Saltar al conteníu

María del Pino Papadopoulos Vaquero

De Wikipedia
María del Pino Papadopoulos Vaquero
Vida
Nacimientu San Fernando, 29 de xunu de 1933[1]
Nacionalidá España
Muerte Madrid, 14 d'avientu de 2013[1] (80 años)
Estudios
Llingües falaes castellanu
Oficiu
Oficiu trapecista, artista de circu
Emplegadores Ringling Bros. and Barnum & Bailey Circus (en) Traducir
Cirque d'hiver (en) Traducir
Circus Krone (en) Traducir
Circo Price (en) Traducir
Cirque Medrano (en) Traducir
Premios
Seudónimos Miss Mara
Astronauta
Cambiar los datos en Wikidata

María del Pino Papadopoulos Vaquero (29 de xunu de 1933, San Fernando – 14 d'avientu de 2013, Madrid) conocida artísticamente como Miss Mara, foi una trapecista española que ganó en 1958 el Premiu Nacional de Teatru na categoría de meyor interpretación circense, en 1992 el Premiu Nacional de Circu d'España y en 2006 la Medaya d'Oru al Méritu nes Belles Artes.[2][3][4][5][6][7]

Trayectoria

[editar | editar la fonte]

Primoxénita nacida de la unión ente Remedios Vaquero Canela, malagueña y Miro Papadopoulos, griegu y artista del circu. Foi la mayor de siete hermanos y dos d'ellos, Toni y Jorge, convirtiéronse en funambulistas, conocíos artísticamente como "Los Tonitos".[3][8][9] Yera, tamién, prima del artista y empresariu de circu, Ángel Cristo.

Papadopoulos, conocida artísticamente como Miss Mara, empecipió la so andadura como trapecista a los cinco años, nel Circu Florida que pertenecía a la so familia. Colos años perfeccionó la so técnica y los sos númberos fueron reconocíos pol valumbu y la fuerza sobro el trapeciu, nos qu'incluyía descensu o esnidiada dende les corvales hasta los talones, suspensión con un solu pie, suxeción col pescuezu y suspensión horizontal, toos ellos realizaos a grandes altores y ensin mecánica (loncha) de seguridá.[3][5][8][10]

Mientres la Feria de Sevilla de 1945, l'empresariu Juan Carcellé quixo contratala pa los sos espectáculos pero nun pudo porque entá yera menor d'edá. En 1948 el so padre vendió el circu y Papadopoulos empezó a trabayar nel Circu Segura, onde conoció a la tamién trapecista española, Pinito del Oro –quién darréu se convertiría na so amiga– y onde sufrió el so primer accidente al cayese del trapeciu que la estremó del so trabayu per un mes.[3][5][8]

En 1950, casóse en Sevilla con Enrique Campos Muñoz, matrimoniu que duró 18 años. Xuntos mercaron el Circu Casablanca, que perdieron nuna quema mientres se presentaben en Badayoz. Este mesmu añu, contratola el Ringling Brothers and Barnum & Bailey Circus pa una temporada de cinco años polos Estaos Xuníos. El 1 de marzu de 1951, nació en Sevilla , la so primera y única fía, Enriqueta. El 11 de setiembre de 1953, mientres actuaba nel Palaciu de Deportes de Tacoma (Washington), sufrió una grave cayida dende 14 metros d'altor que la llevó a tener complicaes quebres y delles vértebres rotes, a tar dos años hospitalizada y sometese a siete operaciones. Contra tou pronósticu médicu, Papadopoulos recuperóse y en marzu de 1955, remaneció nel Madison Square Garden de Nueva York, frente a 18 mil espectadores, acompañada d'una tresmisión per televisión pa tol país y la publicación de noticies sobro el so regresu en munchos periódicos.[3][5][8][11][12]

Tornó a España en 1958 p'actuar nel sumíu Circu Price de Plaza del Rei y nel Circu Americanu. Al añu siguiente, en 1959 viaxó de nuevu a Estaos Xuníos pa trabayar col Ringling hasta 1961, añu nel que vuelve a España pa xunise a la xira europea del Spanischer National Circus.[3][5][8][11][13][12]

Mientres les décades de los años 1960 y 1970, presentose en países como Francia , nos circos Medrano y Buglione, en Suecia col Circu Scott, n'Italia col Circu Togni, n'Atenes col Circu Nacional de México, n'Alemaña nel Circus Krone, en Mónaco, Suiza, Yugoslavia y Rumanía. Tamién foi entrevistada para The Ed Sullivan Show y actuó con artistes como Frank Sinatra y Elvis Presley. Papadopoulos, retirose del escenariu en 1980, nel Circu Atles de los Hermanos Tonetti.[3][8]

Darréu foi miembru del Conseyu de Circu del Ministeriu de Cultura, y nos sos últimos años presidenta del Club de Payasos y Artistes de Circu Español.

