Marpesia zerynthia

De Wikipedia
Marpesia zerynthia
Clasificación científica
Reinu: Animalia
Filu: Arthropoda
Clas: Insecta
Orde: Lepidoptera
Familia: Nymphalidae
Xéneru: Marpesia
Especie: M. zerynthia
Hübner, [1823][1]
Sinonimia
  • Nymphalis coresia Godart, [1824]
  • Papilio sylla Perty, 1833
  • Megalura zerynthia dentigera Fruhstorfer, 1907
  • Marpesia coresia (Godart, 1824)
Consultes
[editar datos en Wikidata]

Marpesia zerynthia ye una especie de caparina de la familia  Nymphalidae qu'habita al norte y del sur de Mesoamerica.[2]

Distribución[editar | editar la fonte]

La distribución de Marpesia zerynthia llinda a la ecozona del neotrópicu específicamente. Tiénense vistes nel sur de Perú, Bolivia, Colombia y Brasil. Tamién nel centru de  Méxicu, y raramente pueden ser reparaes tan llonxe como en Texas nos Estaos Xuníos d'América.[2]

Esta especie habita montes tropicales de caducifolios y perennifolios, y puede reparase n'espacios abiertos. Marpesia zerynthia pue habitar n'altitúes d'hasta 2.400 m. Esnala xeneralmente ente aproximao los 800 a 1.800 m.[3]

Bioloxía[editar | editar la fonte]

Pa los términos consultar en morfoloxía Esterna de Lepidoptera.

Ovum[editar | editar la fonte]

Los güevos tán puestos individualmente nes fueyes d'árboles y arbustos de la familia Moraceae, que inclúi'l xenero Ficus (figos), Chlorophora, Brosimum y Artocarpus.[3] Los güevos tienen forma cónica con  11 costielles verticales. El güevu ye coloráu de la que se pon, pero eventualmente tórnase negru enantes de la eclosion.[4]

Canesba[editar | editar la fonte]

Dempués de la eclosion, la gata nueva ye xeneralmente cilíndrica, escareciendo d'ornamentación na cabeza o cuerpu. La cápsula de tiesta ye negra polenca , y el restu del cuerpu ye d'un color verde maciu tresparente.[4]

La gata madura ye bastante colorida, de normal marcada con rayes y puntos mariellu y/o colloraos. Una fila d'escayos alcuéntrase a lo llargo del envés. La cabeza ta decorada con un par d'escayos bien llargos.[3]


Les canesbes aliméntense de les fueyes de la planta onde foron puestes.[2] La canesba fuelga na superficie cimera de la xamasca, aliméntase nel día.[3] Son indiscriminadamente intolerantes a la presencia de  cualquier intrusu, inclusive d'otres canesbes de la mesma especie. Como mecanismu de defensa, cuando la fadien, la canesba va mover la so espinosa tiesta d'un llau al otru hasta la molestia cese.[4]

Pupa[editar | editar la fonte]

Les pupes angulares son verde maciu , marcaes con puntos más escuros. Proyeuten escayos embaxo la tiesta y l'abdome. Nel élitru proyéutase una espiga negra aguda. Un escayu curtiu y gruesu proyéutase del mesothorax. Dos puntos negros apaecen tres la tiesta, y hai coloración café escuro, naranxa o mariellu, visible nes interseiciones ente segmentos del cuerpu.[4]

Placa ilustrada que acompañó la descripción orixinal de Hübner en 1823

Imagu[editar | editar la fonte]

El desenvolvimientu del güevu a adultu toma 32 díes o menos.[4]

El valumbu d'ales del adultu ye d'ente 7 a 8,1 cm. L'élitru tien una cola llarga, espodada. El llau dorsal ye escuru marrón con márxenes más pálidos. El llau ventral de dambos de l'ala oculta y l'ala esterna tienen una seición interior blanca y la seición marrón escura más cercana a los márxenes d'ala.[3]


Na Natura[editar | editar la fonte]

Marpesia zerynthia Atópase típicamente como grupos pequeños d'aproximao seis a 12 machos, que tán atraíos al sable moyáu y folla pa beber del mofu ricu en minerales. Zones particularmente favorecíes p'alimentase son los llugares de poca corriente nos ríos o a lo llargo de caminos de monte. Mientres la temporada de branu les caparines esnalen de contino y aliméntense coles ales erectes o parcialmente abiertes. Cuando les condiciones son más fresques aguanten les sos ales dafechu abiertes, faciendo posible reparar la coloracion escuru marrón de la superficie ventral de les ales.

Los adultos vuelen apriesa, y van a xuntase en grupos pequeños baxo fueyes. En Méxicu, de normal vuelen de mayu a payares, o xunetu a ochobre nel sur de Texes. La nutrición ta llograda del néctar de Cordia y Croton, y d'escrementu y dellos otres fontes non florales.[2]

Les femes son más tornes, raramente amiyando del monte. Ente estaciones viéronse ente la xamasca más baxa nel monte.[3]

La especie ye sexualmente llixeramente dimorfa, coles femes típicamente siendo más redondes y más grandes que los machos. Especímenes en cautividá tien un enclín a ser más pequeños qu'aquellos prindaos na natura.[4]

Taxonomía[editar | editar la fonte]

Subespecie[editar | editar la fonte]

Reconócense dos subespecies:

  • Marpesia zerynthia zerynthia – Brasil: Bahia
  • Marpesia zerynthia dentigera (Fruhstorfer, 1907) – Texas a Colombia, Perú, y posiblemente Ecuador[5]

Sinonimia[editar | editar la fonte]

Los nomes nulos históricamente asignaos a Marpesia zerynthia inclúi:

  • Nymphalis coresia Godart, [1824][6]
  • Papilio sylla Perty, 1833
  • Megalura zerynthia dentigera Fruhstorfer, 1907
  • Marpesia coresia (Godart, 1824)[4]

Ver tamién[editar | editar la fonte]

  • Llista de caparines de Méxicu
  • Llista de Lepidoptera d'Hondures

Referencies[editar | editar la fonte]

  1. Savela, Markku. «Marpesia Hübner, 1818». Lepidoptera and some other life forms - Funet. Consultáu'l 9 de febreru de 2014.
  2. 2,0 2,1 2,2 2,3 «Attributes of Marpesia zerynthia».
  3. 3,0 3,1 3,2 3,3 3,4 3,5 Hoskins, Adrian.
  4. 4,0 4,1 4,2 4,3 4,4 4,5 4,6 Orellana, Andrés (1997).
  5. «Marpesia zerynthia».
  6. «Nymphalis coresia Godart, 1824».

Enllaces esternos[editar | editar la fonte]