Martín d'Opava

De Wikipedia
17-04-2019 20:32
Martín d'Opava
arzobispo de Gniezno (es) Traducir

22 xunu 1278 -
Janusz Tarnowa - Jakub Świnka
Diócesis: Archidiócesis de Gniezno (es) Traducir
Vida
Nacimientu Opava (es) Traducir[1]sieglu de XIII
Nacionalidá Bandera de Polonia Polonia
Muerte Boloña[1]23 d'avientu de 1279
Sepultura basílica de Santu Domingu
Estudios
Llingües falaes llatín
Oficiu historiador, sacerdote católicu, canonista (es) Traducirobispu católicu
Creencies
Relixón Ilesia Católica[2]
Orde relixosa Orde de Predicadores
Cambiar los datos en Wikidata

Martín d'Opava foi un cronista dominicu del sieglu XIII. Tamién ye conocíu como Martín el Polacu; en llatín como Martinus Oppaviensis o Martinus Polonus; n'alemán como Martin von Troppau, y en checu como Martin z Opavy.

Créese que nació na ciudá d'Opava, en Silesia (anguaño na República Checa) y que morrió dempués de xunu de 1278 en Boloña, mientres un viaxe de regresu de Roma, siendo soterráu na Basílica de Santu Domingu, cerca de la tumba del fundador de la Orde.[3] Estudió en Praga y sobremanera desenvolvió les sos actividaes en Polonia.

La so obra Chronicon pontificum et imperatorum (Crónica de los papes y emperadores) ye especialmente reconocida pol so formatu. Cada doble páxina cubre un periodu de cincuenta años, con cincuenta llinies por páxina. Les páxines izquierdes recueyen la historia del papáu, con una llinia per añu, y les páxines dereches rellaten la hestoria de los emperadores de cuenta que los dos narraciones son puramente paraleles. Esti métodu innovador basáu nel diseñu gráficu nun foi apreciáu por tolos sos contemporáneos: munchos copistas recoyeron el testu ensin respetar la distribución, llogrando por resultancies cronoloxíes más bien caótiques.

La crónica foi bien influyente; conócense unos cuatrocientos manuscritos, y el so reflexu ye bultable en munchos cronistes posteriores. Fixéronse traducciones en munches llingües vernácules.

Otra obra de Martín d'Opava ye'l Promptuarium Exemplorum.

Referencies[editar | editar la fonte]

  1. 1,0 1,1 Afirmao en: catálogu de la Biblioteca Nacional Checa. Identificador NKCR AUT: ola2002158774. Data de consulta: 23 payares 2019.
  2. Afirmao en: Catholic-Hierarchy.org. Identificador Catholic Hierarchy de persona: opawy. Data de consulta: 15 ochobre 2020. Llingua de la obra o nome: inglés.
  3. Michel de La Roche: Memoirs of Literature: Containing a Large Account of Many Valuable Books..., 1722 [1]

Enllaces esternos[editar | editar la fonte]