Marisa Porcel

De Wikipedia
Saltar a navegación Saltar a la gueta
Marisa Porcel
Vida
Nome completu María Luisa Porcel Montijano
Nacimientu Tarazona Traducir15  de payares de 1943
Nacionalidá Bandera d'España España
Fallecimientu

Madrid15  d'agostu de 2018

(74 años)
Familia
Padre Pedro Porcel
Madre Asunción Montijano
Estudios
Llingües castellán
Oficiu
Oficiu actriz de cine, actriz de teatru y actriz de televisión
IMDb nm0691673
Cambiar los datos en Wikidata

María Luisa Porcel Montijano (15  de payares de 1943Tarazona Traducir - 15  d'agostu de 2018Madrid), conocida como Marisa Porcel, foi una actriz de cine, televisión y teatru española.[1]

Biografía[editar | editar la fonte]

Fía del actor jaraiceñu Pedro Porcel Barés (1910-1984), y de l'actriz luguesa Asunción Montijano García (1906-1973), entama la so actividá profesional sobre los escenarios primeru cola compañía del so padre y más palantre intégrase socesivamente nes compañíes d'Isabel Garcés, la del Teatru María Guerrero y la del Teatru Español.

De físicu contundente y acentuada vis risible, llueu s'especializa nel xéneru de la comedia (La vida privada de mamá, 1956, de Víctor Ruiz Iriarte, La tetera, 1984, de Miguel Mihura, Bajarse al moro, 1987, La venganza de la Petra, 1994), que compaxina con personaxes de calter en Revistes. Intervien por casu n'obres como La Gran Vía, Anselmo B, Anda mi madre (1990), xuntu con Gracita Morales y Tote García Ortega o Ya tenemos chica (1991), les dos últimes de Juan José Alonso Millán y espectáculos musicales: Ven a disfrutar (1978), La gran gozada (1980). Tamién intervieno n'obres dramátiques, como La muerte de Dantón (1972), sobre les tables del Teatru Español.

En cine debuta en 1966 cola película Las viudas, de Julio Coll. Darréu intervieno en numberosos filmes, so direición de grandes direutores como Carlos Saura, Manuel Gutiérrez Aragón, Narciso Ibáñez Serrador, José Luis Cuerda y Antonio Giménez Ricu.

Magar ser una cara habitual de la pequeña pantalla española dende los años sesenta ya intervenir n'espacios y series como Historias para no dormir (1968), Cañas y barro (1978), El español y los siete pecados capitales (1980) o Médico de familia (1997-1999), la popularidá lléga-y en 2000, cuando'l productor José Luis Moreno ufiérta-y realizar un pequeñu sketch humorísticu, denomináu Matrimoniadas, xunto a Pepe Ruiz pal so programa musical en TVE Noche de fiesta. Porcel empieza a interpretar a Pepa, una vieya cascarrabies y gurniador que la so actividá preferida ye aldericar col so home, el non menos protestón Avelino (Pepe Ruiz). El sketch algama un ésitu inesperáu y dambos actores, xuntu al restu de personaxes empiecen a interpretalo n'escenarios y sales de fiesta.

Tres la cancelación del programa, en 2004, Porcel y el restu d'actores de Matrimoniadas recuperaron los sos personaxes mientres unos meses en La sopa boba (2004), serie d'Antena 3, y ente'l branu de 2007 y 2009 cunten col so propiu espaciu en Telecinco tituláu Escenas de matrimonio.

Ente 2005 y 2006 fixo un papel esporádicu de monxa na popular serie Aquí no hay quien viva.

En 2007 ficha por Antena 3, xuntu col so compañeru de trabayu, Pepe Ruiz, convirtiéndose dambos nos actores meyor pagaos d'España. Dambos incorpórense a la serie de televisión La familia Mata ónde trabayen hasta'l final de la serie, en 2009. Esi mesmu añu vuelve cpn Pepe Ruiz a Escenas de matrimonio.

En 2011, vuelve con Pepe Ruiz, a la cadena Veo7, cola serie Aquí nos las den todas.

Ye madre de la tamién actriz de doblaxe, Paloma Porcel, voz habitual de Sarah Jessica Parker.

Premios[editar | editar la fonte]

Trayeutoria en TV[editar | editar la fonte]

Filmografía[editar | editar la fonte]

Referencies[editar | editar la fonte]

Enllaces esternos[editar | editar la fonte]