Mark Harmon

De Wikipedia
Mark Harmon
Vida
Nacimientu Burbank2 de setiembre de 1951[1] (72 años)
Nacionalidá Bandera de Estaos Xuníos d'América Estaos Xuníos
Residencia Brentwood (es) Traducir
Llingua materna inglés
Familia
Padre Tom Harmon
Madre Elyse Knox
Casáu con Pam Dawber (1987 – )
Fíos/es Sean Harmon
Hermanos/es
Estudios
Estudios Harvard-Westlake School (es) Traducir
Pierce College, Los Ángeles (es) Traducir
(1970 - 1972)
Universidá de California en Los Angeles
(1972 - 1974) Grau n'Artes : comunicación
Llingües falaes inglés[2]
Oficiu
Oficiu actor, actor de televisión, actor de cine, xugador de fútbol americanu, direutor de televisión, productor de televisión, actor de vozproductor de cine
Trayeutoria
  Equipu
1972–1973 UCLA Bruins football (en) Traducir (Quarterback)
Posición o especialidá Quarterback
Pesu 84 kg
Premios
Nominaciones
IMDb nm0001319
Cambiar los datos en Wikidata

Thomas Mark Harmon (2 de setiembre de 1951Burbank), más conocíu como Mark Harmon, ye un actor d'Estaos Xuníos. Trabayó en series de televisión y películes dende mediaos de los años 1970. Dende 2003 ye'l protagonista de la serie de televisión NCIS, que ye tresmitida pola cadena CBS.

Biografía[editar | editar la fonte]

Vida temprana[editar | editar la fonte]

Nacíu en Burbank, California el 2 de setiembre de 1951, ye fíu de l'actriz Elyse Knox y del xugador de fútbol americanu Tom Harmon, y tien dos hermanes mayores, dambes casaes con homes famosos Estudió na Universidá de California y, siguiendo los pasos del so padre, foi'l quarterback de los UCLA Bruins ente 1972 y 1973. Trabayó como carpinteru enantes de tener ésitu na so carrera como actor.[3]

Carrera[editar | editar la fonte]

En televisión empezó a trabayar como actor realizando un papel recurrente na serie Ozzie's Girls (1973). Realizó otros papeles mayormente pequeños a lo llargo de los años 1970, en series como Adam-12 (1968), Emergency! (1972), La muyer policía (1974), o Delvecchio (1976), según el co-protagonista na primer temporada de la policiaca 240-Robert (1979-1980), hasta que consiguió fama a principios de la década de 1980 cuando protagonizó la serie Flamingo Road (1980-1982), que-y abrió les puertes a les producciones importantes de Hollywood. Especialmente destaquen la so actuación en Más fuerte que l'odiu (1988), película de Peter Hyams con Sean Connery y Meg Ryan como compañeros de repartu, y la coproducción de Tuareg (1984), una película basada na novela homónima d'Alberto Vázquez-Figueroa. Tamién destacaron los sos roles como'l médicu Bobby Caldwell en St. Elsewhere, Mr. Freddy Shoop en Summer School, una película p'adolescentes, y la película de televisión The Deliberate Stranger, pola que consiguió una nominación a los Globos d'Oru como meyor actor pa una película de televisión. Harmon foi nomáu home vivu más sexy pola revista People en 1986, en 1987 protagonizó la película de drama After the Promise (Pervalible Promesa o'l Valor de la promesa) onde interpreta a Elmer Jackson.

Na década de 1990 protagonizó la serie Duldes razonables (1991), xunto a Marlee Matlin. Tamién protagonizó una película de televisión basada na vida de John Dillinger, Dillinger (1991), y participó na superproducción de Lawrence Kasdan, Wyatt Earp (1994).

La so carrera empezó a aparrar, destacar solo na película infantil Maxa na agua (1995). Sicasí llogró recuperase cuando, n'abril del l'añu 2003 apaeció como convidáu en dos episodios de la serie JAG, onde fai la so presentación como Leroy Jethro Gibbs, axente del Serviciu d'Investigación de Crímenes de la Marina. Dende esi añu, Mark Harmon representa a Gibbs na serie de CBS, NCIS, papel col que consiguió tres nominaciones pa los People's Choice Awards.[4]

Nel mesmu añu qu'empezó'l so trabayu con NCIS (onde ye conocíu como Gibbs), tamién participó de la película de Disney, Vienres de Llocos, onde interpreta'l papel de Ryan.

N'ochobre del añu 2012, foi-y apurrida la estrella Nᵘ2482 del Paséu de la Fama de Hollywood.[5]

Vida personal[editar | editar la fonte]

Harmon ta casáu con Pam Dawber dende'l 21 de marzu de 1987. Dambos tienen dos fíos: Sean Thomas Harmon (nacíu'l 25 d'abril de 1988), qu'interpretó al Gibbs nuevu nos episodios 4 de la Tª6 y 16 de la Tª7 de NCIS, y Ty Christian Harmon (nacíu'l 25 de xunu de 1992).[6] Harmon foi'l cuñáu de Ricky Nelson y ye tíu de los cantantes Matthew y Gunnar Nelson de la banda Nelson, y de l'actriz Tracy Nelson.

Filmografía (parcial)[editar | editar la fonte]

Películes[editar | editar la fonte]

Referencies[editar | editar la fonte]

  1. Afirmao en: Gemeinsame Normdatei. Identificador GND: 1069184675. Data de consulta: 17 ochobre 2015. Llingua de la obra o nome: alemán. Autor: Biblioteca Nacional d'Alemaña.
  2. Identificador CONOR.SI: 46375779. Afirmao en: CONOR.SI.
  3. https://www.imdb.com/name/nm0001319/bio
  4. https://www.imdb.com/name/nm0001319/awards
  5. http://patch.com/california/hollywood/mark-harmon-to-receive-walk-of-fame-star
  6. www.parade.com. In Step With Mark Harmon

Enllaces esternos[editar | editar la fonte]