Marcelo García Martínez
Marcelo García Martínez | |
---|---|
Vida | |
Nacimientu | Uviéu, 1979 (44/45 años) |
Nacionalidá | España |
Estudios | |
Llingües falaes | castellanu |
Oficiu | escritor |
Marcelo García Martínez (1979, Uviéu) ye un escritor asturianu que s'asitia a sigo mesmu na llamada lliteratura gonza, carauterizada por tomar como puntu de partida l'anécdota, la vivencia o la esperiencia personal pero esaxerando, deformándola o deconstruyéndola ad infinitum.[1]
Biografía[editar | editar la fonte]
Marcelo García nació nel barriu uvieín de Teatinos, estudió Filoloxía Hispánica na Universidá d'Uviéu y máster n'Edición pol IPECC (Institutu de posgráu d'Estudios Culturales y de Comunicación) y la Universidá d'Alcalá. Anguaño ye profesor de Llingua y Lliteratura na Comunidá de Cantabria.
Con dellos premios nel so haber, escribió yá una serie de noveles que la confirmen como un narrador de voz personal y mirada abierta. Siempres escribe de temes actuales dende una estética lliteraria posmoderna y critica l'escesu de consumismu y que la sociedá moderna anteponga la imaxe a tou lo demás.
Escribe sobre lliteratura en Paisaxes Llétricos Magacín y nel so propiu blogue.
Escribió tamién guiones televisivos pa diversos programes de les cadenes locales asturianes y collaboró con Televisión Española na retresmisión de los Premiu Princesa d'Asturies.
Premios y reconocencies[editar | editar la fonte]
- 2008 - Premiu Hontanar de narrativa curtia, Finalista con mención especial por L'efectu caparina nos tiempos del wolframiu[2]
- 2008 - Premiu Lletres de Novela Curtia, Finalista VI edición por El cultu
- 2009 - Premiu "Lletres" de Novela Curtia por Instrucciones psicótiques pa nun siguir en dómines de crisis[3][4]
- 2013 - Premiu Asturies Nuevu de Narrativa por Reconstruyendo la partida[5]
- 2015 - Premiu Vuela La Cometa por Cartes d'amor dempués del ecocidio[6]
Obra[editar | editar la fonte]
Novela[editar | editar la fonte]
- L'efectu caparina nos tiempos del wolframiu (2009, ediciones Hontanar)
- El cultu (2009, Septem)
- Instrucciones psicótiques pa nun siguir en dómines de crisis (2009, Septem)
- Alta suciedá (2011, Online Studio Productions) Publicación dixital que puede adquirise al traviés de la AppStore
- Dorian Gray 2.0 (2014, Lletres Apócrifes)
- Reconstruyendo la partida (2014, Trabe)
- Cartes d'amor dempués del ecocidio (2016, Arola Editors)
Referencies[editar | editar la fonte]
- ↑ «Lliteraries» (castellanu). Consultáu'l 20 de febreru de 2018.
- ↑ Hontanar, Ediciones (7 de marzu de 2008). «FUENTE DE LLETRES VIVES: FALLU DEL VII PREMIO FONTANIELLA DE NARRATIVA CURTIA 2008». Consultáu'l 20 de febreru de 2018.
- ↑ Press, Europa (15 de mayu de 2009) (en castellanu). L'escritor Marcelo García recueye'l VII premiu añal 'Lletres' de novela curtia. europapress.es. https://www.europapress.es/asturias/noticia-escritor-marcelo-garcia-recueye-vii-premiu-añal-letra-novela-curtia-20090515144653.html. Consultáu'l 20 de febreru de 2018.
- ↑ soitu.es. «L'uvieín Marcelo García recibe'l Premiu de Novela Curtia que convoca Septem | soitu.es». Consultáu'l 20 de febreru de 2018.
- ↑ «Resultaos Buscador BOPA - Gobiernu del Principáu d'Asturies» (castellanu). Consultáu'l 20 de febreru de 2018.
- ↑ (en castellanu) premiu-vuela-la cometa/ Yo fui finalista del Premiu Vuela la Cometa. 9 de payares de 2015. https://relatosmagar.com/finalista-del premiu-vuela-la cometa/. Consultáu'l 20 de febreru de 2018.