Morrió na Clínica La Moraleja de Madrid, n'avientu de 2013.[8]

Reconocencies

[editar | editar la fonte]

Papadopoulos recibió distintes reconocencies a la so trayectoria. En 1958, foi reconocida col Premiu Nacional de Teatru na categoría de meyor interpretación circense, con una dotación de 10 000 pesetes.[2][13] En 1963 recibió el Premiu de la Federación Internacional del Circu de Viena, en 1976, el Oscar del VI Festival Mundial del Circu, denomináu Trofeo 'Alfredo Marquerie' otorgáu pola Asociación de la Prensa de Madrid, y en 1988, la Medaya d'Oru del I Congresu Internacional de los Amigos del Circu, celebráu en Madrid.[3][5][8][14]

En 1992 foi galardonada pol Ministeriu de Cultura d'España col Premiu Nacional de Circu , pol so meritoriu llabor artísticu nel ámbitu circense , convirtiéndose na tercera artista de circu y la segunda muyer en recibilo.[4][12] Años más tarde, en 2006, foi condecorada cola Medaya d'Oru al Méritu nes Belles Artes, na modalidá de circu, qu'otorga el Ministeriu de Cultura d'España a les persones o instituciones que destaquen nos distintos campos de les artes.[15][6][7][12]

En 2015 foi almitida nel International Circus Hall of Fame, galardón que dende 1958 reconoz a los más importantes artistes de circu, músicos, promotores, periodistes y dueños d'espectáculos circenses del mundu. Los nomaos son analizaos y escoyíos por un xuráu, el ganador anúnciase y celebra mientres la selmana del circu, nel mes de xunetu nel Peru Circus Winter Quarters, allugáu n'Indiana; convirtiéndose, amás, na segunda artista española y muyer que, dempués de Pinito del Oru , hasta anguaño, fuera incluyida.[16]

N'agostu de 2016, el Conceyu de Madrid bautizó una plaza de Moratalaz, barriu onde moró, como Xardinos de Miss Mara.[17] El 19 d'abril de 2018 realizóse un homenaxe a Miss Mara por el Día Mundial del Circu nel marcu de la programación de CiudaDistrito, nel distritu de Moratalaz de Madrid.[18][19]

El Teatru Circu Price de Madrid produció l'espectáculu Miss Mara. Quien se reserva no es artista, con dirección de la compañía Teatru en fierros y la participación de l'actriz Fátima Baeza, impulsora de la investigación y l'homenaxe a Miss Mara y les trapecistas Graziella Galán y Sabrina Catalán, que se presentó del 9 al 12 de mayu de 2019.[12][20][21]

El muséu español Circusland, allugáu en Besalú, esibe dientro de la so colección xuno de los sos traxes.[22]

Bibliografía

[editar | editar la fonte]
  • 1999 - Miss Mara: Una vida apasionante en la barra del trapecio, de Simón González, Editorial J. García Verdugo, ISBN 9788495144232.[23]
  • 2019 - Eso no estaba en mi libro de Historia del Circo, de Javier Ramos, Editorial Almuzara, ISBN 978-84-17558-06-2.[24]

