María Cotiello

María Cotiello
Vida
Nacimientu	Grillero, 21 de payares de 1982 (42 años)
Nacionalidá	España
Estudios
Llingües falaes	castellanu; asturianu
Oficiu	actriz
Miembru de	Conseyu Asesor de Política Llingüística
IMDb	nm2300846

María Cotiello Pérez (21 de payares de 1982, Grillero) ye una actriz asturiana de cine, teatru y televisión.

Biografía

Empecipió los sos estudios na Real Escuela Superior d'Arte Dramáticu en Madrid, y qu'anguaño pertenez a l'axencia d'actores y actrices KAILASH.

Residente en Grillero (Santa Cruz de Mieres) hasta'l 2000, anguaño vive na comunidá de Madrid por motivos profesionales.

Ente los sos trabayos más relevantes, alcuéntrase la serie de La Sexta, 'SMS, Ensin mieu a suañar', onde interpretaba a Eva na segunda temporada, la telenovela de TVE1 'Amar en tiempos revueltos' na qu'interpretaba a Matilde, fía de los Roldán y prima de la protagonista (Alicia) na tercer temporada, tamién podemos vela na serie de ficción propia de la canal paramount comedy, 'Ascensores', interpretando a Alicia, una neña pija y gótica como diz ella. Tamién participó na película Les 13 roses, y nos curtiumetraxes "Almes Perdíes", "Ermymtrude y Esmeralda", "Mañana too va ser meyor" Nun hai de qué y Seguridá, anque la mayor parte de la carrera profesional d'esta actriz céntrase nel teatru, n'obres como Preses, Viva'l Duque'l nuesu dueñu, La Danza de la Muerte, Dios de Woddy Allen y Cuentacuentos, que foi'l so primer trabayu en 1999, con namás 16 años.

Anguaño interpreta'l personaxe d'Inés na obra D.juansimetrico.es de Jesús Campos, al par de Carlos Manuel Díaz y Francisco Vidal. Tamién intervién ne rodaxe de la serie televisiva de Cuatro Hai daquién ehí, na qu'interpreta a Irene (protagonista).

Nel añu 2009 María xúntase a la campaña "Doi la Cara"[1] del Conceyu Abiertu pola Oficialidá (CAO), na que se reivindica un estatus xurídicu d'igualdá pa la llingua asturiana al respective de la castellana. [2]

A lo último, nestos momentos podemos vela na serie d'Antena 3 "Los protegidos" nel papel de Nuria; una profesora del colexu.

Filmografía

Cine

Añu	Película	Direutor	Personaxe
2006	Las 13 rosas	Emilio Martínez Lázaro	Elena
2017	Como la espuma

Curtiumetraxes

Añu	Curtiumetraxe	Direutor
2014	Objetos perdidos	Álvaro Oliva
2013	Clínica la Piadosa	Ignacio Sepúlveda
2008	Almas perdidas	Julio De La Fuente
2002	No hay de qué	Javier Martín
2001	Seguridad	Francisco José Vega

Series

Añu	Serie	Productora	Personaxe
2007	SMS (Sin Miedo a Soñar)	Globomedia	Eva
2007-2008 y 2009	Amar en tiempos revueltos	Diagonal TV	Matilde Roldán Caballero
2007-2008	Ascensores	Paramount Comedy
2009-2010	Hay alguien ahí	Cuatro	Irene Pardo Simón
2010-2011	Los protegidos	Antena 3	Nuria Gracià Tortosa
2012	14 d'abril. La República	TVE	Nieves
2012-2013	Bandolera	Antena 3	Sofía Serrano / Sofía López / Sofía Garmendia
2015	Bajo sospecha	Antena 3	Begoña Valverde
2015	El Ministerio del Tiempo	TVE	Dra. Nuria Celaya
2016-2017	Seis hermanas	TVE	Soledad Silva
2018-2019	Centro médico	TVE	Dra. Beatriz Reina

Series d'estudiu

Añu	Película	Productora
2006	Alesio	Estudio 1 TVE

Presentadora

Añu	Programa	Cadena
2016	De Cai	TPA

Teatru

Presas (2005), d'Ernesto Caballero.
¡Viva el Duque, nuestro dueño! (2002), d'Alonso de Santos.
La danza de la muerte (2001), d'Andrés Presumido.
Dios de Woody Allen, d'Andrés Presumido.
Cuentacuentos, de Grupo de teatro Polimnia.

Referencies

Enllaces esternos

María Cotiello en Facebook