Manuel García-Galano
Manuel García-Galano | |
|---|---|
| Vida | |
| Nacimientu | A Roda, 24 de mayu de 1922 |
| Nacionalidá |
 España |
| Muerte | Siero, 28 d'agostu de 2016 (94 años) |
| Estudios | |
| Llingües falaes | gallegu |
| Oficiu | escritor |
| Seudónimos | Manuel García-Galano |
 | |
Manuel García Sánchez (24 de mayu de 1922, A Roda – 28 d'agostu de 2016, Siero), más conocíu como Manuel García-Galano, foi un escritor asturianu en llingua gallega.
Biografía[editar | editar la fonte]
Nació nel llugar d'El Pico, na parroquia d'A Roda y de mozu foi músicu aficionáu y formó parte de la Banda de Música de Salave dende'l fin de la guerra civil española y hasta la so disolución en 1944.[1] y darréu pasó a collaborar cola Filarmónica de Tapia, llocalidá a la que coló en 1948 al aprobar les oposiciones a funcionariu[2] y ellí tamién s'aficionó al teatru, collaborando como actor en grupos aficionaos de la zona y en 1950 escribió les obres de teatru El casado casa quer xunto a Joaquín Pérez Núñez y Americano del pote con Ramón Santamarina. Ente 1979 y 1991 dirixó'l grupu Ameicer qu'estrenó once de les sos obres[3], de calter costumista recopiláronse en Mareaxes tapiegos en 1993 y llueu escribió sainetes pal grupu Pico de Faro de la llocalidá d'A Roda que se publicaron nel añu 2000 nel tomu Erguendo el telón. Otres pieces recopiláronse en 2014 n'ediciones llindaes.[4]
Como narrador publicó en 1984 col títulu Parzamiques un conxuntu de cinco cuentos. En 1991 gañó l'I Premiu Xeira col rellatu A terra é a terra qu'incluíu na segunda edición de Parzamiques en 1993 hasta sumar un total de siete rellatos[5]. En 2010 recopiló en Faraguyas un total de 23 rellatos curtios. Foi collaborador de la revista Entrambasauguas dende'l so entamu en 1996 y espublizó Vento d'outono en 2005 colos venti testos qu'escribiera hasta entós.
Con Jacinto Díaz López recopiló un Vocabulario d'A Roda (Tapia) que publicó en 1994 y una segunda edición ameyorada en 1996. Sicasí, na mayor parte de la so producción utilizó formes propies de Tapia (l- inicial en cuenta de ll-, l intervocálica en formes como tolo versus tollo, a versus úa)[4] L'Academia de la Llingua Asturiana (ALLA) nomólu miembru d'honor en 2006 y magar aceptar les normes ellaboraes poles instituciones asturianes, amosóse partidariu de llegar a un estándar de consensu ente espertos asturianos y gallegos.[4]
Referencies[editar | editar la fonte]
- ↑ García-Galano, Manuel. «A Banda de Música de Salave». Entrambasaugas (15).
- ↑ Palomino Arjona, Manuel. Dramaturgia Asturiana Contemporánea. edición de autor, páx. 130.
- ↑ «García Sánchez, Manuel "Manuel García-Galeano"».
- ↑ 4,0 4,1 4,2 Babarro, Xoán. «Lembranza de Manuel García-Galano».
- ↑ Fernández Acevedo, Suso. A herdade que nós temos. Historia e escolma da prosa en galego do Eo-Navia. Servizo de Publicacións da Universidade de Vigo, páx. 95.
Enllaces esternos[editar | editar la fonte]
Datos: Q113687772