Manuel Reguera González

De Wikipedia
Manuel Reguera González
Vida
Nacimientu Candás27 de xunetu de 1731
Nacionalidá España
Muerte Uviéu1798[1] (66/67 años)
Estudios
Llingües falaes castellanu
Oficiu arquiteutu
Trabayos destacaos Silla del Rey (es) Traducir
Miembru de Real Academia de Belles Artes de San Fernando
Cambiar los datos en Wikidata

Manuel Reguera González (27 de xunetu de 1731Candás – 1798Uviéu) foi un arquiteutu asturianu.[2]

Biografía[editar | editar la fonte]

Foi'l so padre Toribio Reguera, maestru d'obres que la empecipió na arquiteutura. En 1752 empezó a trabayar como moyón, mientres cursaba matemátiques na Universidá d'Uviéu. Desenvolvió la so vida profesional na villa de Xixón, realizando xeneralmente Obra Civil. Foi alumnu del arquiteutu Pedro Antonio Menéndez de Ambás (1716 - post 1777) y tuvo el cargu de Fontaneru Mayor de la ciudá d'Uviéu, gracies a les referencies de Menéndez y del gobernador Isidoro Gil de Jaz, en sustitución de Manuel Ramírez Arellano, autor del diseñu de los muelles y dársenes del puertu de Xixón. Foi unu de los primeros arquiteutos asturianos en formar parte de la Real Academia de Belles Artes de San Fernando en 1764.[3] Na so etapa final, sofitáu por otros artesanos de la ciudá, denuncia los trabayos y la formación edilicia del maestru d'obres José Bernardo de la Meana solicitando que fueren revisaos los sos proyeutos por arquiteutos cualificaos.[4]

Obra[editar | editar la fonte]

La obra de Manuel Reguera se engloba principalmente dientro de la Obra Civil. Munches de les obres d'inxeniería civil na ciudá d'Uviéu relatives a infraestructura de canalización d'agües d'esti periodu final del sieglu XVIII tuvieron so la so supervisión. Realiza obres na biblioteca de la Universidá d'Uviéu en 1768. El so estilu arquiteutónicu incidía nel neoclasicismu. Ente les sos obres importantes arquiteutóniques atópase'l pórticu monumental de la ilesia-conventu de Santu Domingu d'Uviéu. Dende l'añu 1768 collaboró con Ventura Rodríguez n'obres como l'Hospiciu, l'Hospital, o'l Balneariu de Les Caldes.

Enllaces esternos[editar | editar la fonte]

Referencies[editar | editar la fonte]

  1. Afirmao en: Faceted Application of Subject Terminology. Identificador FAST: 401943. Apaez como: Manuel Reguera González. Data de consulta: 9 ochobre 2017.
  2. Vidal Ángel de la Madrid Álvarez (1992). Universidad d'Uviéu: Manuel Reguera González y l'arquiteutura de la segunda metá del sieglu XVIII n'Asturies, Esis doctoral, Primer (en castellanu), Uviéu: Serviciu de Publicaciones. ISBN 9788474686654.
  3. Rendueles Llanos, Estanislao (1867). Historia de la villa de Xixón, Ed. Reimpr. (2010) (en castellanu), Valladolid: Maxtor, páx. 20.
  4. Bárbara García Menéndez (2011). «La estancia formativa del escultor, ensamblador y arquiteutu asturianu José Bernardo de la Meana en Madrid (h. 1737-1743)». Liño - Revista añal d'Arte (16).