Carl Friedrich Philipp von Martius

Carl Friedrich Philipp von Martius
profesor
Vida
Nacimientu	Erlangen, 17 d'abril de 1794
Nacionalidá	Reinu de Baviera
Muerte	Múnic, 13 d'avientu de 1868 (74 años)
Sepultura	Alter Südfriedhof
Familia
Padre	Ernst Wilhelm Martius
Casáu con	Franziska Amalie Leopoldine Freiin von Stengel
Estudios
Estudios	Universidá d'Erlangen-Núremberg
Direutor de tesis de	Louis Agassiz
Llingües falaes	llatín alemán
Oficiu
Oficiu	esplorador, pteridólogu, botánicu, profesor universitariu, micólogu, médicu, antropólogu, naturalista, viaxeru pel mundu, cartógrafu, coleicionista de plantes, coleicionista científicu
Llugares de trabayu	Múnic y Brasil
Emplegadores	Universidá de Munich
Premios	ver miembru de l'Academia de les Artes y les Ciencies d'Estaos Xuníos miembru estranxeru de la Royal Society  (20 avientu 1838) Orde bávara de Maximilianu para la Ciencia y les Artes  (1853)
Miembru de	Royal Society Academy of Science for Public Utility (en) Real Academia de les Ciencies de Suecia Academia de les Ciencies de Baviera Academia de Ciencies de San Petersburgu Academia Francesa de les Ciencies Academia de les Artes y les Ciencies d'Estaos Xuníos Academia de Ciencies de Rusia Academia Prusiana de les Ciencies Academia Alemana de les Ciencies Naturales Leopoldina Accademia delle Scienze di Torino Niedersächsische Akademie der Wissenschaften zu Göttingen
Astronauta
Abreviatura en botánica	Mart. (IPNI)

Carl Friedrich Philipp von Martius (17 d'abril de 1794, Erlangen – 13 d'avientu de 1868, Múnic) foi médicu, naturalista, botánicu, antropólogu y ún de los más importantes investigadores alemanes qu'estudiaron el Brasil y especialmente la rexón del Amazones. Fizo grandes aportaciones pal conocimientu de les palmeres y tamién foi violinista.

Biografía

Von Martius pasó 10 meses de la vida na rexón norte del país, tiempu abondo pa marcar los 40 años posteriores a la so estancia, tan intensa foi la so vinculación con esa rexón.

Los sos estudios sobre botánica convirtiéronse nun gran legáu cultural hasta los nuestros díes. Sicasí, la so obra nun se llimitó namás a la botánica y, según Erwin Theodor Rosenthal, ye imposible nun consultar les sos obres anguaño cuando se fai investigación sobre metodoloxía histórica referida al sieglu XIX, por exemplu, sobre etnografía, folclor brasilanu o estudios de les llingües indíxenes.

Ruta siguida por von Martius y von Spix, ente 1817 y 1820.

Llegó al Brasil como parte de la comitiva de la Gran Duquesa austríaca Lleopoldina, que viaxaba pal Brasil pa casar con Pedro I de Brasil. Na mesma espedición viaxó al Brasil el científicu Johann Baptist von Spix que, xunto con Martius, recibiera de l'Academia de Ciencies de Baviera l’encargu d’investigar les provincies más importantes del Brasil y formar coleiciones botániques, zoolóxiques y mineralóxiques.

La monografía de von Martius “Cómo ha d'escribise la historia del Brasil” apaez enllena d’una preocupación por una historia que tomara la idea d’un pasáu nacional común a tolos brasileiros, qu'empieza col surdimientu políticu del Brasil independiente.

Dende’l periodu colonial ye posible atopar escritos que fueron llamaos histories del Brasil, como rellatos d’alministradores, misioneros y viaxeros que rexistraron los fechos asocedíos y observaciones sobre la vida y costumes de los habitantes del Brasil ente los sieglos XVI y XVIII.

