Maria Tipo
Maria Tipo | |
|---|---|
.jpg) | |
| Vida | |
| Nacimientu | Nápoles[1], 23 d'avientu de 1931[2] |
| Nacionalidá |
 Italia |
| Residencia | Florencia |
| Muerte | Florencia[3], 10 de febreru de 2025[4] (93 años) |
| Estudios | |
| Llingües falaes | italianu[5] |
| Profesora de | Andrea Lucchesini |
| Oficiu | pianista |
| Llugares de trabayu | Roma |
| Emplegadores | Accademia Nazionale di Santa Cecilia |
| Xéneru artísticu | música clásica |
| Instrumentu musical | pianu |
 | |
Maria Tipo (23 d'avientu de 1931, Nápoles – 10 de febreru de 2025, Florencia) foi una pianista italiana.
Biografía
[editar | editar la fonte]Formada primeramente gracies a les enseñances de la so madre, que fuera alumna de Ferruccio Busoni, perfeccionó darréu les sos habilidaes con Alfredo Casella y Guido Agosti.
Con namás diecisiete años ganó'l Concursu Internacional de Xinebra, depués de consiguir el segundu puestu l'añu anterior, y empezó una serie de conciertos que la llevaron per tol mundu y a grabar con numberosos sellos discográficos. Ente los sos llogros destaquen les grabaciones de les Variaciones Goldberg de Johann Sebastian Bach y les Sonates de Domenico Scarlatti, que-y valieron el Diapason d'Oru. Les sos grabaciones de les sonates de Muzio Clementi fueron gallardionaes col premiu "Saint-Vincent for Long Playing 1979".
Maria Tipo tenía un repertoriu estensu y heteroxeneu, con obres más bien personales y poco convencionales pa la dómina. Por casu, foi pionera en recuperar les Variaciones Goldberg de Bach en sales de conciertos, depués d'escuchar a Glenn Gould en directu n'América, que-y fixo entender el grandor de la composición, qu'entós yera bien poco interpretada nel pianu. Nun se dedicó especialmente a interpretar obres completes Clementi ye l'autor al que más se dedicó nesti sentíu, pero nun llegó a grabar les obres completes), prefiriendo escoyer pieces que-y resultaren especialmente prestoses de munchos autores distintos. Aquellos colos que tuvo más venceyada fueron Bach Scarlatti, Mozart, Clementi, Beethoven, Chopin y Schumann. Na sala de conciertos, sicasí, tamién tocó obres de Schubert, a compositores rusos (en particular Skriabin, Prokofiev y Rakhmaninov), a Franz Liszt y a l'impresionismu francés (Debussy, Ravel).
Vida privada
[editar | editar la fonte]Casó primero col guitarrista Alvaro Company y depués col pianista Alessandro Specchi. Yera madre de la violinista Alina Company.[6]
Tipo morrió'l 10 de febreru de 2025 a los 93 años d'edá.[7]
Reconocencies
[editar | editar la fonte]Recibió numberosos premios de la crítica. Ganó'l premiu Fiorino d'Oro, foi miembru honoraria de l'Academia Nacional de Santa Cecilia y foi condecorada como Oficial de la Orde de les Artes y les Lletres de Francia.
Referencies
[editar | editar la fonte]- ↑ «Disparition de Maria Tipo» (francés) (10 febreru 2025). Consultáu'l 16 febreru 2025.
- ↑ Afirmao en: Gemeinsame Normdatei. Data de consulta: 27 abril 2014. Llingua de la obra o nome: alemán. Autor: Biblioteca Nacional d'Alemaña.
- ↑ «The New York Times» (inglés). The New York Times Company. Consultáu'l 3 marzu 2025.
- ↑ «Addio alla grande pianista Maria Tipo» (italianu) (10 febreru 2025). Consultáu'l 16 febreru 2025.
- ↑ Identificador CONOR.SI: 45971043. Afirmao en: CONOR.SI.
- ↑ «Maria Tipo, lady pianoforte "La vita viene prima dei concerti"» (italianu) (1 de payares de 2002). Consultáu'l 13 de febreru de 2025.
- ↑ «Addio alla grande pianista Maria Tipo» (italianu) (2025-02-10). Consultáu'l 2025-02-10.
Enllaces esternos
[editar | editar la fonte]
Wikimedia Commons acueye conteníu multimedia sobre Maria Tipo.
Datos: Q289993- Multimedia: Maria Tipo