happened To Matthew Fox
  4. Sneider, Jeff. [1] "Jeffrey Donovan, Matthew Fox to Star in Post-Apocalyptic Horror Movie ‘Welcome to Harmony", The Wrap. December 20, 2013

Enllaces esternos[editar | editar la fonte]