María Cristina de Borbón-Dos Sicilias

De Wikipedia
Saltar a: navegación, buscar
María Cristina de Borbón-Dos Sicilias por Franz Xaver Winterhalter realizáu en París en 1841.
María Cristina de Borbón-Dos Sicilias fotografiada alredor de 1870 nel taller de Pierre Louise Pierson y Léopold Ernest Mayer.

María Cristina de Borbón-Dos Sicilias (Palermo, 27 d'abril de 1806 - Sainte-Adresse, 22 d'agostu de 1878) foi reina consorte d'España pol so matrimoniu con Fernandu VII en 1829 y rexente del Reinu ente 1833 y 1840, mientres una parte de la minoría d'edá de la so fía Sabela.

Matrimoniu[editar | editar la fonte]

Los sos padres fueron Franciscu I de las Dos Sicilias (1777-1830) rei de las Dos Sicilias ente 1825 y 1830 y l'infanta María Sabela de Borbón (1789-1848) fía de Carlos IV d'España. Contraxo matrimoniu n'Aranxuez el 11 d'avientu de 1829 col so tíu Fernandu VII, convirtiéndose en reina d'España.

Rexencia[editar | editar la fonte]

Fernando VII morrió en 1833. El rei nomóla nel so testamentu gobernadora del Reinu, cargu nel que sedría confirmada poles Cortes constituyentes en 1836. El 28 d'avientu del mesmu añu en que quedó vilba, contraxo matrimoniu morganáticu de callao con un sarxentu de la so guardia de corps, Agustín Fernando Muñoz y Sánchez.[1] Esta rellación nun foi bien vista pola sociedá de la dómina.[2] El sacerdote recién ordenáu Marcos Aniano González, amigu del noviu, celebró l'enllaz y siguió íntimamente amestáu a la familia mientres casi tres lustros en cuantes que capellán de Palaciu y únicu confesor de María Cristina.[3] La so fía y heredera al tronu tenía solo 3 años y actuó como rexente del Reinu mientres los siguientes siete años, hasta 1840. Mientres esti tiempu fixo necesaries contribuciones sociales, como l'auxiliu que procuró a la mariña onubense en 1834 dempués d'una epidemia de cólera. N'agradecimientu, el conceyu de la «Real Isla de la Higuerita» solicitó y llogró el so cambéu de denominación a Isla Cristina.

Tamién cuntaba con enemigos, siendo'l más famosu'l so tíu y cuñáu Carlos María Isidro de Borbón quien, negándose a acatar la Pragmática Sanción de 1830, afirmaba ser el llexítimu herederu al tronu y empecipió la que se conoz como Primera Guerra Carlista que remató en 1839 col Abrazu de Vergara.

Exiliu[editar | editar la fonte]

Tres dellos intentos fallíos de conciliar los enclinos políticos ente progresistes y moderaos, María Cristina viose obligada a dexar la rexencia a Baldomero Espartero y exiliase. Salió del país el 17 d'ochobre de 1840 nel vapor Mercurio. Aun así, dende Marsella anunció que fuera forzada a arrenunciar y treslladóse a Roma, onde pol aquel entós el papa Gregoriu XVI dio-y la bendición al so matrimoniu morganáticu. Instalóse tamién en París, gracies al sofitu financieru de Franciscu, conde de Luzárraga, y dende ellí intrigó —al pie de los sos más fieles— contra'l gobiernu esparterista hasta'l so derrocamientu y posterior nomamientu de la so fía a los sos 13 años como la reina Sabela II. Una de les cuestiones más importantes mientres esti periodu foi la educación de les princeses, nun bracéu ente'l personal de la casa real impuestu por Espartero y el restu, gustante a la rexente, como foi la marquesa de Santa Cruz.

