María Jesús Rodríguez

From Wikipedia
Jump to navigation Jump to search
María Jesús RodríguezPicto infobox character.png
Vida
Nacimientu

Uviéu1959

(60/61 años)
Nacionalidá Bandera d'España España
Estudios
Llingües castellanu
Oficiu
Oficiu pintora
Cambiar los datos en Wikidata

María Jesús Rodríguez (1959Uviéu) ye una escultora y pintora asturiana.

Formóse inicialmente na Escuela d'Artes Aplicaes d'Uviéu, onde tomó contautu con otros artistes de la so xeneración colos que terminaría formando'l Grupu Abra, colos que trabayaría ente los años 1981 a 1987. Los sos primeros pasos daralos como pintora derivando, posteriormente, hacia la escultura.

La so primer esposición individual fairala en 1983, na Sala Piñole, de Xixón, onde presentará una serie d'escultures a les que los críticos aplicaríen el términu de primitives. Evolucionó dende unes composiciones paisaxístiques y xeolóxiques a unos conceptos más abstractos. El so llinguaxe ye inconfundible, tanto no conceptual como no material (normalmente emplega cartón nos sos trabayos, al que somete a procesos estremaos y al qu'aplica cromatismos entamando col negro y evolucionando hacia otros collores puros).

Espuso en galeríes de París, Zurich o Nueva York, arriendes d'otres a lo llargo d'España.

Collaboró na parte gráfica del númberu 1 la revista de lliteratura asturiana Adréi (1986), que dirixeren Berta Piñán y Xuan Bello, con una riestra de dibuxos que titulara Llousas.