Manuel Jimenes

De Wikipedia
Manuel Jimenes
Presidente de la República Dominicana

Vida
Nacimientu Bayamo14 de xineru de 1808
Nacionalidá Bandera de República Dominicana República Dominicana
Muerte Puertu Príncipe22 d'avientu de 1854 (46 años)
Causa de la muerte cólera
Oficiu políticu
Creencies
Relixón católicu romanu
Cambiar los datos en Wikidata

Manuel José Jimenez González (14 de xineru de 1808Bayamo – 22 d'avientu de 1854Puertu Príncipe) foi un militar y políticu dominicanu. Presidente de la República Dominicana nel periodu 1848-1849. El so fíu Juan Isidro Jimenez tamién ocupó la presidencia del país.

Oríxenes y descendencia[editar | editar la fonte]

Jimenes naciera en Baracoa, Guantánamo, nel oeste de Cuba, el 14 de xineru de 1808, fueron los sos padres Juan Jimenes y Altagracia González. Jimenes casó per primer vegada con María Francisca Ravelo de los Reis el 19 d'agostu de 1835 en Santu Domingu. La pareya procreó 5 fíos, María del Carmen, Isabel Emilia, María de los Dolores, Manuel María y Manuel de Jesús.

El 21 de mayu de 1849 dempués d'haber enviudado casó de nuevu con Altagracia Pereyra Pérez, con ésta procreó a Juan Isidro Jimenes Pereyra quien tamién foi presidente del país.

Presidencia constitucional[editar | editar la fonte]

Mientres el primer gobiernu de Pedro Santana ocupó'l rangu de Xeneral y Ministru de Guerra y Marina. Tres l'arrenunciu del xeneral Santana a la Presidencia de la República, el 4 d'agostu de 1848, el xeneral Jiménes foi escoyíu presidente constitucional pal periodu 1848-1852.

El so gabinete con Félix Mercenariu, ministru d'Interior y Policía; Domingo de la Rocha, ministru de Xusticia ya Instrucción Pública; José María Caminero, ministru de Facienda y Comerciu y Rellaciones Esteriores, y xeneral Román Franco Bidó, héroe de la batalla de Sabana Llarga, ministru de Guerra y Marina.

El gobiernu de Jimenes tuvo dende los sos entamos l'amenaza de nueves invasiones al país. El Congresu Nacional llamó al xeneral Pedro Santana por que se fixera cargu de la situación militar, dexándose dempués de los sos trunfos, reponer el so prestíu políticu y meses más tarde, dar un Golpe d'Estáu contra'l gobiernu de Manuel Jimenes, el 29 de mayu de 1849.

Finó n'Haití, Puertu Príncipe'l 22 d'avientu de 1854 por causa de la enfermedá del roxura

Referencies[editar | editar la fonte]

Enllaces esternos[editar | editar la fonte]