Margarita Landi
Margarita Landi | |
|---|---|
| Vida | |
| Nacimientu | Málaga[1], 19 de payares de 1918 |
| Nacionalidá |
 España |
| Muerte | Albandi, 6 de febreru de 2004 (85 años) |
| Estudios | |
| Llingües falaes | castellanu |
| Oficiu | presentadora de televisión, periodista |
| IMDb | nm2494708 |
 | |
Encarnación Margarita Isabel Verdugo Díez (19 de payares de 1918, Málaga – 6 de febreru de 2004, Albandi), conocida popularmente como Margarita Landi, foi una periodista española.[2][3]
Carrera profesional[editar | editar la fonte]
Margarita Landi foi una de les primeres muyeres en especializase nel xéneru periodísticu informes criminales, que tradicionalmente yera restrinxíu a los homes. La so diplomatura en criminoloxía ayudola a destacar nesti campu.
Viuda a los 29 años, la so carrera entamó darréu.[4] Depués la Guerra Civil Española, Landi trabayó na revista de la Sección Femenina, El Ventanal, ente 1947 y 1948. D'equí pasó a La Moda de España (1948–1954),[2] como cronista d'alta costura y sociedá, contribuyendo tamién al diariu Informaciones y a la revista Esfera Mundial.[3]
En 1955 xunióse al diariu El Caso, que se fundara precisamente tres años enantes por Eugenio Suárez, onde permaneció 25 años.[2] Foi dende esi momentu que se caltenía cola imaxe pola que yera conocida: una sofisticada y reflexiva muyer rubia que fumaba una pipa y corría a los sitios de crímenes nun Volkswagen negru.[3][4][5]
Landi tenía unes excelentes relaciones cola policía que-y permitieron l'accesu a información detallada de los casos más llamativos pal públicu. Dacuando referíense a ella como "subinspector Pedrito" pa disimular la so participación nes investigaciones oficiales. Tamién yera conocida como "la rubia del deportivu" y "la dama del crime".[6][4] El so empeñu al esaminar los escenarios de los crímenes y entrevistar a los testigos foi comparáu col de Truman Capote.[5]
Depués de la desapaición d'El Caso, Landi empezó a escribir pa la revista Interviú n'avientu de 1980, y en 1988 fizo'l saltu a la televisión coles sos apaiciones esporádiques en programes de Televisión Española, como La palmera (1991), Código uno (1993–1994) y Así son las cosas (2000–2002). Tamién dirixó y presentó'l so propiu programa en Telemadrid: Mis crímenes favoritos.
Landi escribió dellos llibros, como Cosas de la vida, Una mujer junto al crimen, Crímenes sin castigo, Puerta del Sol, 2.30, Crónica sangrienta y Memorias. 35 años de crimen en España.[2][3]
N'avientu de 2002 Margarita Landi retiróse del periodismu.[4] Morrió en 2004 a los 85 años nuna residencia d'ancianos n'Albandi.
Referencies[editar | editar la fonte]
- ↑ URL de la referencia: https://www.lavanguardia.com/sucesos/20181119/453014949501/margarita-landi-sucesos-periodista-dama-crimen-el-caso-pipa-pistola-deportivo-centenario-nacimiento.html.
- ↑ 2,0 2,1 2,2 2,3 «Margarita Landi, periodista de sucesos» (en castellanu). El Mundo (Madrid). 12 de febreru de 2004. http://www.elmundo.es/elmundo/2004/02/06/obituarios/1076086447.html. Consultáu'l 25 de setiembre de 2017.
- ↑ 3,0 3,1 3,2 3,3 Cuertas, Javier (8 de febreru de 2004). «Margarita Landi, periodista especializada en sucesos» (en castellanu). El País. https://elpais.com/diario/2004/02/08/agenda/1076194805_850215.html. Consultáu'l 25 de setiembre de 2017.
- ↑ 4,0 4,1 4,2 4,3 Martínez, Raquel (11 de febreru de 2015). «Once años sin Margarita Landi, la Dama del Crimen» (castellanu). Zero Grados. Consultáu'l 25 de setiembre de 2017.
- ↑ 5,0 5,1 Peláez, A. (10 d'agostu de 2011). «Tras la pista de Margarita Landi» (en castellanu). La Nueva España (Avilés). http://www.lne.es/verano/2011/08/10/pista-margarita-landi/1114305.html. Consultáu'l 25 de setiembre de 2017.
- ↑ Román, Manuel (12 April 2016). «La dura y desgraciada vida de Margarita Landi, la reportera real de 'El Caso'» (en Spanish). Libertad Digital. http://www.libertaddigital.com/chic/corazon/2016-04-12/la-dura-y-desgraciada-vida-de-margarita-landi-la-reportera-real-de-el-caso-1276571732/. Consultáu'l 25 September 2017.
Enllaces esternos[editar | editar la fonte]
- Margarita Landi na Internet Movie Database (n'inglés)
- Margarita Landi en Facebook
