María de Guevara

De Wikipedia
Saltar a navegación Saltar a la gueta
María de Guevara
Vida
Nacimientu Valladolid
Nacionalidá Bandera d'España España
Llingua materna castellanu
Fallecimientu 1683
Pueblu Ladrón de Guevara
Estudios
Llingües castellanu
Oficiu
Oficiu escritora
Cambiar los datos en Wikidata

María de Guevara Manrique (?-1683) tamién conocida como Condesa de Escalante y de Tahalu foi una escritora española perteneciente al Sieglu d'Oru, pionera nel discursu femenín de la lliteratura española.

Biografía[editar | editar la fonte]

Foi la tercer fía d'un matrimoniu de llinaxe vascu, Pedro Ladrón de Guevara y Francisca de Mendoza. Heredó'l títulu de II condesa de Escalante asocediendo al so tíu, Luis de Guevara y Avendaño, ya que la so fía Ana Catalina de Guevara morrió en 1641.[1] Los sos testos tán dataos en Valladolid.

Nel so primer testu, Memorial de la Casa de Escalante y servicios de ella, al Rey nuestro Señor, queden descritos los sos títulos: Condesa de Escalante y de Tahalu, Vizcondesa de Treceño, señora del valle de Valdaliga y del Marquesáu de Rucandio, y de la villa de Villa Real de Álaba y de les cás de Zeuellos y Auendaño, Olaso y Orquizó, Araçuri y Montealbán y Gamboa, Esparça y Acotayn.[2]

Casóse tres vegaes según esplica ella mesma nuna de les sos cartes al rei: en primeres nupcies col marqués d'Astorga D. García Bravo Osorio, el so segundu home foi Lorenzo de Guevara, señor de Paradilla y Arcor de Campos, y el terceru Andrés Velásquez de Velasco, fíu del espía mayor del reinu. Nunca tuvo fíos.[1]

Políticamente destacó la so adhesión al fíu bastardu de Felipe IV y La Calderona, en el que punxo munches ilusiones respeuto al futuru políticu d'España. La so deferencia al personaxe movióla a caltene-y al corriente de los sucesos cuando se topaba ausente de la Corte.

Trayeutoria lliteraria[editar | editar la fonte]

Yera llectora y posesora de llibros, cróniques y documentos que veníen de el so propiu archivu con más de 300 años. Los que estudiaron la so trayeutoria envaloren que foi autodidacta. A pesar de que na dómina resulta anómalu qu'una muyer osara opinar y con contundencia, apunten los historiadores, María de Guevara posicionóse n'asuntos de calter públicu. La so opinión convirtióse en voceru de la opinión estensa y silenciosa del pueblu, apunta la so biógrafa M. Victoria López-Gordón.[1] Nos sos escritos les sos intenciones yeren más polítiques que lliteraries. El so oxetivu yera faese oyer nes altes instancies y dexar claro que los sos intereses y opiniones nun teníen menor valor por ser una muyer.

El so primer escritu foi un Memorial de la Casa de Escalante y servicios de ella, al Rey nuestro Señor, que dio a la imprenta en Valladolid en 1654 y que volvió a reimprimir dos años dempués. L'oxetivu yera recuperar pa la so casa l'oficiu de ballesteru mayor colos sos correspondientes privilexos amás d'otres reivindicaciones, ente elles la recuperación del Mayoralgu de la so madre, perdíu -esplica- por tar a la raya de Portugal.[2]

En 1663 volvió dirixir al rei Felipe IV un Tratado y advertencias hechas por una mujer celosa del bien de su rey y corrida de parte de España, manuscritu escritu a la fin de la guerra hispanu-portuguesa que reflexando los sentimientos de la nobleza fronteriza y afeutada pola defección del Duque de Braganza amosándose partidaria d'un gobiernu personal del rei abiertu a les suxerencies de los sos asesores naturales.

