Macu González

De Wikipedia
Saltar a: navegación, buscar
Macu González
Vida
Nacimientu

[[ ]] de 1953

(64/65 años)
Nacionalidá Bandera d'España España
Estudios
Llingües castellán
Oficiu
Cambiar los datos en Wikidata

La compositora y profesora de música María Imnaculada Concepción González, Macu González (Samartín de Teberga, 1953), fía de militar y llicenciada en Canto pol Real Conservatorio Superior de Música de Madrid, dende pequeña vivió en diferentes llugares d'España y Marruecos, y reside dende finales de los ochenta en Denia (Alacant) onde imparte clases de técnica vocal y composición.

Biografía[editar | editar la fonte]

Especializada en Psicomotricidad, el so labor profesional actual céntrase na rehabilitación de los trastornos de voz de cantantes, aplicando conceptos enraizados na psicología a partir de la filosofía de K. Dürkeim y otros maestros.

Inició la so formación musical a los seis años en Valencia xunto a Pepe Doménech Part, pasando a formar parte del grupu Pequeños Cantores de Valencia. Comienza los sos estudios de canto nel propiu conservatoriu de la capital valenciana con Ana Luisa Chova y amplía la so formación con Tatiana Menotti y Juan Oncina. Los diferentes tresllaos profesionales de la so familia llévenla a dir paulatinamente posponiendo los sos estudios, que nun fina hasta centrar la so residencia en Madrid en 1982.

Continúa vinculada a la so tierra natal al traviés de la música, componiendo diferentes temes musicales basaos n'estructures rítmiques tradicionales, aprendíes de la so güela materna. En 2012 ganó'l Premiu al Meyor Cantar, patrocináu y organizáu pola Conseyería d’Educación, Cultura y Deporte del Principáu d’Asturies, col cantar Si nun conoces Val.louta, interpretáu pola formación folk Asturiana Mining Company y cantada por Berto Varillas. Esta formación participó con esti cantar representando a Asturies nel festival Liet International 2012, obteniendo'l Premiu del Públicu.

Amás de les sos canciones pa l'Asturiana Mining Company, n'Asturias tien compuestos temes pa Mapi Quintana, Fernando Valle Roso ya Imanol Núñez. En Valencia tien compuestes delles pieces pa la Banda de Música de Denia, relacionaes toes elles coles fiestes de Moros y Cristians. Anguaño trabaya técnica vocal con dellos intérpretes mozos de cant d’estil, col propósitu de recuperar esti cantu tradicional.

Como arreglista destaca'l so trabayu d'adaptación del tema Amal Hayatti (L'amor de la mio vida), de la cantante exipcia Umm Kalzum, -Fāṭima ʾIbrāhīm al-Baltāǧī (n'árabe, فاطمة إبراهيم البلتاجي)-, pa banda música, cola que quedó finalista del certamen de composiciones y arreglos pa bandes de la Comunidá Valenciana.

Agora mesmo trabaya nueves composiciones sobre ritmos tradicionales pal grupu Asturiana Mining Company y otres formaciones asturianes, xunto a los músicos Michael Lee Wolfe, Berto Varillas y Xaime Arias.

Enllaces esternos[editar | editar la fonte]