Referencies

[editar | editar la fonte]
  1. 1 2 Afirmao en: Diccionario biográfico español. Spanish Biographical Dictionary ID: 131685/maria-del-pino-papadopoulos-vaquero. Apaez como: María del Pino. Miss Mara Papadopoulos Vaquero. Autor: dellos autores. Editorial: Real Academia de la Historia. Llingua de la obra o nome: castellanu. Data d'espublización: 2011.
  2. 1 2 «ABC (Madrid) - 21/11/1958, p. 58 - ABC.es Hemeroteca». hemeroteca.abc.es. Consultáu'l 12 de enero de 2020.
  3. 1 2 3 4 5 6 7 8 «María del Pino Papadopoulos Vaquero | Real Academia de la Historia». dbe.rah.es. Consultáu'l 12 de enero de 2020.
  4. 1 2 «Premio Nacional de Circo». Consultáu'l 16 de agosto de 2024.
  5. 1 2 3 4 5 6 «Miss Mara - Circopedia». www.circopedia.org. Consultáu'l 12 de enero de 2020.
  6. 1 2 «Entrega de las Medallas de Oro al Mérito en las Bellas Artes». casareal.es. Consultáu'l 2024-08-16.
  7. 1 2 «Medallas de Oro al Mérito en las Bellas Artes. Premios 2006». Consultáu'l 2024-08-16.
  8. 1 2 3 4 5 6 7 8 Álvarez, Antonio (avientu). «Revista Carpa. Club de Payasos Españoles y Artistas de Circo. Núm. 6» (español) (PDF) páxs. 9-11. Archiváu dende l'orixinal, el 2023-09-24. Consultáu'l 12 de enero de 2020. «Miss Mara. La gran trapecista española»
  9. ↑ EFE (2008-03-23). «"Los Tonitos", la vida sobre un trapecio» (castellanu). Diario de Mallorca. Consultáu'l 2024-08-16.
  10. ↑ NOT N 809 A - RTVE.es, https://www.rtve.es/filmoteca/no-do/not-809/1486105/, consultáu'l 9 de agosto de 2020
  11. 1 2 Eso no estaba en mi libro de Historia del Circo.
  12. 1 2 3 4 5 Miranda, Marta García (2019-05-06). «Miss Mara: la trapecista que no encajaba en la España de Franco» (castellanu). Cadena SER. Consultáu'l 2024-08-16.
  13. 1 2 «ABC (Madrid) - 21/11/1958, p. 58 - ABC.es Hemeroteca». hemeroteca.abc.es. Consultáu'l 12 de enero de 2020.
  14. ↑ «ABC (Madrid) - 26/12/1975, p. 72 - ABC.es Hemeroteca». hemeroteca.abc.es. Consultáu'l 12 de enero de 2020.
  15. ↑ Error de cita: La etiqueta <ref> nun ye válida; nun se conseñó testu pa les referencies nomaes :4
  16. ↑ «Circus Hall of Fame Inductees | International Circus Hall of Fame» (inglés) (2016-11-09). Consultáu'l 2024-08-16.
  17. ↑ «Zirkolika: Madrid dedica unos jardines del barrio de Moratalaz a la trapecista Miss Mara». www.zirkolika.com. Consultáu'l 3 de noviembre de 2019.
  18. ↑ CiudaDistrito. «Miss Mara. Recuerdo de una gran trapecista. Coloquio-homenaje» (castellanu). ciudadistrito.es. Consultáu'l 3 de noviembre de 2019.
  19. ↑ «Miss Mara, recuerdo de una gran trapecista» (castellanu). MADPAC. Archiváu dende l'orixinal, el 2021-07-23. Consultáu'l 9 de agosto de 2020.
  20. ↑ «Miss Mara. Quien se reserva, no es artista» (castellanu). Circo Price. Consultáu'l 9 de agosto de 2020.
  21. ↑ Teatro Circo Price (2019). «Miss Mara. Quien se reserva no es artista». Consultáu'l 10 de agosto de 2020.
  22. ↑ Catalunya, APCC-Associació de Professionals de Circ de. «Notícies» (catalán). APCC - Associació de Professionals de Circ de Catalunya. Consultáu'l 2024-08-16.
  23. ↑ «Zirkolika: Una Vida apasionante en la barra del trapecio». www.zirkolika.com. Consultáu'l 9 de agosto de 2020.
  24. ↑ «'Eso no estaba en mi libro de Historia del circo', de Javier Ramos» (castellanu). Descubrir la Historia (28 de noviembre de 2019). Archiváu dende l'orixinal, el 23 d'ochobre de 2020. Consultáu'l 9 de agosto de 2020.

Enllaces esternos

[editar | editar la fonte]
Sacáu de «https://ast.wikipedia.org/w/index.php?title=María_del_Pino_Papadopoulos_Vaquero&oldid=4438530»