Desengaños de la corte y mujeres valerosas (1664)[editar | editar la fonte]

En 1664 publicó Desengaños de la corte y mujeres valerosas. Compuesto por un autor moderno, poca experiencia y grande celo, la so obra más destacada. Escribióla de manera anónima posiblemente, consideren dellos historiadores, pa llograr la llicencia d'impresión cuidao que la so autoría siempres foi reconocida y en nota manuscrita al pie de la primer páxina consta "este libro hiço la Condesa de Escalante, año de 1664".[2] Nel tratáu dedicáu a Carlos II, de tonu moralizante subyacen según los especialistes el so antepasáu Fr. Antonio de Guevara, obispu de Mondoñedo, cola so obra Menosprecio de Corte y alabanza de aldea, que menta direutamente nel llibru y María de Zayas y Sotomayor con Novelas ejemplares y Desengaños amorosos.

Ente los epígrafes del tratáu tán: I: Desegaños de la corte y mujeres valerosas, II: De mujeres valerosas, V: Que trata de los desengaños de la Corte y vida quieta de la aldea, VI: De cómo se han de portar los señores que viven en sus lugares y VII: De lo que importa la virtud y de lo que hemos de valer para tenerla.[2]

La muyer na so obra[editar | editar la fonte]

La so obra compón unu de los primeros discursos femeninos de la lliteratura española, paralelu a los de Santa Teresa de Jesús o María de Zayas.

Nel llibru Mujeres y literatura del Siglo de Oro: espacios profanos y espacios conventuales, María de Guevara ta considerada como un exemplu de "feminista" comprometida políticamente, destacando la so actitú de denunciar al Rei lo que "de xuru pocos homes atrevíense a dici-y".[2]

Nos sos escritos nun azorronó'l so sexu y fixo gala de puntos de vista venceyaos a la so condición de muyer. Consideraba que nin la fortaleza del calter nin la intelixencia tienen sexu y que

como ellos fixeron les lleis, toes fueron nel so favor, queriendo qu'elles se contenten coles armes de la rueca y de l'almadina; pos que si usaren les muyeres de les lletres, que-yos sobrepuxaríen a los homes; pero esto tarrecen ellos y nun quieren que sían amazones, sinón teneles les manes ataes con que nun paez bien que les muyeres salgan del so rincón, pos como nes hestories estiéndese la fama de les muyeres que fueron valeroses.[3]

Tamién s'asitia en temes sociales como la denuncia de los matrimonios impuestos de los que nun ye partidaria. Na obra Tratado y advertencias hechas por una mujer celosa del bien de su rey y corrida de parte de España destaca'l deber de la educación y afirma la so autoridá basada na conocencia que-y apurrió la llectura nuna dómina nel que poques muyeres tien accesu a la formación.[1]

Nel segundu epígrafe del tratáu Desengaños de la corte y mujeres valerosas, tituláu Mujeres Valerosas faise defensa de les muyeres exemplificaes con nomes y actuaciones de les mesmes dende l'antigüedá. Reivindica la capacidá intelectual de les muyeres que, debidamente cultivada, inclusive-yos dexaría aportar a los puestos políticos y sofita la so intervención nes guerres. Considera que la muyer tien de trabayar al marxe de la so condición social.[2]

Obres[editar | editar la fonte]

  • Tratado y advertencias hechas por una mujer celosa del bien de su rey y corrida de parte de España. 1663. Copia sieglu XVII (manuscritu)
  • Memorial de la casa de Escalante, y servicios de ella. 1654. Impresu.
  • Desengaños de la corte y mujeres valerosas. 1664. Impresu.

Bibliografía[editar | editar la fonte]

  • María de Guevara de Isabel Barbeito en Estudios sobre escritoras hispánicas en honor de Georgina Sabat-Rivers, Castalia, 1992, ISBN 84-7039-642-0, páx. 62-78[4]
  • Literatura y feminismo en España (s. XV-XXI), Lisa Wollendorf, Icaria, 2005.[5]
  • Las olvidadas, Ángeles Caso, Planeta, 2007

Referencies[editar | editar la fonte]