Mar d'Azov

Coordenaes: 46°N 37°E / 46°N 37°E / 46; 37
De Wikipedia
25-04-2021 09:05
Mar d'Azov
Азовское море (ru)
Situación
Tipu mar
Parte de Mar Negru
Coordenaes 46°N 37°E / 46°N 37°E / 46; 37
Mar d'Azov alcuéntrase n'Europa
Mar d'Azov
Mar d'Azov
Mar d'Azov (Europa)
Datos
Superficie 37 600 km²[1]
Conca hidrográfica Cuenca del mar de Azov (es) Traducir
Llonxitú 340 km
Fondura 14,5 m
Cambiar los datos en Wikidata

El Mar d'Azov (en rusu: Азо́вское мо́ре, Azóvskoie more; n'ucraín Азо́вське мо́ре, Azovske more; en tártaru de Crimea Azaq deñizi, n'adigués, Хы МыутІэ, trescritu: Khy Myiutie, n'urum - idioma turcu d'unes comunidaes griegues n'Ucraína - Азав Дэниз, trescritu: Azav Deniz), conocíu na Grecia Antiga como la Mare Meotiana, ye una seición septentrional del Mar Negru, xuníu a esti pel estrechu de Kerch. Llenda pel norte con Ucraína, pal este con Rusia y pal oeste cola Península de Crimea[2]. Amás presenta la marisma de Sivaš, separtada del mar d'Azov por un cordón de sable de 110 km de llargu.

El mar, con una superficie de 37.555 km², presenta 340 km de llargu y 135 d'anchu. Los sos principales tributarios son el Don y el Kuban qu'apurren tala cantidá d'agua que faen que seya un mar poco salín. Esto, xunío a que ye un mar de poca fondura (en dellos puntos algama namái un metru), fai que n'hibiernu la superficie del mar se xele en deteminaos llugares.

Los puertos principales son: Berdyansk, Mariupol, Rostov-na-Donu, Taganrog y Yeysk. La so importancia económica y xeoestratéxica fixo que se construyeran dos canales que prestaran serviciu comercial a esti mar; la Canal de Volga-Don y la Canal Manych, que la xune col Mar Caspiu. Nella esisten plataformes d'estraición de gas natural y petroleu, esto xunío a la intensa pesca fixo qu'anguaño la fauna y la flora d'esta mar tean nun grave procesu d'estinción.

Nome y etimoloxía[editar | editar la fonte]

Antiguamente conocíase-y, ente otros nomes, como'l llagu o el mar de Meòtida (en griegu antiguu ἡ Μαιῶτης λίμνη) o el pantanu o maresme de Meòtida (en llatín Palus Maeotis); d'ehí remanez el nome col que se-y conoz tradicionalmente n'árabe, Bahr Mayutis. Los escites denomáronlu Kargaluk, los meotes[3][4], Temerinda (la madre de los mares o la mar madre); y los árabes antiguamente, Nitxlakh o Baral-Azov, los turcos antiguamente, Barial-Assaka o Barkh-Assaka (mar azul marín), y los xenoveses y venecianos, Madre delle Zabacche o Madre della Tana (por Tanais). [1] [ 2] El nome históricu ucraín ye Ozivske more (Озівське море). Los pueblos eslavos tamién lu llamaben Mar de Súrozh (Сурозьке море, pola ciudá de Súrozh, güei Sudak) o Mar Azul (море Синім)[5]

Referencies[editar | editar la fonte]

  1. 1,0 1,1 Afirmao en: enciclopedia Proleksis. Identificador de la enciclopedia Proleksis: 10178. Llingua de la obra o nome: croata. Data de consulta: 9 ochobre 2021.
  2. https://www.ecured.cu/Mar_de_Azov
  3. Text del mapa ortelius (Cartographica Neerlandica Map, Text for Ortelius Map No. 4), secció 4.3 - Glareanus.
  4. Vocabolario italiano e latino, diviso in due tomi : Ne i quali si contengono le Frasi più eleganti e difficili, i Modi di dire, Proverbj ec. dell'una e l'altra Lingua; aggiutovi in fine le Favole, e i Nomi delle principali Città, Castella, Mari, Fiumi, Mo, Bettinelli, 1764.
  5. Au nun s'indica, la información remanez del mesmu artículu nes wikipedies n'ucraín y en rusu.

Enllaces esternos[editar | editar la fonte]