María Victoria Gil Álvarez
María Victoria Gil Álvarez | |
|---|---|
| Vida | |
| Nacimientu | Almendralejo, 1973 (50/51 años) |
| Nacionalidá |
 España |
| Estudios | |
| Estudios | Universidá d'Estremadura |
| Llingües falaes | castellanu |
| Oficiu | química |
 | |
María Victoria Gil Álvarez (1973, Almendralejo) ye una científica, profesora, divulgadora y activista social española. Ye tamién madre de dos fíos.
María Victoria llicencióse en química (1996) y n'inxeniería química (2002) pola Universidá d'Estremadura. Llogró'l Doctoráu con Mención Europea nel añu 2000 por esta mesma universidá con una Tesis titulada “Reacciones estereoselectivas de 5-glico-4-nitrociclohexenos”[1], gallardoniada col Premiu Estraordinariu de Doctoráu. Mientres la so etapa posdoctoral realizó una estancia na Universitá degli Studi di Camerino (Italia) ente los años 2002 y 2003. Dende l'añu 2009 ocupa una plaza de profesora titular nel Departamentu de Química Orgánica ya Inorgánica de la Universidá d'Estremadura[2].
Les sos llinies d'investigación centráronse principalmente na síntesis orgánica y la química verde. Coles mesmes, nos últimos años tamién participó na creación y afitamientu de nueves llinies d'investigación multidisciplinares relatives tantu a la preparación d'alimentos funcionales como al estudiu de la bioactividad de distintes residuos agroalimentarios, n'estrecha collaboración col Institutu Teunolóxicu Agroalimentario d'Estremadura[3].
La Dra. Gil Álvarez compaxinó la so trayeutoria científico y profesional cola divulgación y l'activismu social. Asina, nel ámbitu de la divulgación científica ye presidenta fundadora de l'Asociación pal Espardimientu de la Ciencia y la Teunoloxía n'Estremadura (ADiCiTEx), ente que los sos oxetivos principales atópase'l promover y sopelexar l'estudiu de la ciencia na Comunidá Autónoma d'Estremadura, tanto a nivel profesional como ente neños y nuevos escolares[4][5]. Tocantes a la so faceta social, María Victoria Gil Álvarez ye tamién presidenta fundadora de l'Asociación Estremeña d'Alérxicos a Alimentos (AEXAAL)[6], entidá ensin ánimu d'arriquecimientu destinada a sensibilizar sobre esta enfermedá a los distintos sectores de la sociedá y, d'esta miente, promover la implementación de polítiques que redunden nuna meyora de la calidá de vida de los afeutaos.
Como resultáu del so activismu social, calteniendo siempres l'apegu a los sos raigaños estremeños, el gobiernu autonómicu concedió-y el 1 d'agostu de 2018 la Medaya d'Estremadura, máxima distinción d'esta Comunidá Autónoma[7][8][9].
Referencies[editar | editar la fonte]
- ↑ «Tesis doctorales: TESEO» (castellanu).
- ↑ «Departamentos. Qca. orgánica-inorgánica» (castellanu).
- ↑ «vista/baddc6y6655a77575b097y8a64194969 Nuevu nutracéutico» (castellanu).
- ↑ .
- ↑ .
- ↑ .
- ↑ .
- ↑ .
- ↑ .
| Control d'autoridaes |
|
|---|
Datos: Q56062297
