Mary Boland

De Wikipedia
Saltar a navegación Saltar a la gueta
Artículu revisáu
Mary Boland
Mary Boland in The Women trailer.jpg
Vida
Nacimientu Detroit28  de xineru de 1882
Nacionalidá Bandera de Estaos Xuníos d'América Estaos Xuníos
Fallecimientu

Nueva York23  de xunu de 1965

(83 años)
Sepultura Forest Lawn Memorial Park Traducir
Causa de la muerte infartu de miocardiu
Oficiu
Oficiu actriz, actriz de teatru, actriz de cine y actriz de televisión
Creencies
Partíu políticu California Republican Party Traducir
IMDb nm0092683
Cambiar los datos en Wikidata

Mary Boland (28 de xineru de 188023 de xunu de 1965) foi una actriz de teatru y cine d'Estaos Xuníos d'América.

Biografía[editar | editar la fonte]

El so nome completu yera Marie Anne Boland, y nació en Filadelfia (Pennsylvania). Yera la fía de William Boland, un actor, y la so esposa Mary Cecilia Hatton. Tuvo una hermana mayor llamada Sara.

Boland yá actuaba nel teatru a los quince años d'edá, y debutó en Broadway en 1907 cola obra The Ranger, xunto a Dustin Farnum. Actuó n'once producciones en Broadway, destacando'l so trabayu con John Drew, Jr., enantes d'empecipiar nel cine mudu con Triangle Film Corporation en 1915. N'interpretando nueve películes, dexó'l cine en 1920 pa volver al teatru, actuando de nuevo en delles representaciones en Broadway.

El mayor ésitu de Boland nel teatru na década de 1920 tuvo llugar cola comedia The Cradle Snatchers (1925-1926), na que trabayaba xunto a Edna May Oliver, Margaret Dale y Humphrey Bogart, nún de los sos primeros papeles.

Tres una ausencia d'once años, en 1931 volvió a Hollywood pa trabayar cola Paramount Pictures. Consiguió muncho más ésitu con esti segundu intentu, pasando a ser una de les actrices más famoses de los años trenta, siempres interpretando papeles d'importancia y, inclusive en delles ocasiones, siendo protagonista, destacando nesta faceta una serie de comedies col actor Charles Ruggles.

Ente los filmes qu'interpretó inclúyense Ruggles of Red Gap, The Big Broadcast of 1936, Danger - Love at Work, Nothing But Trouble, y Julia Misbehaves. Ye quiciabes más recordada pola so interpretación de la Condesa DeLave en The Women (1939) y de Mrs. Bennett en Pride and Prejudice (1940).

Mientres el restu de la so carrera Boland combinó'l cine cola televisión, amás de trabayos teatrales como'l musical de Cole Porter de 1935 Jubilee', actuando per última vegada en Broadway en 1954, a los setenta y cuatro años d'edá. Esa obra, Lullaby, nun tuvo ésitu. La so última interpretación tuvo llugar en 1955, nuna adaptación televisiva de The Women, na que retomaba'l so papel.

Boland nunca casó nin tuvo fíos. Finó na ciudá de Nueva York por causa d'un infartu agudu de miocardiu en 1965, siendo enterrada nel campusantu Forest Lawn Memorial Park de Glendale (California). Pola so contribución a la industria cinematográfica recibió una estrella nel Paséu de la Fama de Hollywood, nel 6150 de Hollywood Boulevard.

Enllaces esternos[editar | editar la fonte]