Marina Albiol

De Wikipedia
Saltar a navegación Saltar a la gueta

Artículu revisáu
Marina AlbiolPicto infobox character.png
Marina Albiol 2014.jpg
Corts Valencianes.svg
diputada nes Cortes Valencianes

14 xunu 2007 - 29 mayu 2014 - Víctor Tormo Grau
European Parliament logo.svg
eurodiputada

1 xunetu 2014 - 1 xunetu 2019
Distritu: España
Eleiciones: eleiciones al Parllamentu Européu de 2014
Vida
Nome completu Marina Albiol Guzmán
Nacimientu

Castellón de la Plana15  d'avientu de 1982

(36 años)
Nacionalidá Bandera d'España España
Estudios
Llingües castellanu
Oficiu
Oficiu política y fisioterapeuta
Llugares de trabayu Estrasburgu y Bruxeles
Miembru de Esquerra Unida del País Valencià Traducir
Creencies
Partíu políticu Izquierda Xunida
Partit Comunista del País Valencià
Cambiar los datos en Wikidata

Marina Albiol Guzmán (15  d'avientu de 1982Castellón de la Plana) ye una política y fisioterapeuta española d'EUPV, diputada de la VI y VII Llexislatura de les Cortes Valencianes por Castellón y eurodiputada pola coalición de La Izquierda Plural dende 2014.

Biografía[editar | editar la fonte]

Nacida en Grao de Castellón nel añu 1982, Marina Albiol ye diplomada en fisioterapia y maxisteriu. La so militancia política empezó con 18 años cuando se xunió a les mocedaes d'Esquerra Unida y, de magar, lluchó viviegamente por delles causes venceyaes al ecoloxismu, como la llucha escontra'l fracking y contra les prospeiciones petrolíferes, y a los derechos humanos, asitiándose a favor del pieslle de los CIES, de los derechos de les persones migrantes y del pueblu palestín.[1]

Carrera política[editar | editar la fonte]

Marina Albiol mientres un mitin de campaña nes eleiciones europees de 2014

Dende'l 2000 ye militante del PCPV y de Esquerra Unida del País Valencià, de la que dende 2003 ye miembru del so Conseyu Políticu. Ente 2003 y 2007 foi coordinadora de Joves d'Esquerra Unida del País Valencià y tamién ye miembru de la Comisión Política del PCPV y de la Plataforma per la III República.

Foi escoyida diputada pola provincia de Castellón nes eleiciones a les Cortes Valencianes de 2007 pola coalición Compromís pel País Valencià, qu'abandonó xunto a los sos compañeros d'EUPV formando'l grupu de diputaos non adscritos nel marcu de la crisis de la coalición.[2]

Repetidamente acusó de corrupción a Carlos Fabra (darréu qu'ésti defraudaría a Facienda casi 1 millón d'euros y nun podía xustificar l'orixe de 3.713.796 euros[3]) y criticó la construcción d'un aeropuertu en Castellón de la mano tamién de Carlos Fabra, de duldosa utilidá.[4] Énte una denuncia por inxuries presentada por ésti, Albiol respondió que “nun van poder acallantar la mio voz” y que “voi siguir denunciando la corrupción y les práutiques antidemocrátiques”.[5]

Tamién denunció la esistencia de contratos irregulares de la Xeneralidá que beneficien al arquiteutu Santiago Calatrava Valls, en concretu ella mesma sacó a la lluz el supuestu sobrecostu del proyeutu del Centru de Convenciones de Castellón pol que Calatrava cobraría 2’7 millones d'euros y que nun empezó a construyise.[6][7]

En payares de 2010 foi escoyida pa encabezar la llista d'EUPV pola provincia de Castellón a les eleiciones a les Cortes Valencianes de 2011.[8] Como diputada, convirtióse nuna de les principales voceres de la llucha escontra la práutica del Fracking en Castellón y escontra les prospeiciones petrolíferes na zona.[9]

En 2011 participó na II Flotilla Rumbo a Gaza[10] que foi retenida poles autoridaes griegues n'Atenes[11] y en 2013 nes Brigaes qu'entamó UNADIKUM en Gaza.

En 2014 foi escoyida en cuartu llugar na candidatura de la coalición La Izquierda Plural nes eleiciones al Parllamentu Européu de 2014, llogrando finalmente l'escañu d'europarllamentaria nos comicios que se celebraron el 25 de mayu de 2014. Anguaño, ye Miembru de la Mesa del Grupu Confederal de la Izquierda Unitaria Europea/Izquierda Verde Nórdica, amás de ser miembru de la Comisión de Pidimientos y de la Delegación na Asamblea Parllamentaria Euro-Llatinoamericana. Nel Europarllamentu, tamién ye Suplente na Comisión de Desenvolvimientu, na Comisión de Llibertaes Civiles, Xusticia y Asuntos d'Interior, na Comisión d'Investigación Encargada d'Esaminar los Allegamientos d'Infracción y de Mala Alministración na Aplicación del Derechu de la Xunión en rellación col Blanquéu de Capitales y la Elusión y el Fuximientu Fiscales y na Delegación pa les Rellaciones colos Países de l'América Central.[12]

Cargos desempeñaos[editar | editar la fonte]

  • Miembru del Conseyu Políticu y coordinadora de Joves d'Esquerra Unida del País Valencià.
  • Miembru de la Comisión Política del PCPV.
  • Miembru de la Plataforma per la III República.
  • Diputada nes Cortes Valencianes.
  • Cabeza de llista d'EUPV pola provincia de Castellón a les eleiciones a les Cortes Valencianes de 2011.


Predecesor:
Willy Meyer
{{{cargu}}}
{{{periodu}}}
Socesor:
Nel cargu

Ver tamién[editar | editar la fonte]

Referencies[editar | editar la fonte]

Enllaces esternos[editar | editar la fonte]