En febreru de 1844 tornó a Madrid (magar que volvería colar mientres un curtiu periodu de tiempu en 1847) ya instalóse nel palaciu de les Rexes, dende onde intentó remanar la política de la so fía. En 1846, la reina participó nun intentu de restauración de la monarquía n'Ecuador a pidimientu espresa del presidente Juan José Flores. Esti plan de dos fases consistía primero en qu'el so fíu Agustín Muñoz y Borbón convirtiérase en príncipe d'Ecuador y, dempués, en restaurador de la monarquía española en Perú y Bolivia, xuniendo los trés países so una sola nación a la que llamaríen Reinu Xuníu d'Ecuador, Perú y Bolivia. Cuando tou taba entamáu, la intentona foi denunciada y los planes viniéronse embaxo.[4][5][6]

Al pie del so home, empecipió negocios rellacionaos col sal, el ferrocarril y el comerciu negreru[7] —nos que tamién participaba Narváez— y dicíase que «nun había proyectu industrial nel que la Reina madre nun tuviera intereses.» De resultes, María Cristina ganóse más antipatía del pueblu —avivada pol so xenru— y en 1854 foi espulsada d'España y foi-y retirada la pensión vitalicia que-y concedieren les Cortes.

Permaneció en Francia'l restu de la so vida y solo volvió a España cuando'l so nietu Alfonsu XII ocupó'l tronu, pero cola llimitación de nun poder instalar la so residencia definitiva nel país. Como interés, destaca que nin la so fía nin el so nietu tuvieron bona rellación con ella, por cuenta de que nun vieron con bonos güeyos el so segundu matrimoniu.

Muerte[editar | editar la fonte]

Morrió nel exiliu y foi soterrada, darréu, nel Monesteriu d'El Escorial.

Descendencia[editar | editar la fonte]

Primer matrimoniu[editar | editar la fonte]

Del so primer matrimoniu, col rei Fernando VII, tuvo dos fíes:

Segundu matrimoniu[editar | editar la fonte]

Del so segundu matrimoniu, con Agustín Fernando Muñoz y Sánchez, I duque de Riánsares ya I marqués de San Agustín, tuvo ocho fíos, a los que la reina Sabela II concedió títulos nobiliarios ente 1847 y 1849:[8]

Distinciones honorífiques[editar | editar la fonte]

Ancestros[editar | editar la fonte]

Referencies[editar | editar la fonte]

  1. Peña González, José (2006). Historia política del constitucionalismo español. Madrid: Dykinson. ISBN 978-84-9772-906-2.
  2. Errazkin, Iñaki (2009). Hasta la coronilla: autopsia de los Borbones. Tafalla: Txalaparta. ISBN 978-84-8136-539-9.
  3. Burdiel, Isabel (2011). Isabel II: una biografía. Madrid: Taurus. ISBN 978-84-306-0795-2.
  4. Orrego Penagos, Juan Luis (03/2012). «El general Juan José Flores y el Perú» (n'español). Historia del Perú, América Latina y el mundo. Siglos XIX y XX. Consultáu'l 24 d'avientu de 2015.
  5. Garibaldi, Rosa (28 de xunu de 2009). «Cuando Ecuador fue casi un Reino». Diario El Comercio de Perú. 
  6. María Luisa Fernanda de Borbón, la hija de Fernando VII que quiso reinar en Ecuador y casi lo hace en España. Madrid. 19 de mayu de 2015. http://www.abc.es/espana/20150517/abci-hija-fernando-escuador-201505161513.html. Consultáu el 24 d'avientu de 2015. 
  7. Piqueras, José Antonio (2011). La esclavitud en las Españas: un lazo transatlántico. Madrid: Catarata. ISBN 9788483196595.
  8. Zorrilla y González de Mendoza, Francisco Javier, Conde de las Lomas: Genealogía de la Casa de Borbón de España. Madrid, 1971, páx. 149-179
  9. 9,0 9,1 «Maria Cristina di Borbone, principessa delle Due Sicilie». Geneall.net. Consultáu'l 24 d'avientu de 2015.

Enllaces esternos[editar | editar la fonte]