María Micaela del Santísimu Sacramentu

De Wikipedia
Saltar a navegación Saltar a la gueta
María Micaela del Santísimu SacramentuPicto infobox character.png
Micaela Desmaisières.jpg
Vida
Nome completu María Miquela del Santíssim Sagrament
Nacimientu Madrid1  de xineru de 1809
Nacionalidá Bandera d'España España
Fallecimientu

Valencia24  d'agostu de 1865

(56 años)
Causa de la muerte Cólera
Estudios
Llingües castellanu
Oficiu
Oficiu monxa
Santoral
24 d'agostu
Creencies
Relixón Ilesia Católica
Cambiar los datos en Wikidata

María de la Soledad Micaela Agustina Antonia Bibiana Desmaissières y López de Dicastillo, Vizcondesa de Jorbalán (Madrid, 1 de xineru de 1809Valencia, 24 d'agostu de 1865), alzada a los altares como Santa María Micaela del Santísimu Sacramentu, foi una aristócrata y relixosa española, fundadora de la congregación d'Adoratrices Esclaves del Santísimu Sacramentu y de la Caridá.

Biografía[editar | editar la fonte]

Infancia y mocedá[editar | editar la fonte]

Micaela Desmaissières y López de Dicastillo, Vizcondesa de Jorbalán, nació en Madrid el 1 de xineru de 1809, en plena Guerra de la Independencia Española, nel senu d'una familia de l'aristocracia. La so madre, Bernarda, yera camarista de la reina Maria Luisa de Parma; Micaela tenía un hermanu, Diego, que morrió l'añu 1855 a la edá de 49 años, dexando a la so fía María Diega como heredera de tolos bienes de la familia.

María Micaela siempres tuvo protexida pol alministrador de la familia, Cirilo Bahía Calvo. Cirilo foi una persona bien influyente na vida de la santa, y una de les poques persones que-y sofitó a la hora fundar la Congregación.

Fundadora de les Adoratrices n'España[editar | editar la fonte]

Tres una visita al Hospital de San Juan de Dios, concenciar de la lacra de la prostitución y, n'abril de 1845, funda un colexu pa redimir a les prostitutes, nuna casa na cai de Dos Amigos de Madrid. El 12 d'ochobre de 1850, dexa los fastos de la corte de Sabela II, pa vivir coles alumnes nel colexu.

Tres grandes dificultaes, en 1856 el colexu creció y yá tien con ella a dellos collaboradores. Ve la necesidá de formar una comunidá que dea estabilidá a la obra; surde asina la Congregación de Adoratrices Esclaves del Santísimu Sacramentu y de la Caridá. Micaela convirtióse yá na Madre Sacramento y esi mesmu añu escribe unes constituciones de la so congregación que van ser aprobaes pola Santa Sede en 1861. Al colexu de Madrid sígenlu llueu Zaragoza (1856), Valencia (1858), Barcelona (1861), Burgos (1863), Pintu, filial de Madrid (1864), Santander (1865) y Guadalaxara (1915), ésta fundada pola so sobrina María Diega Desmaissières. N'agostu de 1865, la Madre Sacramentu, al enterase de qu'en Valencia españa una epidemia de roxura (vease: Pandemies de cólera n'España), decide viaxar en tren a esta ciudá p'ayudar a les relixoses y escolines de la so casa. La epidemia acabó cola so propia vida'l 24 d'agostu d'esi añu.

Apostoláu social[editar | editar la fonte]

La Madre Sacramentu dedicó la so vida a la fundación de la Congregación de Relixoses Adoratrices y Esclaves de la Caridá, colos sos colexos de reeducación, exerciendo asina un notable influxu na sociedá del sieglu XIX. Pero la so radio d'aición tesciende les llendes del Institutu: actúa tamién nel campu eclesial y social, unes vegaes a instancies de la xerarquía eclesiástica y otres movida poles circunstancies sociales que la arrodien.

Tamién tenemos de señalar el so apostoláu cola Familia Real, particularmente cola reina Sabela II, que lu ocupó bona parte del so tiempu nos últimos años de la so vida, llamada pol confesor de la reina San Antonio María Claret.

Coles mesmes, les Escueles Dominicales d'España dében-y el so esistencia.

Enllaces esternos[editar | editar la fonte]








María Micaela del Santísimo Sacramento