Margaret Sheridan

De Wikipedia
Saltar a navegación Saltar a la gueta
Margaret Sheridan
Margaret Sheridan35mm film frames.svg
Vida
Nacimientu Los Angeles29  d'ochobre de 1926
Nacionalidá Bandera de Estaos Xuníos d'América Estaos Xuníos
Fallecimientu

Orange Traducir1  de mayu de 1982

(55 años)
Causa de la muerte Cáncer de pulmón
Oficiu
Oficiu actriz y actriz de cine
IMDb nm0792212
Cambiar los datos en Wikidata

Margaret Sheridan (29 d'ochobre de 19261 de mayu de 1982) foi una actriz estauxunidense d'entamos de la década de 1950, protexía del direutor Howard Hawks. Ye sobremanera recordada pol so papel de Nikki Nickolson en The Thing from Another World, clásicu de ciencia ficción de 1951 interpretáu xunto a Kenneth Tobey.

Biografía[editar | editar la fonte]

El so nome completu yera Margaret Elizabeth Sheridan, y nació en Los Angeles, California, siendo los sos padres Thomas J. y Julia P. Sheridan. Margaret foi afayada por Howard Hawks cuando inda estudiaba nel college, creyendo'l direutor que yera la más prometedora de les sos nueves actrices.

En 1947 ella casóse con William F. Pattison, un pilotu de llinies aérees. Hawks ufiertó a Sheridan el primer papel femenín a interpretar frente a John Wayne nel filme de 1948 Ríu Coloráu, pero l'actriz hubo de tornar la ufierta por causa de que taba embarazada del so primer fíu. Joanne Dru aceptó'l papel. Darréu Hawks dio-y el papel de Nikki Nickolson en The Thing from Another World, película que pasó a ser un clásicu, gracies en parte a l'actuación de Sheridan.

La carrera de Sheridan foi sufierta, y nunca consiguió la fama que Hawks esperara. La maternidá y unos pocos años de maduror produxéren-y un cambéu evidente, y Hawks diría d'ella que "nun ye la mesma chica" qu'él había descubiertu. Darréu'l direutor comentaba que si fixera'l papel de Ríu Coloráu la so carrera espolletaría.

Margaret Sheridan finó por causa de un cáncer de pulmón el 1 de mayu de 1982 en Orange (California).

Referencies[editar | editar la fonte]

  • McCarthy, Todd (1997). Howard Hawks: the Gray Fox of Hollywood. Grove Press.

Enllaces esternos[editar | editar la fonte]