Manihiki
| Manihiki | |
|---|---|
 | |
| Situación | |
 | |
| Estáu asociáu |  Islles Cook |
| Tipu | atolón |
| Parte de |
Northern Cook Islands (en)  |
| Asitiáu en | Océanu Pacíficu |
| Coordenaes | 10°25′38″S 160°59′25″W / 10.427222°S 160.990278°O |
  Manihiki Manihiki (Océanu Pacíficu) | |
| Datos | |
| Altitú media | 4 m |
| Superficie | 4 km² |
 | |
Manihiki, antes Humphrey, ye un atolón de les Islles Cook septentrionales. Ta asitiáu a 1160 km al norte de Rarotonga. Les sos coordenaes son 10° 24′ S 161° 0′ O.
Xeografía
[editar | editar la fonte]El atolón, de forma triangular, ta formáu por cuarenta islles que zarren una llaguna fonda ensin nengún pasu navegable. Amás, tien unos pequeños castros nel centru de la llaguna. La superficie total ye de 5,4 km². [1]
El atolón ye famosu poles sos perlles negres, que se cultiven en gran cantidá, produciendo grandes beneficios. Amás, ye un puntu d'atracción polos aficionaos al submarinismu y a la pesca n'alta mar.
El centru alministrativu ta en Tauhunu, y esiste otra villa llamada Tukao. La población total yera de 515 habitantes nel censu del 2001.[2]
Historia
[editar | editar la fonte]Envalórase que los polinesios estableciéronse en Manihiki siquier dende l'añu 1500. Foi afayáu polos europeos el 1822 pol capitán estadounidense Patrickson que lo denominó Humphrey Island. El nome tradicional yera Tapuahua.
Los habitantes de Manihiki y Rakahanga vivíen tradicionalmente alternando ente un atolón y l'otru, según les reserves alimentarias que teníen en cada atolón. El viaxe de 44 km de distancia ente dambos atolones, realizáu con piragües dacuando resultaba peligrosu. L'añu 1852 los misioneros europeos convenciéronlos de que s'estremaren ente los dos atolones y punxeron fin a esta alternanza.
Referencies
[editar | editar la fonte]enllaces esternos
[editar | editar la fonte]
Wikimedia Commons acueye conteníu multimedia sobre Manihiki.
- air rarotonga, detalles de la islla, (n'inglés)
- Documentos necesarios pa viaxar a les islles Cook, (n'inglés).
