María Bernaldo de Quirós

María Bernaldo de Quirós
Vida
Nacimientu	Madrid, 26 de marzu de 1898
Nacionalidá	España
Muerte	Madrid, 26 de setiembre de 1983 (85 años)
Estudios
Estudios	Real Aero Club de España (es)
Llingües falaes	castellanu
Oficiu	aviadora, escritora

María de la Salud Bernaldo de Quirós Bustillo (26 de marzu de 1898, Madrid – 26 de setiembre de 1983, Madrid) foi la primer muyer n'España en consiguir un títulu de pilotu d'aviación. Aprobó l'exame a principios d'ochobre de 1928 y recibió la llicencia de la Escuela Nacional Aeronáutica'l 24 payares.^[1]^[2] El primer piloto varón español, Benito Loygorri, realizara'l so primer vuelu n'España siete años antes.^[3]

Biografía[editar | editar la fonte]

Nacida'l 26 de marzu de 1898 en Madrid, Bernaldo de Quirós yera la fía de los aristócrates Rafael Bernaldo de Quirós y Mier y Consolación Bustillo y Mendoza, Marquesa de los Altares, familia d'ascendencia asturiana, de la llocalidá de Llanes.^[4]

Casóse dos veces, primero col so primu Ramón Bernaldo de Quirós y Argüelles quién morrió en 1920, y darréu con José Manuel Sánchez-Arjona y Velasco quien sería alcalde de Ciudad Rodrigo na Provincia de Salamanca.

A pesar de que Bernaldo de Quirós suañara con volar dende neña, nun va ser hasta dempués del so segundu matrimoniu cuando empieza les sos clases de vuelu col entós comandante José Rodríguez Díaz de Lecea nun de Havilland DH.60 Poliya. Recibió la so llicencia del Real Aeroclub d'España en Getafe l'aeródromu al sur de Madrid.

La prensa del momentu reconoció'l so llabor na aviación^[4] y participó en delles exhibiciones nel norte d'España, ente elles en Vitoria, San Sebastián, Uviéu, Xixón y Vigo.

El día 27 de xunu de 1928, Bernaldo de Quirós recibíó de manes de reinar doña Victoria'l brazal y el títulu de dama enfermera de la Cruz Roja, maniobra que seique l'aviadora pudo utilizar de dalguna manera pa pretender la so empleabilidá nel exércitu, o la so seria considerancia y valía nel mesmu, tres la negativa del Real Aeroclub d'almitir a les muyeres como verdaderes aviadores d'oficiu esplica la investigadora Almudena Orellana.^[4]

En 1929 voló sobre'l coche del Infante Don Jaime de Borbón y Battemberg, Duque de Segovia cuándo ésti llegó a La Coruña, llanzando flores al so pasu. El mesmu añu, gracies a l'aclamación del públicu recibió la insinia d'aviación militar del Real Aero Club, una distinción pocu frecuente. Caltuvo una rellación col so instructor Díaz de Lecea, lo que la llevó al divorciu secretu del so home en 1933, -al paecer dende 1930 yá se produxera'l distanciamientu col so segundu home- convirtiéndose nuna de les primeres muyeres qu'aprovechó la Llei del Divorciu de 1932 de la Segunda República.^[4]

Asitióse como una "muyer moderna" en delles entrevistes publicaes na prensa. Nuna ocasión, comentó: "A midida que la opinión pública evoluciona, la xente dará cuenta de que les muyeres pueden faer daqué más qu'a cencielles bordar."

Por causa de la Guerra Civil española súpose pocu más de la so vida posterior. Siguió la so rellación con Díaz de Lecea quien colos años foi una figura activa del franquismu y Ministru del Aire de 1957 a 1962^[4] hasta la muerte del militar y políticu en 1967.

María Bernaldo de Quirós morrió'l 26 de setiembre de 1983. Nun tuvo fíos.

Legáu[editar | editar la fonte]

Mientres años la memoria de María Bernaldo de Quirós pasó al ostracismu, quiciabes, según la investigadora Orellana por causa de la so supuesta collaboración col bandu nacional mientres la guerra civil española que nunca foi probáu. En contraposición, la tamién pilotu Mari Pepa Colomer que lluchó nel bandu republicanu vio reconocíos los sos llogros pioneros na aeronáutica española.^[4]

Una cai en Ciudad Rodrigo lleva'l so nome.

Ver tamién[editar | editar la fonte]

Referencies[editar | editar la fonte]

↑ «María Bernaldo de Quirós, pionera en volar y en divorciase» (castellanu). L'Español (15 d'ochobre de 2016). Consultáu'l 28 d'avientu de 2016.
↑ «María Bernaldo de Quirós: Primer aviadora españolaauthor=Orellana Palombares, Almudena]» (castellanu). Asparkia, Non. 27 (2015). Consultáu'l 28 d'avientu de 2016.
↑ «Benito Loygorri, el primer pilotu d'avión español» (castellanu). Alpoma (3 de xunu de 2016). Consultáu'l 28 d'avientu de 2016.
↑ ^4,0 ^4,1 ^4,2 ^4,3 ^4,4 ^4,5 Palombares, Almudena Orellana (16 de marzu de 2016). «María Bernaldo de Quirós. Primer aviadora española» (en castellanu). Asparkía. Investigació feminista 0 (27): páxs. 147–161. ISSN 2340-4795. http://www.e-revistes.uji.es/index.php/asparkia/article/view/1458. Consultáu'l 25 d'ochobre de 2017.

Enllaces esternos[editar | editar la fonte]

[elesp-1] «María Bernaldo de Quirós, pionera en volar y en divorciase» (castellanu). L'Español (15 d'ochobre de 2016). Consultáu'l 28 d'avientu de 2016.

[op-2] «María Bernaldo de Quirós: Primer aviadora españolaauthor=Orellana Palombares, Almudena]» (castellanu). Asparkia, Non. 27 (2015). Consultáu'l 28 d'avientu de 2016.

[3] «Benito Loygorri, el primer pilotu d'avión español» (castellanu). Alpoma (3 de xunu de 2016). Consultáu'l 28 d'avientu de 2016.

[:0-4] 4,0 ^4,1 ^4,2 ^4,3 ^4,4 ^4,5 Palombares, Almudena Orellana (16 de marzu de 2016). «María Bernaldo de Quirós. Primer aviadora española» (en castellanu). Asparkía. Investigació feminista 0 (27): páxs. 147–161. ISSN 2340-4795. http://www.e-revistes.uji.es/index.php/asparkia/article/view/1458. Consultáu'l 25 d'ochobre de 2017.

[1]

[2]

[3]

[4]