Manganeses de la Polvorosa

Coordenaes: 42°02′10″N 5°44′47″W / 42.0362°N 5.7464°O / 42.0362; -5.7464
De Wikipedia
Manganeses de la Polvorosa
Alministración
País España
Autonomía Castiella y Lleón
Provincia provincia de Zamora
Tipu d'entidá conceyu d'España
Alcalde de Manganeses de la Polvorosa (es) Traducir Juan Cid Roman
Nome oficial Manganeses de la Polvorosa (es)[1]
Códigu postal 49694
Xeografía
Coordenaes 42°02′10″N 5°44′47″W / 42.0362°N 5.7464°O / 42.0362; -5.7464
Manganeses de la Polvorosa alcuéntrase n'España
Manganeses de la Polvorosa
Manganeses de la Polvorosa
Manganeses de la Polvorosa (España)
Superficie 16.37 km²
Altitú 717 m[2]
Llenda con Villabrázaro
Demografía
Población 628 hab. (2023)
- 309 homes (2019)

- 324 muyeres (2019)
Porcentaxe 0% de provincia de Zamora
0.03% de Castiella y Lleón
0% de España
Densidá 38,36 hab/km²
Más información
Estaya horaria UTC+01:00
manganesesdelapolvorosa.com
Cambiar los datos en Wikidata

Manganeses de la Polvorosa ye un conceyu y llocalidá española de la pronvincia de Zamora, na comunidá autónoma de Castiella y Llión.[3]

Asitiáu na zona norte de la provincia de Zamora, dientro de la contorna de Benavente y Los Valles, cuenta con una superficie de 16,37 km² y, según datos del padrón municipal 2017 del INE, cuenta con una población de 683 habitantes. D'ente'l patrimoniu d'esti conceyu, destaca la so ilesia románica y l'importante xacimientu d'El Pesadero del que se destacar la so cronoloxía del sieglu VII e. C. y, darréu, de dómina ástur y romana.[4]

Topónimu[editar | editar la fonte]

Manganeses ye un topónimu que foi rellacionáu col despoblado lleonés de Manganes (tamién Maganes na documentación medieval), asitiáu na alfoz de Mansilla de les Mules. Nesti sentíu, indícanos qu'esta llocalidá foi repoblada por naturales de la citada llocalidá lleonesa, esistiendo documentos medievales que recueyen les rellaciones patrimoniales y clientelares qu'esistieron ente dambes llocalidaes. Frente a esta opinión, otros autores indiquen que Manganeses deriva d'una repoblación de mozárabes del Reinu de Toledo, orixinarios de Magán, llocalidá que tuvo cierta importancia en dómina califal. Otros rellacionen el topónimu con Maganes, una parroquia del conceyu asturianu de Cangas (España). Tamién se venceyó Manganeses col étimu antroponímicu de Maga o Maganus que dalgunos consideren nome llatín y otros xermánicu de los que podríen derivar los nomes de les llocalidaes portugueses de Magãye, el Magaz lleonés, y n'el mesmu Magán toledanu.[5][6][7]

En cuanto al determinativo "Polvorosa", este provién de la designación de la merindad na qu'esti conceyu tuvo integráu mientres la Edá Media. De la mesma, alúdese direutamente a la condición del terrenal sobre'l que s'asitia esta llocalidá y que se fai derivar del vocablu llatín pulvis, con significáu de polvu, más el sufixu abundancial -osus, lo que daría llugar a “llugar polvoriento”, en lleonés “polvazal”.

Símbolos[editar | editar la fonte]

La comisión de gobiernu de la Diputación de Zamora, en sesión de 26 de payares de 1997, adoptó l'alcuerdu pol que s'aprueba l'escudu heráldicu y la bandera del conceyu de Manganeses de la Polvorosa, quedando blasonados de la siguiente forma:[8]

Escudu: Partíu, primero de plata, caña de palma de gules, segundu de gules Torre d'Ilesia surmontada de cabeza de cabra, tou de plata. Al timbre Corona Real Zarrada.
Bandera: Rectangular, de proporciones 2:3 formada por un pañu blancu con una caña de palma colorada y dos triángulos coloraos que tienen por vértiz común l'ángulu inferior del estil y per estremos el puntu mediu de la parte cimera o'l puntu mediu de la batiente.

Allugamientu[editar | editar la fonte]

Asítiase na zona norte de la provincia de Zamora, dientro de la contorna de Benavente y Los Valles. Ta bien comunicáu gracies a l'autovía A-52. Al nordeste de la llocalidá alcuéntrase la desaguada del ríu Eria nel ríu Órbigo.

