Manuela de los Herreros Sorà

De Wikipedia
Saltar a navegación Saltar a la gueta
Manuela de los Herreros SoràPicto infobox auteur.png
Manuela de los Herreros i Sorà (1879).jpg
Vida
Nacimientu Palma10  de xunu de 1845
Nacionalidá Flag of Spain.svg España
Muerte

Palma29  d'abril de 1911

(65 años)
Estudios
Llingües catalán
castellanu
Oficiu
Oficiu escritora
Cambiar los datos en Wikidata

Manuela de los Ferreros Sorà (Palma, 10 de xunu de 1845 - Palma, 29 d'abril de 1911) foi una escritora y alministradora de calter costumbrista mallorquina. Dende temprana edá, amosóse interesada na cultura, cuantimás, l'aprendizaxe de llingües. Tuvo en contautu, gracies a la posición social del so padre, col Archiduque Luis Salvador d'Austria.[1]

Biografía[editar | editar la fonte]

Manuela de los Ferreros y Sorà nació en Palma'l 10 de xunu de 1845, nuna familia con un altu nivel cultural, lo que-y abriría les puertes a una educación a la que bien poques muyeres de la so dómina podíen aportar. El so padre, Manuel de los Ferreros, foi direutor del Institutu Balear (institución que tuvo un pesu perimportante na renovación pedagóxica de les Islles Baleares) y unu de los sos tíos per parte de madre foi caderalgu. Emparentada con figures venceyaes al mundu de la cultura, dende bien pequeña amosó un gran interés pola llectura que la fixo destacar ente les alumnes de les escueles de Bernat Homar y Alexandre Perelló. De la mesma destacó, más palantre, pola so conocencia del inglés, el francés, l'italianu y l'alemán, aparte del catalán (la so llingua materna).[2]

Antes de casase, nuna dómina na que llevó una intensa actividá como escritora, yera habitual vela nel Atenéu Balear (que s'acababa d'abrir a les muyeres) pero arriendes del so matrimoniu col abogáu Enric Bonet i Ferrer en 1872 y de los catorce fíos que tuvieron, menguó la so dedicación a esti ámbitu. Mientres los años de más implicación col mundu lliterariu escribió en prosa y en versu obres de temática costumbrista, formó parte de les redacciones de delles publicaciones costumbristas mallorquines como La Dulzaina, La Revista Balar y el calendariu El Saracossano y publicó en revistes del Principáu como Lo Gai Saber y Calendari Català.[3] D'esta mesma dómina, destaquen les sos bones rellaciones con #los escritores catalanes más destacaos de la Renaixença que s'acompañaben, sicasí, de la so voluntá de nun formar parte de los certámenes nin de los Xuegos Florales y de nun axuntar tola la so producción lliteraria nun volume.[4]

Manuela enviudó en 1899 y cuatro años dempués, en 1903, morrió'l so padre que, amás de direutor del Institutu Balear fuera presidente de la Sociedá Económica d'Amigos del País, y collaborador lliterariu y alministrador del Archiduque Luis Salvador d'Austria. En quedando güérfana de padre siguió cola xera qu'esti realizaba y ocupó el puestu d'alministradora del Archiduque. Morrió'l 29 d'abril de 1911 en Palma, ciudá de la que sería llamada fía pernomada n'avientu de 1915. Tien una cai dedicada nel barriu de Son Pastilla, onde s'atopo l'acuariu de la ciudá, la Palma Aquarium.[4]

Referencies[editar | editar la fonte]

  1. «Manuela de los Herreros Sorà». Diccionari Biogràfic de Dones (en catalán). Red Vives de Universidades. 10 de setiembre de 2010. Consultáu'l 21 de marzu de 2017.
  2. «Manuela de los Herreros Sorà» (catalán). Diccionari Biogràfic de Dones. Red Vives de Universidades (10 de setiembre de 2010). Consultáu'l 21 de marzo de 2017.
  3. Rosselló Bover, Pere (1997). Els moviments literaris a les Balears (1840-1990). Málaga: Documenta Balear. ISBN 9788489067158.
  4. 4,0 4,1 «Inicio». Palma Aquarium. Consultáu'l 21 de marzu de 2017.