A partir de la creación del Institutu Históricu y Xeográficu Brasilanu (1838), alredor de siete años enantes de la fecha de la monografía, percíbese más claramente la preocupación de la élite lletrao y político por un proyeutu de formular una historia del Brasil.

Pero al empiezu de la década siguiente acentúense les cuestiones rellacionaes cola formulación d’una historia patria. Nun momentu nel que la élite dirixente buscaba consolidar l’Estáu imperial, toles cuestiones rellacionaes cola historia del Brasil yeren cruciales pa trazar la forma de cómo contala y la manera de cómo los brasilanos se veríen a sí mesmos.

Pa buscar respuestes a eses innumberables cuestiones, el secretariu del Instituto Histórico Januário da Cunha Barbosa propunxo un premiu pa quien respondiera cuál yera’l meyor sistema pa escribir la Historia del Brasil. El ganador del concursu foi von Martius, que taba en contautu cola moda de la disciplina histórica n’Europa, particularmente con Alemaña.

Martius defendía una historia del Brasil que fuera al tiempu “filosófica” y “pragmática”, teniendo como fechu central la formación del so pueblu, incluyendo nesta formación la mezcla das raças.

Obres

• 1817. Flora cryptogamica erlangensis
• 1823. Nova Genera et Species Plantarum Brasiliensium
• 1823. Reise in Brasilien. Tres vols. hasta 1831
• 1823. Historia naturalis palmarum. Tres vols. hasta 1850
• 1824. Historia Palmarum
• 1824. Palmarum familia ejusque genera denuo illustrata
• 1828. Icones selectae Plantarum Cryptogamicarum Brashiensium
• 1832. Beschreibung einiger neuer Nopaleen. En: Nova Acta Physico-Medica Academiae Caesareae Leopoldino-Carolinae Naturae Curiosorum Exhibentia Ephemerides sive Observationes Historias et Experimenta… 16 (1): 322–362.
• 1843. Palmetum Orbignianam, hasta 1846
• Flora Brasiliensis. en línea
• 1867. Beiträge zur Ethnographie und Sprachenkunde Amerikas
• Beiträge zur Ethnographie und Sprachkunde Amerika's zumal Brasiliens, Neudruck der Ausgabe de 1867 de 1969
• Frey Apollonio. Roman aus Brasilien, erlebt und erzählt von Hartoman, acordies col manuscritu orixinal de 1831, Dietrich Reimer Verlag, Berlín 1992, ISBN 3-496-00418-5
• The Book of Palms - Das Buch der Palmen trillingüe n’alemán, inglés y francés, con un ensayu de H. Walter Lack (ed.) Taschen Verlag, Colonia 2010, ISBN 978-3-8365-1779-9

Eponimia

• (Caesalpiniaceae) Martiodendron Gleason

Bibliografía utilizada

•  Varios autores (1910-1911), «Martius, Carl Friedrich Philipp von», en Chisholm, Hugh (n'inglés), Encyclopædia Britannica. A Dictionary of Arts, Sciences, Literature, and General information (11.ª edición), Encyclopædia Britannica, Inc.; anguaño en dominiu públicu 

Enllaces esternos

• Wikimedia Commons acueye conteníu multimedia sobre Carl Friedrich Philipp von Martius.
• «Introdução à Herpetologia do Brasil O contexto científico e político da expedição bávara ao Brasil de Johann Baptist von Spix & Johann Georg Wagler» (castellanu). Imaginario. Archiváu dende l'orixinal, el 14 d'agostu de 2007. Consultáu'l 13 de marzu de 2008.

• «Online database of digitized works» (francés: click nel enllaz 'recherche' e ingrese "martius" como 'auteur'). Gallica. Consultáu'l 13 de marzu de 2008.

• Bibliografía relacionada con Carl Friedrich Philipp von Martius nel catálogu de la Biblioteca Nacional d'Alemaña.

• Datos: Q77131
• Multimedia: Carl Friedrich Philipp von Martius
• Especies: Carl Friedrich Philipp von Martius