Historia[editar | editar la fonte]

Xacimientu de La Corona-El Pesadero

Manganeses cunta con unu de los más antiguos xacimientos arqueolóxicos de la zona, asitiáu na paraxa de "El Pesadero", güei cubiertu, consideráu por dellos espertos del sieglu VII a. de C., anque tamién amuesa restos de dómines posteriores como ástures y romanos. Estos restos fueron puestos en valor por aciu la creación d'una aula arqueolóxica na que ye posible ver un percorríu de nueve siglos d'esistencia d'esti asentamientu, cola recreación de viviendes o un taller alfareru de la dómina romana.[4]

Yá na Edá Media, la hestoria de Manganeses de la Polvorosa tamién ta amestada a la victoria de los exércitos d'Alfonsu III el Magno sobre les tropes musulmanes na batalla de la Polvorosa nel añu 878. Esti fechu históricu resultó decisivu pa la posterior repoblación de la llocalidá, que quedó integrada nel Reinu de Llión.[9]

Darréu, na Edá Moderna, Manganeses foi una de les llocalidaes que s'integraron na provincia de les Tierres del Conde de Benavente y dientro d'esta na Merindad de la Polvorosa y la receptoría de Benavente.[10]

Sicasí, al reestructurase les provincies y crease les actuales en 1833, la llocalidá pasó a formar parte de la provincia de Zamora, dientro de la Rexón Lleonesa,[11] quedando integrada en 1834 nel partíu xudicial de Benavente.[12]

Demografía[editar | editar la fonte]

Gráfica d'evolución demográfica de Manganeses de la Polvorosa ente 1900 y 2017
Fonte: Institutu Nacional d'Estadística d'España - Ellaboración gráfica por Wikipedia.

Patrimoniu[editar | editar la fonte]

Amás de la so ilesia parroquial, Manganeses de la Polvorosa tien ente les sos riqueces, el xacimientu de La Corona-El Pesadero, onde se documentó un importante asentamientu dende'l sieglu VII a. de C. y que los sos restos fueron puestos en valor por aciu la creación d'una aula arqueolóxica na que ye posible ver un percorríu de nueve siglos d'esistencia d'esti asentamientu, cola recreación de viviendes o un taller alfareru de la dómina romana.

Fiestes[editar | editar la fonte]

A principios de la década de 1990 españó un discutiniu arriendes de una fiesta tradicional del pueblu llamada «saltu de la cabra», na cual los quintos del pueblu tiraben una cabra dende'l campanariu a una lona suxetada polos mozos del pueblu. El discutiniu qu'espertó la tema nos medios de comunicación fizo que l'alcalde prohibiera la fiesta en 2002;[13] esta fiesta sigue celebrándose cada añu a finales de xineru por san Vicente Mártir, anque la cabra yá non se llance del campanariu y solo pásiese pol pueblu colos quintos, llindándose a tirar dende la torre una cabra de cartón piedra.

Referencies[editar | editar la fonte]

  1. Afirmao en: Llista de Conceyos y los sos Códigos por Provincies a 1 de xineru de 2019. Data d'espublización: 8 febreru 2019. Editorial: Institutu Nacional d'Estadística.
  2. URL de la referencia: https://www.aemet.es/es/eltiempo/prediccion/municipios/manganeses-de-la-polvorosa-id49109.
  3. «Diputación de Zamora, los nuesos conceyos: Manganeses de la Polvorosa».
  4. 4,0 4,1 «Macovall: Manganeses de la Polvorosa».
  5. García Sánchez, Jairo Javier (Toledo, 2004). Toponimia mayor de la provincia de Toledo (zones central y oriental). Institutu provincial d'investigaciones y estudios toledanos. páx. 215, ISBN 84-95432-05-6.
  6. Palombar Lapesa, Manuel (Madrid 1960). Antroponimia prerromana, páx. 359. CSIC. Enciclopedia Llingüística Hispánica I, páxs. 347-387.
  7. «Pascual Riesco Chueca; Medio natural y poblamiento en la toponimia mayor de Zamora».
  8. «Resolución de 26 de payares de 1997, de la Diputación Provincial de Zamora, pol que s'aprueba l'Escudu Heráldicu y la Bandera municipal del Conceyu de Manganeses de la Polvorosa.».
  9. José Cela, Camilo (1971). Editorial Destino: Obra completa, Volume 8 (en castellanu), páx. 831. «tol dilatáu país que dicen de la Polvorosa, a la solombra de la villa de Benavente, na provincia de Zamora, diócesis d'Astorga y reinu de Llión: Fresnu de la Polvorosa, Vecilla de la Polvorosa, Santa Cristina de la Polvorosa, Arcos de la Polvorosa, Milles de la Polvorosa, Manganeses de la Polvorosa, etc.»
  10. Salgado Fuentes, Carlos Javier (2016). Universidá de Salamanca: La evolución de la identidad regional en los territorios del antiguo Reino de León (Salamanca, Zamora y León) (en castellanu), páx. 149-150.
  11. «Real Decretu de 30 de payares de 1833 sobre la división civil de territoriu español na Península ya islles axacentes en 49 provincies» (castellanu). Gaceta de Madrid.
  12. «Subdivisión en partíos xudiciales de la nueva división territorial de la Península ya islles axacentes / aprobada por S. M. nel real decretu de 21 d'abril de 1834».
  13. «cabra_71732.html L'alcalde de Manganeses prohibe'l polémicu «saltu de la cabra»».

Ver tamién[editar | editar la fonte]

Enllaces esternos[editar | editar la fonte]